ஞாயிறு, அக்டோபர் 29, 2017

சந்தோஷம் – சந் = தோஷம்


தோஷம் என்னை சந்திப்பதால் சந்தோஷம் என்னை சந்திக்க மறுக்கிறது சந்தோஷம் என்பது இந்த ஜென்மத்தில் எனக்கு இல்லை என்றாகி விட்டது அடுத்த ஜென்மத்தில் நிறைவாக கிடைக்குமோ ஒருவேளை அடுத்த ஜென்மமே இல்லை என்றால் எந்த ஜென்மத்து பாவம் எனக்கு இந்த வாழ்க்கை இதற்கு காரணகர்த்தா யார் நிச்சயமாக நானில்லை
வேறு யார் ?
எனது மூதாதையர்களோ ?
Anyway
நான் பாவம் செய்யாமல் வாழவிரும்புகிறேன்.
எனது சந்ததிகளுக்காக...
நான் அறியாமல் செய்த பாவங்களின் பிரதி பலனை எனக்கும் புண்ணியங்களின் பலனை எனது சந்ததிகளுக்கும் அளிப்பாயாக.
பாவத்தை உலையில வச்சவன்,
சாபத்தை தலையில ஏற்றியே தீரணும்.

Chivas Regal சிவசம்போ-
அப்படின்னா Mutton Chicken Don’t Eating னு சொல்றீங்களா Brother ?


இனி யாரோ எவரோ எழுதியதிலிருந்து....

What we are today is result of our own past Actions;
நம்முடைய கடந்தகால செயல்பாடுகளின் முடிவுகள்தான் இன்று நாம் என்னவாக இருக்கிறோம் என்பது

Whatever we wish to be in future depends on our present Actions;
எதிர் காலத்தில் நாம் என்னவாக இருக்க விரும்புகிறோம் என்பது நம்முடைய நிகழ்கால செயல்பாடுகளைச் சார்ந்திருக்கிறது.

Decide how you have to act now.
நீ இப்போது எப்படி செயல்பட வேண்டுமென்பதை முடிவு செய்து கொள்.

We are responsible for what we are, whatever we wish ourselves to be.
நாம் என்னவாக இருக்கிறோமோ, நாம் என்னவாக இருக்க விரும்பினோமோ அதற்கு நாமே பொருப்பாளி.

We have the power to make ourselves.
நம்மை உருவாக்கிக் கொள்வதற்கு நம்மிடமே சக்தி இருக்கிறது.

(பிக்பாஸ் ட்ரிக்கர் சக்தி அல்ல)

Photo places in Oman

வெள்ளி, அக்டோபர் 27, 2017

நண்பேன்டா...


டேய்... கதவைத்திறடா...
இந்த நேரத்திலே யாருடா ?
நான்தான்டா...
மணிக்குமார்ராயா... என்னடா ?
மச்சான் கவுத்திப்புட்டாடா...
என்னடா... ஆச்சு சொல்லுடா.. ?.
அவ எனக்கு டாட்டா காமிச்சுட்டாடா...
யாருடா... ?
அவதான்டா..
எவடா... ?
என்னைக் கவுத்திப்புட்டாடா...
சொல்லித் தொலையேண்டா... ?
அவளுக்கு கல்யாணமாம்மாடா...
எவளுக்குடா... ?
இதோ மொபைல்ல இருக்கிறவதான்டா..
மாப்பிள்ளை யாருடா... ?
அவன்தான்டா...
எவன்டா... ?
அந்த மாடசாமிதான்டா...
யாரு... மேலத்தெருக்காரனாடா...?
ஆமாடா...
சரி காலையில பார்க்கலாம் போடா...
இல்லடா...
வேறென்ன செய்ய... விடுடா...?
அவ வீட்டுக்கு போனேன்டா...
என்ன... நடந்துச்சுடா...?
பாட்டா செருப்பெல்லாம் கேட்டாளேடா...
அதனால என்னடா...
வாங்கி கொடுத்தேனடா...
அதுக்கு இப்ப என்னடா...?
பாட்டா செருப்பால அடிச்சிட்டாளேடா...
சரி சரி விடுடா...
விட மாட்டேன்டா...
அதான் அடிக்க விடுட்டியேடா..?
நான் டால்டா கம்பெனி ஓனர்டா...
நீ டாட்டா இல்லையேடா...?
அவளை கொல்லப் போறோம்டா...
நான் வரலைடா...
ஏண்டா...?
நேத்து ராத்திரி வந்தியேடா...?
அதுக்கு என்னடா...?
பேசிப்பேசி விடிஞ்சு போச்சேடா...
அப்படீனா... புறப்படுடா...
எனக்கு வேலையிருக்குடா...
நீ நண்பனாடா...?
இன்னைலருந்து இல்லடா...
நான் உன் நண்பேன்டா...?
இப்ப வம்பு ஏண்டா...?
அப்ப நான் போறேன்டா...
எங்கேடா...?
டாஸ்மாக்குடா...
சரி தொலைஞ்சு போடா...


மணிக்குமார்ராய் போகவும், சனியன் தொலைஞ்சான்டா என கதவைப் பூட்டி விட்டு தூங்கப் போன மணிஷ்கர், மணியைப் பார்த்தான் மணி 06:00am இருக்கும் ஆனால் உகாண்டா கடிகாரம் காட்டியது இப்படி...

செவ்வாய், அக்டோபர் 24, 2017

வலையபட்டி, வலைப்பதிவர் வளையாபதி


வணக்கம் ஐயா மக்கள் பிரச்சனைகளை தாங்கி வரும் எங்கள் ஓங்கி பத்திரிக்கைக்கு பேட்டியளிக்க வந்திருக்கும் எதற்குமே வளைந்து கொடுக்காத வலையபட்டி, வலைப்பதிவர் வளையாபதி அவர்களுக்கு எங்கள் மனமார்ந்த நன்றியை தெரிவித்துக் கொள்கிறோம் பேட்டியை துவங்கலாமா ?
ஓங்கி பத்திரிக்கை இன்னும் உயரம் தொட்டு ஓங்கி ஒலிக்க எமது வாழ்த்துகளோடு நன்றிகளும் துவங்கலாம்.

வலையுலகில் பிராபலமான மன்னிக்கவும் பிரபலமான பதிவர்கள் வரிசையில் தாங்களும் இருப்பதாக வேலையற்ற வெட்டி வீணர்கள் பேசிக்கொள்கின்றார்கள், இது எந்த அளவுக்கு உண்மை என்று விளக்க முடியுமா ?
நான் யாருக்கும் பிராபலம் தராமல் சித்தன் போக்கு ஸெவனோ க்ளாக்கு என்று கடந்து போகின்றவன் ஆகவே என்னைப்பற்றி அவதூறாக சொல்கின்றவர்களைப்பற்றி எமக்கு கவலை இல்லை.

தமிழ் மணத்தில் இப்பொழுது மைனஸ் ஓட்டு போட்டு வருவது மேஜர் பிரச்சனையாக இருக்கிறதே காரணம் என்ன ?
இதற்கு மூலகாரணம் யார் என்பது எமக்குத் தெரியும் இருப்பினும் அவரை நாம் சட்டப்படி கைது செய்ய இயலாது.

சட்டத்தால்கூட தொடமுடியாதவர் யாரென்று தாங்கள் சொல்லுங்களேன் ?
அவர் மறைந்துவிட்ட திரைப்பட நடிகர் திரு. மேஜர் சுந்தர்ராஜன்.

அதெப்படி இறந்து விட்ட மேஜர் சுந்தர்ராஜன் மைனஸ் ஓட்டு போடமுடியும் ?
சமீபத்தில் தொலைக்காட்சி நாடகத்தில் இறந்து விட்டவர் தன்னைக் கொலை செய்தவரை போலீஸாருக்கு காட்டிக் கொடுத்து கொலையாளியை கைது செய்ய வைக்கும் பொழுது இது மட்டும் முடியாதா ?


தமிழ் மணத்தில் மைனஸ் ஓட்டு விழுவதால்தான் தங்களின் முகம் எந்நேரமும் இஞ்சி தின்றது போலிருப்பதாக சொல்கின்றார்கள் இது உண்மையெனில் இதற்கான காரணத்தை விளக்க முடியுமா ?
எனக்கு சொந்தக் கவலைகளே தற்சமயம் முப்பது கிலோவுக்கும் மேல் இருக்கிறது. ஆகவே இவர்களுக்கு பதில் சொல்ல வேண்டிய அவசிய ம......... எனக்கு இல்லை.

கடந்துபோன, பலரும் கருத்துரை இட்டு முடிந்து போன பழைய பதிவுகளுக்கு சென்று மைனஸ் ஓட்டு போடுகின்றார்கள் இதனைப்பற்றி தங்களின் கருத்து ?
இறந்த சடலத்துக்கு நல்லஊசி போடுவதே வெட்டி வேலை இதில் விசஊசி எதற்கு ? அதனைப் போன்ற இழி செயல்தான் இது கரண்டுக்குப் புடிச்சகேடு.

உங்களுக்கு இதனைப் போன்ற விசஊசி மன்னிக்கவும் மைனஸ் ஓட்டுகள் போடப்பட்டு இருக்கின்றதா ?
ஆம் எனது ஆடிட்டர் ஆவுடையப்பன் அவர்களை வைத்து உகாண்டாவில் இருக்கும் கணைக்ட்டிங் பீப்புள் ஸிஸ்டம் மூலம் ஆராய்ந்ததில் சுமார் அறுபதுக்கும் மேல் பழைய பதிவுகளுக்கு மைனஸ் ஓட்டுகள் விழுந்து இருப்பது கண்டு பிடிக்கப்பட்டுள்ளது.

அறுபது ஓட்டுகள் என்றால் வெகுகாலம் நடந்திருக்கிறது போலவே ?
இல்லை வெகுதூரமே சுமார் நூற்றி இருபது கிலோ மீட்டர் இருக்கும் ஆனாலும் வெகு குறுகிய காலத்தில் அதாவது ஒரு வாரகாலத்திற்குள் நடந்து இருக்கிறது.

இந்த துரோகச்சுவடுகள் உங்களுக்கு மட்டும்தானா ?
இல்லை பலரும் இதனுள் சிக்கி இருக்கின்றார்கள் அவர்களின் பட்டியலை வெளியிட எமக்கு விருப்பம் இல்லை இதில் எனக்கு மிகப்பெரிய வருத்தம் என்னவென்றால் தனக்கே ஓட்டுப்போட்டுக் கொள்ளாமல் இந்த வயதிலும் தளராமல் நல்ல அனுபவங்களை பதிவெழுதும் திரு. ஜியெம்பி ஐயா அவர்களின் பதிவுக்கும் மைனஸ் ஓட்டு அளித்திருப்பது

இந்த மைனஸ் ஓட்டுகள் விழுவதால் தங்களுக்கு பாதிப்பு ஏதுமில்லையே ?
மிகப்பெரிய பாதிப்பு நிகழ்ந்து விட்டது. கடந்த வைகாசி மாதம் 34-ஆம் தேதி அன்று மட்டும் எனக்கு மைனஸ் ஓட்டு விழாமல் இருந்திருந்தால் எனக்கு ஐ.நா சபையின் பொதுச்செயலாளர் பதவி கிடைத்து இருக்கும் இது மயிரிழையில் கை நழுவி விட்டது. நான் அப்பதவியில் இருந்தால் வலைப்பதிவர்கள் அனைவருக்கும் பெருமை இல்லையா ?

சரி அப்பதவி கை நழுவிப்போய் விட்டதால் வலைப்பதிவர்கள் ஒன்றிணைந்து ஐ.நா சபையின் பொதுச்செயலாளர் பதவிக்கு இணையாக ஐயனார் கோவில் அறங்காவலர் பதவி கொடுத்தால் ஏற்றுக் கொள்வீர்களா ?
வலைப்பதிவர்கள் கட்டளையை ஏற்று எதற்கும் வளையாத வளையாபதி இதற்காக வளைவான்.

இந்த தமிழ்மண மகுடத்தைப் பற்றிய தங்களது கருத்து ?
என்னைப் பொருத்தவரை மேலே புகைப்படத்தில் இருக்கின்றாரே நைஜீரிய நாட்டு பெண்மணி அவர் தூக்கிச் செல்லும் மண்குடம் போன்றது இந்த தமிழ்மண ம(ண்)குடம் இவை எப்பொழுது தவறி விழுந்து சிதறும் என்று கணிக்க இயலாது.

அந்த நைஜீரிய நாட்டு பெண்மணி தங்களுக்கு வேண்டப்பட்டவரா ?
ஆம் எனது துணை மாமனாரின் சகலை மனைவியின் சகோதரரின் மகனுக்கு கட்டியவரின் மருமகளின் மாமியார்.

மன்னிக்கவும் நான் அதிராம்பட்டணம் அதிரடி அதிரா அளவுக்கு புத்திசாலி இல்லை ஆகவே அந்தப் பெண்மணி உங்களுக்கு என்ன உறவுமுறை ?
எனக்கு கொளுந்தியாள்.

மேலே தங்களது கொளுந்தியாள் புகைப்படம் இட்டதற்கு பிரத்யேக காரணம் உண்டா ?
எனக்கு திருமணம் நிகழ்ந்த காலம் தொட்டு அவள்மீது ஒருகண் உண்டு.

நைஜீரியாவில் இருக்கும் அந்தப் பெண்மணியோடு இப்பொழுதும் தொடர்பு உண்டா ?
இல்லை ஒருமுறை தவறாக நடந்து கொள்ள முயன்றதால் எனக்கும் அவளுக்கும் தற்பொழுது பேச்சு இல்லை.

அப்படியானால் அந்த கசப்பான சம்பவம் காரணமாக அவர் நைஜீரியாவில் இருந்து கொண்டு உங்களுக்கு மைனஸ் ஓட்டு போட்டு இருக்கலாமே ?
நீங்கள் சொல்வது போலும் இருக்கலாம் என்றே தோன்றுகிறது.

பிறகு எதற்கு இறந்து போன நடிகர் திரு. மேஜர் சுந்தர்ராஜன் அவர்கள் மீது சந்தேகப்படுகின்றீர்கள் ?
அப்படியில்லை எனது சந்தேக வட்டத்துக்குள் அவரும் இருக்கின்றார் என்று சொல்ல வருகிறேன்.


இது வெளியுலகம் அறிந்தால் திரு. மேஜர் சுந்தர்ராஜன் அவர்களின் குடும்பத்தார் உங்கள்மீது மானநஷ்ட வழக்கு தொடுத்தால் ?
மன்னிக்கவும் அவரை சட்டப்படி எனது சந்தேக வட்டத்தை விட்டு விலக்கி வைக்கிறேன் இதை பத்திரிக்கையில் வெளியிட வேண்டாம்.

தாங்கள் இதுவரை யாருக்காவது மைனஸ் ஓட்டு போட்டு இருக்கின்றீர்களா ?
மூன்று வருடங்களுக்கு முன்பு முதன் முதலாக ஓட்டுப்போடும் பொழுது எனக்கு நானே அறியாமல் போட்டுக் கொண்டது பிறகு சமீபத்தில் எனது பதிவுகள் மகுடத்தில் ஏறுவதால் நான் தொடர்ந்து பதிவுகள் எழுதுவதற்கு இடையூறாக இருந்தது. ஆகவே மகுடத்தில் இருந்து இறக்கி விடுவதற்காக நானே எனக்கு மைனஸ் ஓட்டு போட்டு இறக்கி விட்டேன் இது உண்மை என்பது சில வில்லங்கத்தார்களுக்கு தெரியும்.

சரி இதற்கு தீர்வுதான் என்ன ?
ஒன்றுமில்லை அதனை மறந்து விட்டு நான் வழக்கம்போல் எனது பாதையில் செல்லப் போகிறேன்.

நல்லது ஐயா இதுவே தங்களை இன்னும் உச்சியில் கொண்டுபோய் முச்சந்தியில் நிறுத்தும் என்று சொல்லி வாழ்த்தி விடை பெறுகிறேன் நன்றி வணக்கம்.
நல்லது தங்களது வாக்கு பலித்தால் திருச்சியில் இருக்கும் உச்சிப் பிள்ளையார் கோவிலுக்கு, பக்திப்பதிவர் திருமதி. கீதா சாம்பசிவம் அவர்களுக்கு அவர்களது செலவிலேயே சிதறு தேங்காய் உடைக்கச் சொல்லி இதோ மின்னஞ்சல் அனுப்புகிறேன். தங்களது வாழ்த்துகளுக்கு மனம் நிறைந்த நன்றி.

சாம்பசிவம்-
இதென்ன கூத்து வளையாபதி பலனடைய திருச்சிக்காரவுங்க கப்பம் கட்டணுமா ?
சிவாதாமஸ்அலி-
அதனாலென்ன... நாளைக்கு அவங்களுக்கு ரெண்டு தமிழ்மணம் ஓட்டு போட்டால் சரியாப்போச்சு.
Chivas Regal சிவசம்போ-
அவுங்களுக்கு தமிழ்மண ஓட்டுப் பட்டையே கிடையாது நாம சொன்னா குடிகார மட்டைனு சொல்லுவாங்கே...

நட்பூக்களே... பதிவுலகில் தற்பொழுது நிகழ்ந்து வரும் குழப்பங்கள் அனைவரும் அறிந்ததே ஆகவே அதனை மையமாக வைத்து எழுதினேன் இதற்கு தங்களது விரிவான கருத்துரையை ஆவலுடன் எதிர் பார்க்கும் உங்கள் வளைய..... மன்னிக்கவும் கில்லர்ஜி.

ஞாயிறு, அக்டோபர் 22, 2017

அர்த்தமென்ன ?


ம் நாட்டில் பெரும்பாலானவர்கள் இறைவணக்கம் செய்கின்றார்கள் அப்படி என்றால் இறைவனை நம்புவதாகத்தானே அர்த்தம் கோயிலுக்குப் போகின்றார்கள் அங்கு சாதி அடிப்படையில் தனக்குத்தான் முதல் மரியாதை தரவேண்டுமென பிரச்சனையை கிளப்பி அடி, உதை, வெட்டு, குத்து என்று போய் பல உயிர்கள் கொலையில் வந்தும் முடிகிறதா ? இல்லை மீண்டும் அதையே காரணமாக வைத்து தொடர்கிறது.... பல ஊர்க்கோயில்களில் தேரோட்டம் நிறுத்தப்பட்டு இறைவனையே பல வருடங்களாக சிறை வைத்தும் பூட்டி இருக்கின்றார்கள் உண்மைதானே.... இதை சமூகத்தை சாக்கடையாக்கிய திரைப்படங்களிலும் கூட நாம் கண்டு இருக்கின்றோம்.

இந்த இடத்தில்தான் நாம் சிந்திக்க வேண்டிய விடயம் இருக்கிறது இறைவனிடம் பயமில்லாமல் மனிதன் இத்தனை ரத்தக்களரி விளையாட்டு விளையாடுகின்றான், இறைவனும் இதை வேடிக்கை பார்த்துக்கொண்டு இருக்கின்றார்ன் நண்பர்களுக்கு... அரசன்.சே அன்று கொல்வார் தெய்வம் நின்று கொல்லும் அப்படினு வசனம் சொல்லக்கூடாது இந்தக் கொலைகள் தொடர்கதை ஆவதற்கு இறைவனும் ஒரு காரணமே ஆம் தேவர் பிலிம்ஸ் திரைப்படங்களில் வந்தது போல... அரபு நாட்டில் பொது இடத்தில் நடந்த கொலைக் குற்றவாளிக்கு மூன்றே வாரங்களில் வழக்குகளை முடித்து தூக்குத்தண்டனை கொடுத்ததுபோல... இறைவனும் இதை செய்திருந்தால் ? ? ? அன்றே திருவிழாக் கொலைகள் மட்டுமல்ல இதர தெருக்கொலைகளும் நடக்காது ஏன் ? மதவாதக் கொலைகளும் நடக்காது மதக்கொள்கைகளும் ஒரு மூட்டைப்பூச்சி மாதிரிதான் மதச்சாயத்தை பூசிக்கொண்டால் அவை நமது ரத்தத்தை உறிஞ்சிக் குடித்து விடும்.


இன்றளவும்கூட மும்பையில் வெறும் பத்து ரூபாய்க்காக கொலைகள் நடந்திருக்கின்றது... நடக்கின்றது ஆம் தவறான கணிப்பில் இவனிடம் பணமிருக்கும் என்று கருதி கொலை செய்து விடுகிறான் பிறகு சோதித்துப் பார்த்தால் வெறும் பத்து ரூபாய் இதற்காக அவன் வருந்தப் போகின்றானா ? இல்லை திருந்தப் போகின்றானா ? பத்தோடு பதினொன்று அத்தோடு இதுவொன்று என ரயில் தண்டவாளத்தில் கிடத்தி விட்டு போய் விடுகிறான் அது தற்கொலைக் கணக்கில் மூடப்படுகிறது உண்மைதானே... நண்பர்களுக்கு இது கலிகாலம் என்று சொல்லக்கூடாது கொலையாளிக்கு மறுநாள் முதல் சிறையில் உணவு களிதான் என்ற நிலைப்பாடு இருந்தால் இந்தக் கொலைகள் மட்டுமல்ல எந்தக் கொலைகளும் நடக்காது. இங்குதான் பணத்தை அடித்தால் ஷாப்பிங் போய் வரமுடிகிறதே... ஆக தடுக்க வேண்டிய இறைவனும் தடுக்காமலிருக்கும் சூழலில் நிறுத்த வேண்டிய மனிதனும் நிறுத்தாமலிருக்கும் இந்த வேளையில் இறை வணக்கத்தின் அர்த்தம் என்ன ? (அவ்வ்வ்வ்வ்வ் தலைப்பு வந்துடுத்து) எனக்கு இந்தக் குழப்பம் விபரம் அறிந்த 2 ¾ வயதிலிருந்தே இருக்கிறது.


மன எண்ணங்களில் அழுக்கோடும் நடைமுறை வாழ்வில் அக்கிரமங்களோடும் இறைவனை வணங்கி வாழும் மனிதன், என்னை சோதிக்கின்றாய் என்று இறைவனிடம் போய் பொய் சொல்கின்றான், இது முரண்பாடு இல்லையா ? இந்தக் காரணங்களே என்னை ஆத்திகத்திலும் நாத்திகத்திலும் சேர்க்காத விசித்திகனாக வாழவைத்துக் கொண்டு இருக்கின்றது இறைவணக்கம் செலுத்தாதவன் எப்படியும் வாழட்டும் இறைவனை வணங்குபவன் மனிதநேயமுள்ள அப்பழுக்கற்றவனாக ஒழுக்கசீலனாக வாழவேண்டும் அவனே மனிதனாக இறைவனிடம் சரணடைய முடியும்.

நல்லதை நினை நன்மை நடக்கும்
தொண்டு செய் மேலான நிலை அடைவாய்.
- சிவமுத்தர் ஸாது ஸ்வாமிகள் குடமுருட்டி

1988-ல் தேவகோட்டை சகோதர நண்பர்கள் தெய்வத்திரு. தி. முத்துச்செழியன், திரு. கோ. கணேசன் அவர்களுடன் பரமக்குடி அருகிலுள்ள அபிராமம் மேலக்கொடுமலூர் என்ற ஊருக்கு அடுத்து இருக்கும் குடமுருட்டி என்ற சிறு கிராமத்தில் ஒரு வித்தியாசமான அரிஜனர் வகுப்பைச் சேர்ந்த அர்ச்சகரோடு வினோதமான ஐயப்பன் கோயிலில் நான் கண்ட பொன்மொழி அன்றுமுதல் இதை ஆத்மார்த்தமாய் உணர்ந்து இதன் வழியே இன்றுவரை நான் நடைபோடுகின்றேன்... நடைபோடுவேன்... கடைசிவரை...

காணொளி
Related Posts Plugin for WordPress, Blogger...