தேவகோட்டை, தேவையறிந்த தேவதையம்மன்

பதிவின் முடிவுக்கு வழி வகுத்த அன்பின் ஜி திரு. துரை செல்வராஜூ அவர்களுக்கும்......

இந்தப்பதிவின் முந்தைய பதிவுகள் அறிய கீழே சொடுக்குக....

01. கள்ளக்குறிச்சி, கல்யாணராமன் Weds கல்யாணி

02. கல்யாணராமன், ஆல்பர்ட், ஜமாலுதீன்

03. ஊடகழியா ? மள்ளாங்கியா ?

சற்று நேரத்தில் போலீஸ் ஜீப் வர... பின்னால் ஆட்டோவில் கல்யாணராமனின் அப்பாவும், அம்மாவும், குடும்ப நண்பரொருவரும் வந்து இறங்கினார்கள்.

நீங்கதான் கல்யாணராமனோட அப்பாவா ?

ஆமா ஸார்...

 உங்க மகன் எங்கே ?

கையிலிருந்த லட்டரைக் கொடுத்தார், பிரித்துப் படித்தார் இன்ஸ்பெக்டர்...

அன்புள்ள அம்மா, அப்பாவுக்கு என்னை மன்னிக்கவும் நான் கல்யாணியை திருமணம் செய்யச் சொல்லி எவ்வளவோ கேட்டும் மறுத்து விட்டீர்கள் என்னால் கல்யாணியை மறக்க முடியவில்லை ஆகவே நாங்கள் ஊரை விட்டே போகிறோம் எனது டிகிரியையும், பாஸ்போர்ட்டையும் எடுத்துச் செல்கிறேன் மன்னிக்கவும்.

இப்படிக்கு

கல்யாணராமன்.

இதுக்கு என்ன சொல்றீங்க ?

சொல்றதுக்கு என்ன ஸார் இருக்கு அதான் எல்லாம் தெளிவா எழுதி இருக்கானே நாங்க அவனை தலை முழுகிட்டோம் அவ்வளவுதான் சொல்ல முடியும் இதுக்கு மேலே எங்கள்ட்ட எதுவும் கேட்காதீங்க ப்ளீஸ்.

எல்லாம் திட்டம் போட்டே செய்திருக்காங்க... ஸார்.

டேய்.... நான் நொந்து போயி இருக்கேன் எதாவது... பேசுனே.....

யோவ் முட்டாள்த்தனமா பேசாதேய்யா அவங்களுக்குதான் இந்த திருமணத்துல விருப்பம் இல்லையே எல்லாக் காதல் திருமணத்துலயும் பெற்றவங்களுக்கு சம்மதம் இருக்கிறது இல்லை கட்டிக்கிறப் போறவங்க மட்டும்தான் விரும்புறாங்க.... இப்போ என்ன சொல்றீங்க.... நாங்க சீக்கிரமே தேடிக்கண்டு பிடிக்கிறோம் ஆனால் அவங்க இந்நேரம் எங்கேயாவது தாலி கட்டி இருந்தால் என்ன செய்யிறது ?

அறுத்து வீசவேண்டியதுதான்... கூட்டத்தில் ஒருவன் கத்தினான்.

நாங்க கண்டு பிடிக்க ஒருமாதம் ஆனால் என்ன செய்யிறது ?

உடனே கண்டு பிடிங்க ஸார்.

ஆமாய்யா எங்களுக்கு இந்த ஒரு பிரச்சனை மட்டும்தானே இருக்கு இங்கே பாருங்க நாங்க தேடுறோம் எப்படியும் அவங்க திருமணம் ஆனவங்களாகத்தான் எங்களுக்கு கிடைப்பாங்க அவங்க மேஜர் சட்டப்படி அதை ஒண்ணும் செய்ய முடியாது ரெண்டு தரப்புலயும் சண்டை போட மாட்டோம்னு எழுதிக் கொடுத்துட்டு கிளம்புங்க அவ்வளவுதான் நான் சொல்லுவேன் எப்படிப் பார்த்தாலும் அடுத்த வருசம் ரெண்டு குடும்பமும் ஒண்ணு சேர்ந்துக்கிட்டு குழந்தைக்கு எந்த குலசாமிக்கு முடி இறக்குறதுன்னு பேசிக்கிருவீங்க....

ஸார் நீங்க குழந்தை குட்டின்னு தேவையில்லாத பேச்சு பேசுறீங்க ?

அதுதானேய்யா... இப்ப நடந்துக்கிட்டு இருக்கு எங்களுக்கு இப்ப வேலையே காதலிக்கிறவங்களுக்கு கல்யாணம் செய்து வைக்கிறதும் பிறகு அவங்க டைவர்சுக்கு வர்றவங்களை பஞ்சாயத்து பண்ணுறதும் இப்படித்தானே இருக்கு மிச்ச நேரத்துல அரசியல்வாதிகளுக்கு பாதுகாப்புக்கு போறோம் எட்வர்ட் ஸார் பொது ஆள் நீங்க சொல்லுங்க ?

ஆமா ஸார் நீங்க சொல்றதுதான் சரி சமாதானமாக போவோம் இனி சண்டை போட்டு என்ன ஆகப்போகுது எதையுமே பேசித்தீர்க்காமல் கத்தி, கம்பு எடுத்தால் உயிர்தான் போகும் வேறென்ன மிச்சம்.

பல சலசலப்புகளுக்கு பின் இருதரப்பினரும் சம்மதம் சொல்லி எழுதி வாங்கிக் கொள்ள ஆல்பர்ட்டை அழைத்துக் கொண்டு அவனது குடும்பமும், ஜமாலுதீன் வெளியே வரவும் அவனது அத்தா செவிட்டில் ஒன்று விட்டு வீட்டுக்கு கூட்டிப் போனார் காலங்கள் போனது மூன்று மாதங்களாக கல்யாணியின் குடும்பம் போலீஸ் ஸ்டேஷனுக்கு தகவல் கேட்டு ஒன்றும் கிடைக்கவில்லை ஆறு மாதங்களானது இரண்டு குடும்பமும் சேர்ந்து பேசி தேடினார்கள் வருடம் ஒன்று ஆனது இருவரது குடும்பமும் தேவகோட்டை தேவையறிந்த தேவதையம்மனுக்கு சேர்ந்தே வேண்டிக் கொண்டார்கள் எங்கள் பிள்ளைகளை கொண்டு வந்து சேர்த்து விட்டால் 1008 தேங்காய் உடைக்கின்றோம் என்று இரண்டாவது வருடம் ஆத்தாள் கண் திறந்தாள் ஆம் நல்ல செய்தி கிடைத்தது குவைத்திலிருந்து ஒன்றாகவே வந்த ஜமாலுதீனும், ஆல்பர்ட்டும் சொன்னார்கள்.

இரு குடும்பத்தையும் அழைத்து முதலில் இவர்கள் இருவருக்கும் கல்யாணராமனின் கம்பெனியில் விசா எடுத்து அனுப்பி வரவைத்தது முதல் கல்யாணராமனும், கல்யாணியும் கோயிலில் தாலி கட்டிக்கொண்டு மும்பைக்கு ஓடிப் போனார்களாம் அங்கு தங்கி வேலை தேடி இருவருமே ஒரு ஐ.டி கம்பெனியில் வேலை செய்து மறு வருடமே கம்பெனி இருவரையுமே குவைத் நாட்டில் உள்ள அவர்களது பிராஞ்சுக்கு அனுப்பி வைத்ததாம் அங்கு போன பிறகு அவர்களுக்கு இரட்டை ஆண் குழந்தைகள் பிறந்து இருக்கின்றது வாழ்க்கையில் எல்லா வளமும், சந்தோசமும் பெற்று இருந்தாலும் பெற்றோர்களை நினைத்து இருவருமே வருந்துவதாகவும் இருவீட்டாரும் கோபம் தணிந்து ஒற்றுமையாக சொன்னால் உடன் பேரக்குழந்தைகள் கீர்த்தி-மூர்த்தி இருவரையும் அழைத்துக் கொண்டு வருவதாக சொல்ல, ஜமாலுதீனையும், ஆல்பர்ட்டையும் வெட்டுவோம் என்று சொன்னவர்கள் தூக்கி வைத்து ஆடினார்கள் அவர்கள் சம்மதிக்கவே உடன் கல்யாணராமனின் குவைத் நம்பருக்கு அழைத்து கொடுக்க, ஆல்பர்ட் கல்யாணியின் செல் நம்பருக்கு அழைத்து கொடுக்க, சுமார் ஒரு மணி நேரத்துக்கும் மேல் கண்ணீரோடும், சந்தோசத்தோடும் செல்களின் சார்ஜர் தீரும்வரை பேரன்களோடு மாற்றி மாற்றி பேசினார்கள் பிறகு இரண்டு குடும்பத்து நபர்களையும் ஒன்றாக உட்கார வைத்து புகைப்படம் எடுத்து வாட்ஸ்-அப்பில் ஜமாலுதீன் குவைத்துக்கு அனுப்ப இந்த மாதம் 18 ஆம் தேதி குடும்பத்துடன் இந்தியா வருவதால் சம்மந்திகள் இருவரும் தேங்காய் கடைக்கு சென்றார்கள் எதற்கு என்பது தங்களுக்கும் தெரியுமே.

சுபமங்கலம்.

 ? நண்பரே 108 க்கு 1008 போதுமா

சிவாதாமஸ்அலி-

கடைசியில் ஊடகழி சாதியும், மள்ளாங்கி சாதியும் உடல் வாங்கி கொண்டது போலயே....

Chivas Regal சிவசம்போ-

கடைசியில ரெண்டு பேரு உடலையும் பூமிதானே வாங்கப்போகுது...

சாம்சிவம்-

அடடே குடிகார மட்டைகூட தத்துவம் பேசுதே....

யோவ் பேனரை சுருக்கம் இல்லாமல் இழுத்துக்கட்டுய்யா....