கடவுளைக் கண்டேன் (1)

Apollo Hospital Operation Theater ஸ்டெக்சரில் படுத்துக் கிடக்கின்றேன் என்னைச் சுற்றி சுமார் 20 டாக்டர்களும், ஹெல்ஃப்புக்காக 30 நர்ஸுகளும் நிற்கின்றார்கள் ஒரு டாக்டர் எனக்கு ஏதோ சுவாசக்குழாயை எடுத்து பொருத்தி அனஸேசியா கொடுக்க முயல்வது தெரிய தூரத்தில் அங்கு வேலை செய்யும் வலைப்பதிவர் நண்பர் திரு. அரசன். சே அவர்கள் கண்ணாடியின் வழியே என்னைப் பார்த்துக் கொண்டு நிற்கின்றார் எனது கண்கள் சுழன்று ஏதோ வெட்டவெளியில் மிதந்து போவது போல உணரும் பொழுதே எனக்கு புரிந்து விட்டது எத்தனை பி.டி.சாமி கதைகள் படித்திருக்கிறோம் எவ்வளவு விட்டாலாச்சார்யா படங்கள் பார்த்து இருக்கிறோம் ஆஹா நாம,

இறந்துட்டோம்....

டெத்து...

மர்ஹயா...

சனிபோயாடு...

மரிச்சு...

சத்ஒயிட்டே...

மவுத்து....

பத்தாய்...

மரில்லா...

நான் மிதப்பது போலவே நிற்க எதிரே ஏதோ ஒரு உருவம் தெரிகிறது ஆனால் தெரியவில்லை அசிரீரி குரல் மட்டும் கேட்கிறது Yes அதே சீர்காழி S. கோவிந்தராஜன் குரல் போலவே கணீரென்று இருந்தது உருவத்தில் இயக்குனர் A. P. நாகராஜன் போலவே இருந்தார்.

உமக்கு பூலோகத்தில் அறுவை சிகிச்சை நடந்து கொண்டு இருக்கின்றது நீர் அறிவாயா ?

ஆமா, கை விரலில் நெகச்சுத்தி அதற்காகத்தான் ஹோஸ்ப்பிட்டல் போனேன் டாக்டர்கள் ஆஃப்ரேஷன் செய்துக்கிட்டு இருந்தாங்களே நான் இங்கே எப்படி ?

இது மேலோகம் உமக்கு இன்னும் மரணம் நிச்சயம் செய்யப்படவில்லை இன்னும் ½ நாளிகையில் முடிவு எடுக்கப்படும்.

ஐயா சாமி என்னை விட்டுருங்க எனக்கு வலைப்பூவுல நிறைய பதிவுகள் ட்ராஃப்ட்ல கிடக்கிறது அதையெல்லாம் பூர்த்தி செய்யனும்.

உமக்கு ஏதாவது ஆசைகள் இருப்பின் சொல்வீர் அவை நியாயமாக இருந்தால் ? பரிசீலித்து உமது ஆயுளை நீடிப்பதா ? இல்லை முடிப்பதா ? என்று முடிவு செய்யப்படும்.

சாமி எனக்கு 10 ஆசைகள் இருக்கிறது அதையெல்லாம் கண்டு முடித்தவுடன் என்னை அழைத்துக் கொல்ளுங்கள்.

நல்லது வரிசையாக உமது ஆசைகளை இந்த மாமன்றத்தில் சமர்ப்பிக்கலாம்.

01.  கைவண்டித் தொழிலாளி வண்டி கஷ்டப்பட்டு இழுத்துப் போவதை பார்த்த சாலையோரமாய் நடந்து போன மிகப்பெரிய திரைப்பட நடிகர் என்று சொல்லப்படும் வால்டர் வடுகநாத் வண்டியை கொஞ்சம் தள்ளி விட்டுப்போகிறார்.

02.  தமிழ் நாட்டு மந்திரியொருவர் சாலையோரம் உட்கார்ந்திருக்கும் செருப்பு தைக்கும் தொழிலாளியிடம் தனது செருப்பை தைப்பதற்கு நிற்கின்றார்.

03.  பெரிய கிரிக்கெட் வீரர் என்று சொல்லப்படும் சங்கிலி பேரூந்து நிலையத்தில் பயணச்சீட்டு எடுப்பதற்க்கு வரிசையில் நிற்கிறார்.

04.  சட்டமன்ற வளாகத்தில் ஓய்வு பெற்ற அரசாங்க அலுவலர் ஒருவர் தனக்கு ஓய்வூதியம் வருவது தாமதமாகிறது என்று முதல் அமைச்சருடன் வாக்கு வாதம் செய்து கொண்டு இருக்கிறார்.

05.  இந்தியன் ஏர்வேய்ஸ் விமானத்தில் பயணியொருவர் சன்னலோர தனது இருக்கையில் பிரதமர் அமர்ந்ததற்காக இருக்கை மாறுங்கள் என்று சொல்லிக்கொண்டு இருக்கிறார்.

06.  ரயில்வே நிலையத்தில் பயணியொருவரின் பெட்டியிலிருந்து தவறி விழுந்த பணப்பையை காவல்துறை அதிகாரியே ? எடுத்துக் கொடுக்கிறார்.

07.  பேரூந்தில் ஏறியவன் உட்கார்ந்திருந்த பெரியவரின் காலில் மிதித்து விட்டு மன்னிப்பு கேட்காமல் சென்ற குற்றத்திற்காக அவனை பெரியவரிடம் 1008 முறை மன்னிப்பு கேட்கும்படி நீதி மன்றத்தில் நீதிபதி தீர்ப்பில் உத்தரவிடுகிறார்.

08.  நாட்டில் குறைந்து வரும் குற்றங்களால் வேலையில்லா திண்டாட்டத்தை தவிர்க்க காவல்துறை மற்றும் சட்டத்துறையை விட்டு இளைய தலைமுறையினர் வேறு துறைகளில் தேர்ந்தெடுத்து படிப்பை முடித்தவுடன், வேலையை பெறுமாறு தொலைக்காட்சியில் குடியரசுத்தலைவர் அறிக்கை வாசித்துக்கொண்டு இருக்கிறார்.

09.  இந்தியாவில் உள்ள அனைத்து மொழிகளிலும் மதம், ஜாதி என்ற 2 வார்த்தைகளையும் நிரந்தமாக நீக்கம் செய்யப் படுவதாகவும், இந்த வார்த்தைகளை இனி உபயோகிக்கும் நபருக்கு 2 வாரகாலம் சிறை தண்டணை அனுபவிக்க வேண்டியது வரும் என்றும் இது பாரதியார் பிறந்த தினமான டிசம்பர் 11 முதல் அமுழுக்கு வரும் மசோதாவை பாராளுமன்றத்தில் சபாநாயகர் தாக்கல் செய்கிறார்.

10.  காய்கறி கடைக்காரர் தனக்கு வருமானவரியை குறைத்து எழுதிய காரணத்துக்காக வருமானவரி அதிகாரியை தகுதி இல்லாத இவரால் இந்தியாவின் வளர்ச்சி பாதிக்கப் படுன்றும் அதனால் இவரை வேலையிலிருந்து நீக்குமாறு வழக்கு தொடுக்கிறார்.

இப்புட்டுத்தான் சாமி இப்படியொரு இந்தியாவை நான் பார்க்கனும் அப்புறமா என்னை உங்க இஷ்டப்படி சொர்க்கத்துல போடுங்க.

ஹூம் நீர் மிகப்பெரிய காரியவாதியாக இருக்கின்றீர் பகவான்ஜியின் நண்பரல்லவா... இன்னும் பலகோடி மாமாங்கம் ஆண்டுகள் இந்தியாவில் குறிப்பாக தமிழ் நாட்டில் உயிர் வாழ நினைத்து இப்படியான, கொக்கிச் சிக்கலில் எம்மையும் கோர்த்து விட்டீர் எல்லாம் சாகாக்கலை நூலைப் படித்ததின் விளைவு நாம் இதை வேறு மாதிரியாக தீர்மானிக்கின்றோம் உமது வலைப்பூ நண்பர்கள் 10 நபர்களின் ஆசைகளை முன் வைக்கச் சொல்லி அதன் மூலம் அவர்களது 10 நண்பர்களின் ஆசைகளையும் முன் வைக்கச் சொல்வீராக அவைகளில் உமது ஆசைகள் சிறந்ததாக இருந்தால் ? மட்டுமே நாம் பரிசீலிப்போம் இல்லை என்றால் ? ? ?

நல்லது உத்தரவு சாமி இப்பவே எல்லோரையும் உசுப்பேற்றி விடுகிறேன்.

அன்பு நண்பர்களே... நண்பிகளே... இது ஒரு தொடர் பதிவு தங்களின் மனதில் உள்ள ஆசைகள் சிந்திக்க வைப்பதாகவோ, சிரிக்க வைப்பதாகவோ, சுயநலமாகவோ, பொது நலமாகவோ, அநியாயமாகவோ எப்படியோ ? அவைகளை முன் வைத்து தங்களது பத்து நண்பர்களையும் இதில் இணைத்து இதே தலைப்புடன் வரிசை எண் இணைத்து விடுங்கள் இதோ... எனது... கடவுளைக் கண்டேன் (1) இப்படித்தான்...

நான் வழக்கமாக சொல்வது போல என்னை மாதிரி இழுக்க வேண்டிய அவசியம் இல்லை நேரடியாக விடயத்துக்கு வந்து விடலாம் இருப்பினும் அது உங்கள் விருப்பம் என் மீது அன்பு வைத்திருப்பது உண்மையானால் அனைவரும் தங்களது ஆசைகளை முன் வைக்கவும் அப்பொழுதுதான் எனது விரலில் நடந்து கொண்டு இருக்கும் நெகச்சுத்தி Operation வெற்றிகரமாக முடியும் இல்லை எனில் விதியின் வழி...

இதற்கு நான் பரிந்துரைக்கும் எமது நண்பர்கள்.

01. இனிய நண்பர் திரு. கரந்தை ஜெயக்குமார் அவர்கள்.

http://karanthaijayakumar.blogspot.com

02. இனியவர் திரு முனைவர். B. ஜம்புலிங்கம் அவர்கள்.

http://drbjambulingam.blogspot.com

03. அன்பின் ஜி குவைத் திரு. துரை செல்வராஜூ அவர்கள்.

http://thanjavur14.blogspot.ae

04. அன்புக்குறிய ஐயா திரு. முனைவர். பழனி கந்தசாமி அவர்கள்.

http://swamysmusings.blogspot.com

05. அன்பு ஜி திரு. திண்டுக்கல் தனபாலன் அவர்கள்.

http://dindiguldhanabalan.blogspot.com

06. இனிய வில்லங்கத்தார் திரு. துளசிதரன் & திருமதி. கீதா அவர்கள்.

http://thillaiakathuchronicles.blogspot.com

07. அன்பு நண்பர் திரு. வே. நடனசபாபதி அவர்கள்.

http://puthur-vns.blogspot.com

08. இனிய கவிஞர். திருமதி. தேன்மதுரத்தமிழ் அவர்கள்.

http://thaenmaduratamil.blogspot.com

09. இனிய கவிஞர். திருமதி. கீதா. எம் அவர்கள்.

http://velunatchiyar.blogspot.com

10. இனிய நண்பர் திரு. சே. குமார் அவர்கள்.

http://vayalaan.blogspot.com

மேற்கண்ட பத்து நண்பர்களையும் நான் பரிந்துரை செய்கின்றேன் நமது உள்ளத்து ஆசைகள் இந்த பரந்த பூமியில் பறந்து வரட்டும் புறப்படுங்கள்.

இன்றைய கனவுகள்... நாளைய நனவாக... பிறரும் தயாராகுங்கள் தங்களுக்கும் அழைப்பு வரும்.

என்றும் அன்புடன்

- தேவகோட்டை கில்லர்ஜி அபுதாபி -

சாம்பசிவம்-

ஒரு நெகச்சுத்தியாலே... எத்தனை தலைகள் உருளப்போகுதோ...

சிவாதாமஸ்அலி-

என்னங்கய்யா, அபுதாபியில ஒரு எழுமிச்சம்பழம் கிடைக்கலையா ?

Chivas Regal சிவசம்போ-

? ? ?

நான் தொடங்கி வைத்த எனது முந்தைய தொடர் பதிவைக் காணாதவர்கள் சொடுக்கி பார்க்KALAM

கனவில் வந்த காந்தி (1)

காண் – ஒளி