பட்டுப்புடவை

ஏங்க, சாப்பிட வாங்க உங்களுக்கு புடிச்ச அயிரை மீனு குழம்பு வச்சுருக்கேன்.

என்ன விஷேசம் இன்னைக்கு... ம்ம் போடு....

ஏங்க, இந்த வருஷம் தீபாவளிக்கு எனக்கு பட்டுப்புடவை எடுக்கலாம்ங்க...

எதுக்கு எழவுணி... தண்டச்.....

இஞ்சே பாருங்க என்பேரை இப்படிச் சொல்லாதீங்னு எத்தனை தடவை சொல்றது ? இளவேணி அப்படினு சொல்லத் தெரியாதா ?

என்னோட நாக்குல ‘’எ’’ தான்டி வருது...

உங்க நாக்குல வசம்பை வச்சுத் தேய்க்க... பட்டுப்புடவை கேட்டதுக்கு பேச்சை மாத்துறியளோ...

பல உயிரை கொன்று பட்டுப்புடவை நெய்யிறான் அது பாவம் இல்லையா ?

ஆடு, கோழி எல்லாத்துலயுந்தான் உயிர் இருக்கு அதை மட்டும் மாட்டு மாட்டுனு மேயுறீங்க...

நான் எப்படீ... மாட்டைத்தின்னேன் ?

வருஷத்துல ஒருநாள் தீபாவளி வருது ஒரு பட்டுப்புடவை எடுக்க வக்கு இல்லை, பேச்சு மட்டும் வங்காள விரிகுடா வரைக்கும் போகும்.

ஏண்டி... எனக்கு வக்கு இல்லாமலா.. உன் பேர்ல பேங்க் லாக்கருல அருபது பவுன் நகை இருக்கு.

அதெல்லாம் எங்க அப்பாரு எனக்கு சீதனமா கொடுத்தது.

இருக்கட்டுமே.. அதெல்லாம் இப்பவும் பாதுகாப்பா திருடன் கைக்கு போகாம இருக்குதுல..

அது திருடன் கைக்கு போகாம இருக்குறதுக்கு இல்லை நீங்க முழுங்கிடாம இருக்கணும்னுதான் எங்க அப்பாரு சொல்லி பேங்க்ல வச்சுருக்கேன் நாளைக்கு எம்மகளுக்கு வேண்டாமா ?

என்னடீ... என்னை திருடன் ரேஞ்சுக்கு கொண்டு போயிட்டே.. ?

பின்னே உங்களுக்குத்தான் நகை வாங்கித்தர வக்கு இல்லை எங்க அப்பாரு செஞ்சு கொடுத்ததையாவது போட்டு அழகு பார்க்கவும் கொடுப்பினை இல்லை.

யேன்டி அந்த நகையைப் போட்டால்தான் நீ அழகா இருப்பியா ? இப்பக்கூட நீ தேவதை தேவயானி மாதிரிதானே இருக்கே..

இப்பக்கூட உங்க தேவகோட்டை மாமன் மகளை ஞாபகம் வச்சுக்கிட்டுதானே தேவயானினு சொல்றீங்க...

அடியே நான் நடிகை தேவயானியை சொன்னேன்டி.

அப்படீனா... அவ ஒவ்வொரு படத்துலயும் ஒவ்வொருத்தனையும் கட்டிப்புடிக்கிற மாதிரி நானும் புடிக்கிறேனா ?

அடியே... பொசக்கெட்டவள... நீ யேன்டி விசயத்தை எங்கேயோ கொண்டு போயி முடிச்சுப் போடுறே... ?

அப்ப எதுக்காக... தேவயானினு சொன்னீங்க ?

ஆமாடி... மாமன் மக ஞாபகத்துலதான் சொன்னேன் நடிகையை சொல்லலை சாரி..

இப்ப உண்மை வந்துடுச்சா... எதுக்காக சொன்னீங்க ?

தெரியாமல் சொல்லிட்டேன் இனிமேல் சத்தியமா சொல்ல மாட்டேன் நீ மட்டும் போலீஸ் வேலைக்கு படிச்சிருந்தால் C.I.D வேலை கிடைச்சுருக்கும் விஜயசாந்தி மாதிரி கலக்கியிருப்பே..

யாரு... உங்க அழகன்குளம் அத்தை மகள் விஜயசாந்தி மாதிரியா ?

அடியே பகவான்(ஜி) மேல சத்தியமா எவ ஞாபகமும் இல்லை ஒரு ஃப்லோவுல ‘’ஜொள்’’லிட்டேன் ஆபீஸ் போனஸ் வரட்டும் இந்த தீபாவளிக்கு நான் கோவணத்தோடு திரிஞ்சாலும் பரவாயில்லை உனக்கு கண்டிப்பா பட்டுப்புடவை எடுத்து தந்துடுறேன் இத்தோட விட்ரு... பதிவு பெருசாப் போகுதுனு படிக்கிற பதிவர்கள் எழுதப் போறாங்க... அப்புறம் கில்லர்ஜி கோபப்பட்டாருனா இன்னும் குண்டக்க மண்டக்க எனக்கு டயலாக் கொடுத்து என்னைத்தான் கேவலப்படுத்துவாரு, உங்கையில் அயிரை மீனு சாப்பிடுறதுக்குள்ளே உயிரை வாங்குறியே... பசிக்குதுடி சோறைப்போடு.

ம்ம்...ம் அது.

CHIVAS REGAL சிவசம்போ- 

சம்திக்கலைனா... அயிரை மீனு குழம்பு அவன் தலையிலிலே ஊத்திடுவா... போலயே1