முதல் மரியாதை

சமூகத்தில் உயர்ந்த மரியாதை கிடைப்பது பணம் படைத்தவனுக்கா ? படித்து பட்டம் பெற்றவனுக்கா ? வீரம் உள்ள பலசாலிக்கா ? பண்டைய காலத்தில் புலவர்கள், வழக்காடுகள் நடத்தினார்கள், முடிவில் படித்தவனே உயர்ந்தவன் எனமுடிவும் செய்தார்கள், இதனை வலியுறுத்தி சரஸ்வதி சபதம் (1966) என்ற பெயரில் ஐயா A. P. நாகராஜன் அவர்கள் ஒருதிரைப்படம் இயக்கி மிகப்பெரிய வெற்றியும் கண்டார்.

 காலப்போக்கில் இதில் உயர்ந்தவன் பணம் படைத்தவனே என்ற முடிவுக்கும் வந்தார்கள், மக்களும் இதை ஏற்றுத்தான் ஆகவேண்டும் என்ற நிலை வந்தது, இன்று இந்த மூவரையுமே பின்னுக்கு தள்ளக்கூடிய நிலைக்கு நாம், நம்மையறியாமல்... மாற்றிக் கொண்டிருக்கிறோம், என்பது மறைந்து கொண்டுள்ள உண்மை. 

ஒரு கோவிலில் விஷேச உற்சவம் சிறப்பு விருந்தினராக.. ஒரு படித்தவரும், ஒரு பணக்காரரும், ஒரு பலசாலியும் வருகிறார்கள் என்றால் யாருக்கு முதல் மரியாதை கொடுக்கப்படுகிறது ?

பணக்காரருக்கு காரணம் அவர் தனது பணத்தால் அனைவரையுமே விலை பேசிவிடுவார் இது என்னைப் போன்ற பாமரனுக்குகூட தெரிந்த உண்மை, 

இதே சூழ்நிலையில் இந்த மூன்று மனிதர்களும் வருகிறார்கள் அந்த மூன்று நபர்களும், சரிசமமான பணக்காரர்கள் என்றுகூட வைத்துக் கொள்வோம், படித்தவன் அந்த இடத்தில் உயர்ந்து நிற்கின்றான்.

இதே சூழ்நிலையில் இந்த மூன்று மனிதர்களையும், ஓரத்தில் தள்ளி விடக்கூடிய ஒரு மனிதர் இருக்கிரார், அவர் ? ? ? இந்த மூன்று மனிதரிடம் இருக்கும் பணத்தில் துளியளவுகூட இவரிடம் இல்லையென்று வைத்துக் கொள்வோம், இவர் மழைக்குகூட பள்ளியருகில் ஒதுங்கியவரும் இல்லை, மிகப்பெரிய வீரனும் இல்லை, இருப்பினும் இவருக்கே முதல் மரியாதை காரணம் என்ன ? அவர்தான் பதவி வகித்துள்ள வார்டு ஆம். இன்று பதவியாளனுக்குத்தான் மரியாதை.

நமது வீட்டுக்கு ஒரு பணக்காரர் வருகிறார், என வைத்துக் கொள்வோம் எங்க வீட்டுக்கு பணக்காரர் வருகிறார் என வெளியில் பீற்றிக் கொள்ள முடியுமா ? இல்லை ஒரு படித்தவர் வருகிறார் என்பதால் எங்க வீட்டுக்கு படித்தவர் வருகிறார், என வெளியில் பீற்றிக் கொள்ள முடியுமா ? இல்லை முஹம்மது அலி ஜின்னாவைப் போலொரு குத்துச்சண்டை வீரர் வருகிறார் என்பதால், எங்க வீட்டுக்கு வீரன் வருகிறார், என வெளியில் பீற்றிக் கொள்ள முடியுமா ? அதே நேரம் ஒரு M.L.A வருகிறார் என்றால் ? எங்க வீட்டுக்கு M.L.A வருகிறார் என மொழி தெரியாதவனிடம் கூட பெருமைபேசி மகிழ்கிறோம்.

ஒரு கவுன்சிலருக்கே இப்படி என்றால், மேலாளர், தாசில்தார், கலெக்டர், சேர்மன், மேயர், I.P.S, M.L.A,  M.L.C,  M.P  சபாநாயகர், முதல்வர், பிரதமர், ஜனாதிபதி, இவர்களைவிட நாளைய இந்தியாவின் ஆட்சியை நிர்மானிக்கும் திரைப்பட நடிகர், நடிகைகள் ? 

ஆக.... இன்றைய வாழ்வில் படித்தவனையும், செல்வந்தனையும், வீரனையும், சுலபமாக பதவியாளர்கள் பின்னுக்கு தள்ளி விடுகிறார்கள் காரணம், பதவி கொண்டு பணக்காரராகி விடலாம், அந்த பணம் கொண்டு படித்தவனை தனக்கு கீழ் வேலைக்கு வைத்துக் கொள்ளலாம், அந்த பணம் கொண்டு வீரர்களை அடியாட்களாக மாற்றி விடலாம்.

ஆக இன்றைய வாழ்வாதாரத்தில் படித்தவரைவிட, பணக்காரரைவிட, பலசாலியைவிட, பதவியாளனே உயர்ந்தவன், அவனுக்கே  SORRY அவருக்கே, FIRST RESPECT.   

CHIVAS REGAL சிவசம்போ-

போட்டோவை பார்த்தா முதல் மரியாதை கிடைக்காது போல முதல் வெட்டுதான் கிடைக்குமோ ?

அன்பு நெஞ்சங்களே... வலைச்சரத்தில் தற்போது நான் ஆசிரியராகி வெளியிட்ட பதிவு கிளிக் நாந்தாங்கோ......கில்லர்ஜி. கலாமே.....