என் நூல் அகம் 4

 

மதுரை பதிவர் விழாவில் ஆவியைப் பார்த்தேன் பயந்து விடாதீர்கள் வலைப்பதிவர் கோவை ஆவி அவர்களைத்தான் சிறிய வயதிலும் யாரிடமும் பழகத் தெரிந்த பெரிய மனிதர் எனக்கு தனது ‘’ஆவிப்பா’’ என்ற தனது நூலை கையொப்பமிட்டுத் தந்தார் படித்தேன், தேன், ஆம் அனைத்தும் தேன் ஹைக்கூ கவிதைகள் குயிலைப் போல் கூக்கூக்வென கூவியிருக்கிறார் இந்த ஆவி.

நான் மிகவும் ரசித்தவை பல அதில் தங்களுக்குத் தருகிறேன் சில...

ஒற்றை வார்த்தையில்

ஒரு பாடல்

சரிகமபத ‘நீ’

என் இனிய செந்தமிழ் குடித்த காலம் தொட்டு நான் கேட்டு வளர்ந்த வார்த்தை இது சரிகமபதநி ஆவி ஒரு நொடியில் தனது காதலிக்கு தாரை வார்த்து விட்டாரே... இனி சங்கீத வித்துவா(ன்)ர்கள் கத்துவார்களே ! அய்யகோ நான் என்ன ? பதிலுரைக்க... பதிலறியா பாவியானேனே இந்த ஆவியால்.

என் சக போட்டியாளன்...

நீ கிடைக்காத வருத்தத்தில்

உன் காபியில் விழுந்து

உயிர் விட்ட ‘’ஈ’’

‘’ஈ’’ கூடப் போட்டியா ?

உன் இரக்க குணத்திற்க்கு

அளவே இல்லையா ?

இரண்டாய் வெட்டப்பட்ட

வெங்காயத்திற்க்கு கூட

கண்ணீர் அஞ்சலி செய்கிறாய் !

ஆவியே, இது அயல் தேசங்களில் வாழும் பேச்சளர்களுக்கும் பொருந்துமா ?

அவள் முகம் காட்டினாள்

என் காய்ச்சல் பறந்தது...

அவள் புன்னகை சிந்தினாள்

என் நிம்மதி தொலைந்தது...

ஆவியே, இது உங்களுக்குமா ?

கோலமயில் நீ

கோலம் போடும்

கோலத்தை காண

கண்ணுறக்கமில்லாமல்

அலங்கோலமாய் நான் ! !

ஆவியே, அலங்கோலமா ?

எழுத்தாணி தோன்றி

டெக்னாலஜி தோன்றா காலத்தே

முன் தோன்றிய பா

இந்தக் காதல்ப் ‘’பா’’

படிக்கும் நமக்கும் ஆமாப்பா என்று சொல்ல வைக்கிறது இன்னும் எழுதவே ஆசை இது ஆவிப்பா ஆகி விடக்கூடாதே.. போதும்ப்பா என நினைக்கிறேன். (ஆமாப்பா, ஆளவிடப்பா... யாரப்பா ? அது இடையிலே, கருப்பா)

‘’ஆவி’’க்கும் காதல் வருமா ? எமக்கு ஆச்சர்யமாக இருந்தது. அத்தனையும் கவித்தேன் சொந்த அனுபவத்தில் நொந்த அனுபவமோ என்னவோ படிக்கும்போது... எமக்கு அந்த உணர்வு வந்த-து. எந்த உணர்வும் வரவில்லையென்று யாரும் சொல்ல முடியாது சொன்னால் சொன்னவர் ஆவியே அந்த அளவுக்கு ஆவி, ச்சே மனிதர் உணர்ந்து எழுதி இருக்கிறார்.

 

மறைந்த பழம்பெரும் நடிகர் ஜெமினி கணேசனின் ‘’காதல் மன்னன்’’ பட்டம் ஏன் ? சும்மா கிடப்பில் கிடக்கின்றது அதை எடுத்து நமது கோவை ஆவிக்கு கொடுத்தால் என்ன ? வாத்தியாரே சரிதானே....

 

ஆகவே ஆவியின் ஆவிப்பாவை படிக்க ஆத்மார்த்தமாய் ஆவண செய்யும் உங்கள்.

தேவகோட்டை கில்லர்ஜி அபுதாபி.

எனது மற்ற விமர்சனங்களை படிக்க கீழே இணைப்புகளை சொடுக்குக...

 

என் நூல் அகம்1

என் நூல் அகம் 2

என் நூல் அகம் 3