புதுக்கோட்டை போறேங்க...

ஏங்க எந்த ஊருக்கு போறீங்க ?

நான் புதுக்கோட்டைக்கு போறேங்க...

என்ன விசயம்... ? 

அங்கே மாநாடு நடக்குதுல அதுக்குத்தான்.

சாப்பாட்டுக்கு பணமெல்லாம் வச்சுருக்கியா ?

பணம் எதுக்கு அங்கேதான் வயிறு நிறைய வேண்டியதை சாப்புட்டுக்கிறலாமே.. ? 

என்ன மாநாடு ? 

அதாங்க கம்பூட்டருல எழுதுறாங்களாமே... லோகம் மொழுக்க படிக்கிறாங்களாமே.. அதுக்குத்தான்.

அதுல உனக்கு என்ன புரியும்னு போறே... ? 

என்னங்க பார்த்தா, படிச்சவரு மாதிரி இருக்கீங்க... லூசு மாதிரி கேள்வி கேட்குறீங்க ?

என்னையா நீ படக்குனு லூசுனு சொல்றே ?

பின்னே, என்னங்க.. கேனப்பய மாதிரி கேள்வி கேட்டா... ?

யோவ் என்னய்யா நீ விட்டா பேசிக்கிட்டே போறே... ? 

கேள்விக்கு பதில் சொல்ல வேண்டாமா ?

சரி நிறுத்துய்யா.. நானும் பதிவர் மாநாட்டுக்குத்தான் போறேன்.

அப்படியா... அப்பயேன் தெரியாத மாதிரி கேட்டீங்க... ?

உனக்கு வெப்ஸைடைப்பற்றி தெரியுதானு டெஸ்ட் பண்ணினேன்.

நல்லவேளை சொன்னீங்க நான் செவுலு தெறிக்க ரெண்டு விடப்பார்த்தேன்.

எந்த ஊரு உனக்கு... எடக்கு மடக்கா பேசுறே.... ?

தி கிரேட் தேவகோட்டைதான்...

நினைச்சேன் மா3னு சொல்லும் போதே அந்த ஊரு ஆளுனு... சரி பார்த்தால் படிக்காத ஆள் மாதிரி இருக்கே... தி கிரேட் தேவகோட்டைனு சொல்றே...

ஏன்... சொல்லக் கூடாதா ? தி கிரேட் ப்ரிட்டன்னு சொன்னா... அதுக்கு மட்டும் வாயைப் பொத்திக்கிட்டு இருக்கீங்க... எனக்கு எங்க ஊரு பெருசுதான்யா..

சரி நீ என்ன படிச்சுருக்கே... ?

நான் படிக்கலை.

படிக்காமல் எப்படி... வெப்ஸைடைப்பற்றி தெரிஞ்சு வச்சு இருக்கே.. ?

என்னோட கனவையெல்லாம் என்னோட புள்ளைங்க தீர்த்துடுச்சுல அவங்களை படிக்கச்சொல்லி கேட்பேன்.

அடடே பரவாயில்லையே.... ஆமா யாருடைய பதிவுகளை படிப்பே..

தஞ்சையம்பதி பதிவர் இருக்காரே... தெரியுமா ?

ஆமாய்யா நானும் படிச்சுருக்கேன் கோயிலைப்பற்றி எழுதுவாரு....

அவரு எந்த ஊருல இருக்காரு ?

தஞ்சாவூருலதான்.

இப்புட்டுதானா... ஓன் லெட்சணம் அவரு குவைத் நாட்டுல இருக்காரு....

இதெல்லாம் உனக்கு எப்படித் தெரியும் ?

நீ என்னத்தை படிச்சு கிழிச்சியோ... போ பார்த்தால் பேண்டு – சட்டை போட்டு படிச்ச ஆள் மாதிரிதான் இருக்கு வெசயம் இல்லையே.

அப்பயேன் அவரு தஞ்சையம்பதினு போட்டுருக்காரு... ? 

மலேசியா வாசுதேவன் சென்னையிலே இருக்கலையா ? தேவகோட்டை கில்லர்ஜி அபுதாபியில இருக்கலையா ? அதே மாதிரிதான்யா.. அடுத்த வாரம் கூட தஞ்சையம்பதி துரை செல்வராஜூ அபுதாபிக்கு போயி கில்லர்ஜியையும், குமாரையும் பார்க்கப் போறாராம்.

கில்லர்ஜியை உனக்கு தெரியுமா ?

தெரியுமாவா என்னையா கூமுட்டை மாதிரி கேட்குறே ? என்னோட வீட்டுக்கு எதிர்த்த வீட்டு பக்கத்து வீட்டுக்கு எதிர்த்தாப்புலதான் அவரு வீடு.

என்னையா குழப்புறே ?

படிக்காத நான் பேசுறதே உனக்கு புரியலைனா.. மாநாட்டுல எவ்வளவு பெரிய படிச்ச அறிஞர்கள் பேசுவாங்க அதை எப்படி புரிஞ்சுக்குவே... ?

நீ பேசுறதைப் பார்த்தா.. உன்கூட மாநாட்டுக்கு வந்து நடக்கிறதை கவனிச்சாத்தான் எனக்கும் புரியும் போலயே...?  

பின்னேயென்ன... மாவுடியான் மாதிரிதான் இருக்கே... ? 

யோவ் கொஞ்சம் மரியாதையா.. பேசுய்யா பக்கத்துல இருக்கிறவங்க திரும்பி பார்க்கிறாங்க...

சரி நீ யாரு... பதிவுகளை படிப்பே ?

நான் அப்படியே மேலோட்டமா... பார்ப்பேன்.

பாப்பியா... படிப்பியா ?

அது.. வந்து படிப்பேன்...

அட முடுதாரு... நீ சொல்றதை பாத்தா டெல்லிக்காரரு வெங்கட் நாகராஜ் போட்டா போட்ருந்தா படம் பாப்பே படிக்கிற மாதிரியில்லையே...

சரி நீ யாருடையதை படிப்பே...

நான் எங்க ஊருக்காரங்க சே. குமார், அப்புறம் சமையலைப்பத்தி தெரிஞ்சுக்கிறனும்னா.. உமையாள் காயத்ரி இவங்க பதிவை படிக்கச் சொல்வேன்.

அவ்வளவுதானா ?

அவ்வளவு தானாவா... அட முடுமை நான் சொல்ல ஆரம்பிச்சேன்னா மாநாடு முடிஞ்சு வீட்டுக்குப் போறது வரைக்கும் சொல்வேன் அவ்வளவு ஆளுக இருக்காங்க...

சரி வேற ஏதாவது கதை எழுதுறவங்க பதிவு படிப்பியா ?

ஆமா சரித்திரம் படிக்கனும்னா, கரந்தையாருடைய பதிவு, அப்பொறம் கோயில் சிற்பங்களை தெரிஞ்சிக்கிற.. முனைவர் பி. ஜம்புலிங்கம் அவருடைய பதிவு, குடும்பத்தைப்பத்தி தெரிஞ்சிக்க ஜியெம்பி ஐயா பதிவு, நாட்டுநடப்பை பாட்டாலே சொல்லுற புலவர் ராமாநுசம் ஐயா பதிவு, அப்பொறம் கம்பூட்டரைப்பத்தி தெரிஞ்சிக்க திண்டுக்கல் தனபாலன் பதிவு, எல்லா வெசயத்தையும் தெரிஞ்சிக்க ஸ்ரீராம் பதிவு, உன்னைப்போல ஏமாத்துற ஆளுகளைப்பத்தி தெரிஞ்சுக்க, வே. நடனசபாபதி பதிவு, யாரக்காவது பிறந்தாளு, இறந்தநாளு தெரிஞ்சுக்கிறதுக்கு யாதவன் நம்பி பதிவு, நெனைச்சு, நெனைச்சு சிரிக்க பகவான்ஜி பதிவு, சின்ன வெசயத்தைக் கூட பிரமாண்டமாக ஊதி பெரிசா எழுதுற வில்லங்க கோஷ்டிகள் துளசிதரன் – கீதா பதிவு, அப்பறம் சிரிக்க வைக்கிற பழனி கந்தசாமி ஐயா, சென்னை பித்தன் பதிவு, மரபுக்கவிதை படிக்க இளமதி, சசிகலா பதிவு, சின்ன பதிவு படிக்க கமலா ஹரிஹரன் பதிவு, புதுமைக்கு மகேஸ்வரி பாலசந்திரன் பதிவு, சமையலுக்கு சாரதாபதிவு,  வழியில் நடப்பதையெல்லாம் தெரிஞ்சிக்க வலிப்போக்கன் பதிவு, நாடகத்தைப்பற்றி படிக்க மணவையார் பதிவு சினிமா விமர்சனம் படிக்க தோழர் மது பதிவு, பிரமிக்க வைக்கிற S.P. செந்தில்குமார் பதிவு, ஊருசுத்திக் காண்பிக்கிற வெங்கட் நாகராஜ் பதிவு, அப்பொறம் காதல் கவிதை எழுதுற துபாய் ராஜா பதிவு, புதுசா வந்துருக்கிற கரூர் பூபகீதன் பதிவு, சட்டத்துறையை அலச செந்தில்குமார் பதிவு, இப்படிச் சொல்லிக்கிட்டே போகலாம் பாத்தியா... திருமயம் வந்துருச்சு.

இவ்வளவு சொல்றே விழாவை நடத்துற கவிஞர் முத்து நிலவன் ஐயாவைச் சொல்லவில்லையே...

அட கொங்காப்பயலே, அவரு சொல்லாமலா.. நான் மாநாட்டுக்குப் போறேன் ?

உனக்கு வெப்ஸைடே இல்லை அவருக்கு உன்னை எப்படித்தெரியும் ?

அவருதானே வாங்க கில்லர்ஜி மாநாட்டு கையேடெல்லாம் தயார் செய்துருக்கோம் வந்து வாங்கிட்டுப் போங்கனு சொன்னாரு.

கில்லர்ஜியா... அவருதான் அபுதாபியிலே இருக்காரே.. ? 

அட வெளங்கா மட்டை அவரு உடம்பு மட்டும்தான் அங்கே இருக்கு நான் ஆவியா மாநாட்டுக்குப் போறேன்.

ஆவியா ? அடப்பாவி

சொன்னவன் சட்டென்று ஓடுகின்ற பேரூந்திலிருந்து கீழே குதித்து விட்டான் மேலும் விபரங்கள் நாளைய தினத்தந்தியில் நண்பர் திரு. S.P. செந்தில்குமார் அவர்கள் தருவார் காணுங்கள்.

அன்றைய தினம் அனைத்து திசைகளிலிருந்தும் புதுக்கோட்டைக்கு பேரூந்துகள் இலவசம் வாரீர்... வாரீர்... வாரீர்...

 

காணொளி

2015 புதுக்கோட்டை பதிவர் விழாவுக்கு அனைவரையும் வருக வருக என அன்புடன் அழைக்கும்

தேவகோட்டையான்

கில்லர்ஜி किल्लरजि കില്ലർജി  కిల్లర్ జి  Killergee كـــيللرجــــي