தீ

தீபா உனக்கு ஏன் இந்த பெயர் வைத்தார்கள் தெரியுமா ? நீ என்னுள் பாதீ என்பதால், எனக்கு ஏன் பாரதி என்று பெயர் வைத்தார்கள் தெரியுமா ? இந்த பாரதியை, ஆசை தீர பார், ரதி என நான் சொல்லிக் கொண்டே இருக்க வேண்டும் என்பதால், எனக்கு முதல் எழுத்து "பா" உனக்கு முதல் எழுத்து "தீ" இரண்டும் சேரும்போது பாதீ இது இறைவனின் தீர்ப்பு, நீ என்னை மறக்கச் சொன்னால் நான் மறந்திடுவேன் என் உயிரை, என் வாழ்வில் தீபம் ஏற்றி தீபஒளி காட்டுவதும், என் கையில் தீப்பெட்டியை கொடுத்து, என் உடலுக்கு தீயை மூட்டுவதும் தீபா உன் தீர்ப்பினிலே, ஆம் என் தீபாவுக்காக வரும் தீபாவளி அன்று தீயிடுவேன் என் உடலுக்கு இது உறுதீ.

அடப்பாவி இப்படி எல்லாம் CINEMA  DIALOG பேசி மொட்டை மாடியில உன் ஆசையை தீர்த்து என்னை நாசம் பண்ணிட்டேயடா மொட்டையாப் போவான், உன்னை நான் சும்மா விடமாட்டேன், தீயணைப்பு துறையில வேலை பார்கிற நீ எத்தனை வீட்டுத் தீயை அணைச்சுருப்பே, அந்தத் தீயாலே உன்னை அணைக்க வைக்கிறேன், டேய் தீனதயாளா, உன்அப்பன் தீப்பொறி தீச்செல்வன்கிட்ட சொல்லி வையி, உனக்கு நான்தான் தீ வைக்கணும்ங்கிறதும் இறைவனின் தீர்ப்பு இப்ப, உனது PHOTO வுக்கு தீ வச்சு என் ஆசையை தீர்த்துக் கிட்டேன், நீ கையிலே கிடைச்சே... அந்த இடத்திலேயே உன்னை தீவச்சு கொளுத்துவேன், அப்படிக் கொளுத்தலே இந்த தீபா எங்க அப்பன் தீச்சட்டி தீத்தாரப்பனுக்கு பொறக்கலேடா, இது அந்த தீர்த்தக்கரை மாரியம்மன் மேலசத்தியம், அதுக்குத் தான்டா கையிலே பெட்ரோல் கேனும், தீப்பெட்டியுமா அலையுறா இந்த தீபா, உனக்கு நான் தீ வைக்குறது உறுதீ.  

CHIVAS REGAL சிவசம்போ-

HERO, மாதிரி இருக்கிறவனையே நம்ப முடியாத காலம் இது, வில்லன் மாதிரி இருக்கிற மொட்டையை நம்பி, மொட்டை மாடிக்கு போனா இப்படித்தான், இதை எடுத்துச் சொன்னா, குடிகாரப்பய ஒளர்ர்ர்ர்ரான்னு சொல்லுவா(ளு)ங்க...  எப்படியோ அடுத்த வருஷம் இவனுக்கு திதி கொடுக்கப் போறது உறுதீ.

காணொளி

நண்பர் D.D மட்டுமே படித்த 2013 - ல் தீபாவளிக்கு நான் வெளியிட்ட மீள் பதிவு

நண்பர் நண்பிகளின் அன்புக்கு கட்டுப்பட்டு மேலே புகைப்படத்தை மாற்றி விட்டேன் தவறுக்கு வருந்துகிறேன் - கில்லர்ஜி.