Police Your Friend (U.A.E) الشرطه اصدقاؤك

அபுதாபி அலுவலக வேலை முடிந்து, அல்காமராஜர் ரோட்டில் காரில் போய் கொண்டிருந்தேன் பின்புறம் POLICE CAR லைட் போட்டுக் கொண்டு வந்தது, நான் அடுத்த PARKING வரை காரை ஓட்டி வந்து, நிறுத்தி விட்டு இண்டிகேட்டரை போட்டேன், ஒரு போலீஸ் அதிகாரி இறங்கி வந்தார்.

அஸ்ஸலாமு அலைக்கும் 

என, கை கொடுத்தார்.

அலைக்கும் ஸலாம் 

என்றேன்.

கேப் பால் அஹ் ? 

(எப்படி இருக்கிறாய் சகோதரா ?)

ஹம்துலில்லாஹ் தமாம்.
(இறையருளால் நல்லாயிருக்கேன்)

ஜீப், ரொஹ்ஷா அவ் மொளுக்கியா, (லைசென்ஸ், R.C கார்டு, கொடு)

நான், இரண்டையும் எடுத்துக் கொடுத்தேன், பார்த்து விட்டு கேட்டார்.

இஸ்ஸூம் மால் இந்தே கில்லர்ஜி ?
(உனது பெயர் கில்லர்ஜியா ?) 

நாம். (ஆம்)

பீ, மாலும் கானூன் ? 

(சட்டம் தெரியுமா ?) 

மாலும். 

(தெரியும்)

லேஷ், இந்தே கலம்த் ஹாத்ப் ? 

(நீ ஏன் டெலிபோன் பேசினே ?)

எனக்கு ஆச்சர்யமாக இருந்தது அவரது கேள்வி, கடந்த ½ மணி நேரமாக டெலிபோன் வரவும் இல்லை, நான் பேசவும் இல்லை பிறகு எப்படி ? இருப்பினும் நான் கேட்டேன்.

மீனு கலம்த் ஹாத்ப் ? 

(யாரு பேசினா டெலிபோன் ?)

இந்தே கலம்த், அனா ஸூப் 

(நான் பார்த்தேன், நீ பேசினே)  

நான், சட்டென காரிலிருந்த எனது மொபைலை எடுத்து போலீஸ் அதிகாரியிடம் கொடுத்து விட்டு சொன்னேன்.

வல்லாஹி, அனா மாபி கலம்த் கஸாப், கபுல் நூஸ் ஷா அனா மாபி கலம்த் ஹாத்ப், ஸூப் அனா பீ ப்ளூடூத், இந்தே ஸூப் மொபைல்மாலி, மும்கின் அனாகலம்த் ஹாத்ப் ? பீ முக்கலிபா மித்தீன் திர்ஹாம், சவி அரபாமியா மாபிமுஸ்கில். 

(சத்தியமா நான் பொய் பேசலை, கடந்த ½ மணிநேரமா எனக்கு போன் வரவில்லை பாரு என்னிடம் ப்ளூடூத் இருக்கு, ஒருவேளை நான் போன் பேசியது உண்மையானால் அபராதம் 200 Dirham’s என்றால் 400 Dirham’s எழுது பிரச்சனை இல்லை) 

எனது தீர்க்கமான பதிலில் ஒரு மாதிரியாக, பார்த்த அவர், மொபைலில் Dialled Call, Received Call இரண்டையும் செக் செய்து விட்டு கேட்டார்,

அதா, மொபைல் மால்மீன் ? 

(இந்த மொபைல் யாருடையது ?)

ஹஹ்கி. 

(என்னுடையது)  

இந்தே இந்தி, மொபைல் தாக்கல் ஜிசில் அரபி கேப்... இந்தே மாலும் அரபி ? 

(நீ இந்தியன், மொபைல் அரபியில இருக்கு எப்படி... உனக்கு அரபி தெரியுமா ?)

நாம். 

(ஆமாம்)  

அதா கேப், தெக்ஹா அனா ? 

(இதை எப்படி... நான் நம்புறது ?)

அனா ஸ்ஸூ சவி இந்த ஈஜி, தெக்ஹா ? 

(நான், என்ன செய்தால் உனக்கு, நம்பிக்கை வரும் ?)

ஜிசில் இஸ்ம் மாலி. 

(என்னுடைய பெயரை எழுது) 

நான், காரிலிருந்து வெளியே வந்து அவருடைய NAME PADGEஜை பார்த்தேன் அதில்.

مــحمـــد سالم أحمـد إسـماعـــيل المــنصوري

முஹம்மத் ஸாலம் அஹமத் இஸ்மாயில் அல்மன்சூரி.

என்று டைப் செய்திருந்தது, நான் எனது மொபைலில் அவருடைய பெயரை டைப் செய்து கொண்டே வந்தேன், பகுதியிலேயே அவர் என்னை தட்டிக்கொடுத்து விட்டு...

தமாம் லேகின், அனா ஸூப் இந்தே கலம்த் கேப் ? 

(நல்லது ஆனா, நான் பார்த்தேனே.. நீ பேசுறதை எப்படி ?)

மும்ப்கின் கலாத், இந்தே ஸூப் நபர்தாணி. 

(ஒருவேளை தவறு நீ பார்த்தது வேறு நபராக இருக்கலாம்)    

அவர், சிரித்துக் கொண்டே. சொன்னார்.

ஸினப் மால்இந்தே மும்தாஜ், மப்ரூக்.

(உன்னுடைய மீசை அழகாயிருக்கு வாழ்த்துகள்) 

ஸுக்ரான், அல்லாஹ் ஜீப், கதீய மிஸான் அனா, தரீக்மால் பாபா.

(எனது தந்தை வழியா, எனக்கு இறைவன் கொடுத்த அன்பளிப்பு நன்றி)  

ஹா ஹா.. இந்தே, கலம்த் மஸ்பூத்.

(ஹா ஹா.. நீ, நல்லா பேசுறே)  

அவர் எனது லைசென்ஸையும், R.C கார்டையும் கொடுத்து விட்டு போய் விட்டார், அவர் போனதும் நான் நினைத்தேன் இவரிடம் நாம் நியாயத்திற்காக எவ்வளவு நேரம் வாதாடியிருக்கிறோம் அவர் நம்மை ஒன்றும் செய்யவில்லையே ! இதனால்தான் "காவல்துறை உங்கள் நண்பன்" என எழுதி வைத்தார்களோ எழுதியது சரிதான், எழுதிய நாடுதான் மாறி விட்டது, நான் காரை கிளப்பிக் கொண்டு போனேன் காரின் சக்கரம் முன்நோக்கி ஓட எனது எண்ணங்கள் பின்நோக்கி ஓடியது, இதே சம்பவம் என் இனிய இந்தியாவில் நடந்தால் எப்படி இருக்கும் ? என் கற்பனையுடன் வலை பிண்ணத் தொடங்கினேன்.

குறிப்பு- பிண்ணிய வலை, அடுத்த வாரம் வீசப்படும்.  

CHIVAS REGAL சிவசம்போ-

எண்ணம் பின்னோக்கி ஓடி, முன்னால முன்னோக்கி ஓடுற வண்டியில பின்னால மோதினா, பின்னால கம்பிக்கு முன்னால, உட்கார்ந்து எண்ண,வேண்டி வந்துடப்போகுது, கொஞ்சம் முன்னால யோசிக்கிறது பின்னால நல்லது, ஏதோ என்னால சொல்லமுடிஞ்சது பின்னால, முன்னாலயே சொல்லலையேனு சொல்லக்கூடாது பாருங்க... வலை பிண்ணப்போயி கொலைக்கேஸூல விழுந்துடாம இருந்தாசரி. 

காணொளி