என் நூல் அகம் 8

வணக்கம் நட்பூக்களே... கடந்த வருடம் கவிஞர் திரு. நா. முத்து நிலவன் அவர்கள் வீட்டில் புதுக்கோட்டை பதிவர்களை சந்தித்தேன் என்று சொன்னேன் அல்லவா ! பதிவர் கவிஞர். திருமதி. மு. கீதா அவர்கள் திரு. நகுலன் அவர்கள் எழுதிய ‘’நாய்கள்’’ என்ற நூலை அன்புடன் எனக்கு பரிசளித்தார்கள் அதனைப் பற்றிய எனது பார்வை....

1921-ல் கும்பகோணத்தில் பிறந்து திருவனந்தபுரத்தில் வாழ்ந்து தனது 86 வது வயதில் 2007-ல் இறந்த இவரின் இயற்பெயர் டி. கே. துரைசாமி.

இந்நூலின் முதல் பதிப்பு 1974-ல் வெளியாகி இருக்கின்றது அதாவது சுமார் 42 வருடங்களுக்கு முன்பு மூன்று நண்பர்களுக்குள் நடக்கும் சம்பாஷனைகளை வழி நெடுகிலும் சொல்லிச் செல்கிறார் வசனங்களைவிட வர்ணனைகளே அதிகமாக இருக்கிறது பல இடங்களிலும் மணிரத்னம் திரைப்படம் பார்ப்பது போலவே செல்கிறது ஒரு திரைப்படத்தில் திரைப்படநடிகர் கமல்ஹாசன் 

(நான் இப்படித்தான் சொல்வேன் சில நபர்களைப் போல ஒலக்கை நாயகென், சுப்புசாறு இந்த மா3யாக எனக்கு சொல்லத் தெரியாது காரணம் என்னைப் போலவே இவர்களும் உணவு களித்து மலம் கழிப்பவர்களே சுனாமி வரும் பொழுதோ, வெள்ளம் அடித்துச் செல்லும் பொழுதோ நாங்கள் மூவரும் ஒன்றாக நின்றால் ஹெலிகாப்டரில் ராணுவவீரர்கள் கண்டாலொழிய எங்களை வேறு யாரும் காப்பாற்ற முடியாது இதுதான் யதார்த்தமான உண்மை இதை ரசிகன் என்ற பாமரன் உணர்ந்தால் தமிழகம் மோட்சம் பெறும் மற்றபடி அவர்கள் கோடீஸ்வரர்கள் நான் அந்நிலையில் இல்லை) 

சொல்லும் வசனம் எனது நினைவோட்டத்தில் வந்து சென்றது அதுதான் அதைக் கண்டால் பயம், இதைக் கண்டால் பயம் ஒருக்கால் இந்நூலில் இருந்துதான் சுடப்பட்டு இருக்குமோ ? ஒரு இடத்தில் ஆசிரியர் கீழ் கண்டவாறு சொல்கிறார்.

// காப்பிக் கொட்டையைப் புதுசா வாங்கி அப்ப அப்ப வறுத்து பொடியாக்கிக் காப்பி போட்டுக் குடிச்சா அதுக்கு ஒரு தனி ருசி. ரவா உப்புமான்னா அதிலே நெய் தொங்க தொங்க இருக்கணும் அதெப் போலச் சாப்பாட்லெயும் பச்சடி கிச்சடின்னு நன்னா சாப்பிடணும். இப்படியெல்லாம் செய்தா நம்ப எழுத்துக்குக்கூட ஒரு தனி வலு வந்துடறது. நம்மைப் பாக்கறவனும் சொல்வான் இவரைப் போலவே இவர் எழுத்தும் நன்னாருக்குன்னு //

நல்ல உணவை நான் இருந்தும் இழந்து 25 வருடங்களாகிறது அவ்வப்பொழுது ஊருக்கு வரும் பொழுது மீண்டும் எனது தாயின் கையால் மட்டுமே கிடைக்கின்றது அந்த சந்தோஷம் இனியேனும் தொடர்ந்து மீண்டும் கடைசிவரை கிடைக்க முயல்கிறேன் நூலின் முடிவு வரை நாய்களுக்கும், மனிதர்களுக்கும் உள்ள தொடர் விடயங்களை சொல்லிக் கொண்டே போகிறார் ‘’சிந்தனை என்பது மனிதனுக்கு ஒரு வியாதி’’ என்றும் சொல்கிறார் நல்லதொரு நூலை பரிசு தந்த கவிஞர். திருமதி. மு. கீதா அவர்களுக்கு மீண்டும் எனது நன்றியை சொல்லி கொள்கிறேன்.

எனது முந்தைய விமர்சனங்கள் படிக்காதவர்கள் கீழே சொடுக்க...

என் நூல் அகம் 1

என் நூல் அகம் 2

என் நூல் அகம் 3

என் நூல் அகம் 4

என் நூல் அகம் 5

என் நூல் அகம் 6

என் நூல் அகம் 7

தேவகோட்டை கில்லர்ஜி அபுதாபி