சவுச்சாலயம்

இந்த பதிவின் முந்தைய தொடர்ச்சியை படிக்க இதோ கீழே சொடுக்குக

01. மலைகளோடு, மடு

லாட்ஜுக்குள் நுழைந்ததும் மேல்ட்மெல்ட் மிச்சமிருக்க அதை டேபிள் மேலே வைக்க, கில்லர்ஜி ஷோபாவில் சாய்ந்து டெலிவிஷனை ஆன் செய்ய ஜியெம்பி ஐயாவும், கந்தசாமி ஐயாவும் நேராக சவுச்சாலயம் (TOILET) போக...

என்ன சார் நீங்களுமா ?

ஆமா வயிற்றுக்கு ஒரு மாதிரியாக இருக்கு...

சரி சீக்கிரம் வாங்க..

அவர் வந்ததும், இவர் இவர் வந்ததும் அவர்...

என்ன கந்தசாமி சார் வயிறு ஒரு மாதிரியாக போகுதே... மேல்ட்மெல்ட் வேலையா... ?

அதான் எனக்கும், குழப்பமாக இருக்கு....

ஐயா நைட் டின்னர் ஆர்டர் பண்ணவா ?

ஐயாக்கள் இருவரும் ஒருவரையொருவர் பார்த்துக் கொண்டு கண்களால் பேசி வேண்டாமென தீர்மானித்து...

வேண்டாம் கில்லர்ஜி வயிறு சரியில்லை வாங்கினால் வேஷ்டாகும் உங்களுக்கு மட்டும் சொல்லுங்க...

அதெப்படி நடுச்சாமத்துல பசித்தால் என்ன செய்வீங்க ?

பசித்தாலும் சாப்பிடுறது மாதிரி இல்லை எங்களுக்கு வேண்டாம்.

இல்லை ஐயா உங்க ரெண்டு பேருக்கும் சிம்பிளா ஆர்டர் பண்ணுறேன்.

ஒன்றும் சொல்லாமல் மீண்டும் கந்தசாமி ஐயா சவுச்சாலயம் சென்றார் அவர் வந்ததும், இவர் இவர் வந்ததும் அவர்...

‘’டிங்டாங்’’

ஃசோபாவோடு அட்டாச் செய்த பட்டனை கில்லர்ஜி தட்டவும் திறந்த கதவின் வழியே ரூம்பாய் ட்ரே ட்ராலியோடு...

மே ஐ கம்இன் சார்..

எஸ் ப்ளீஸ் கம்.

எல்லாவற்றையும் டேபிளில் வைத்து விட்டு வெளியேறினான் அசைவ உணவுகளின் மணம் சகோ R. உமையாள் காயத்ரி அவர்களின் கைவண்ணம் போல் மூக்கைத் துளைத்தது...

ஐயா சாப்பிடுவோமா ?

இருவரும் ஒருவரையொருவர் பார்த்துக் கொண்டு விழிகளால் பேச முயன்றார்கள் முடியல...

எங்களுக்கு சிம்பிளா ஆர்டர் செய்யிறோம்னு சொன்னீங்க ? இவ்வளவு வந்துருக்கு சொளவு நிறைய....

ஆமாங்கய்யா... எனக்கு ஃபிஷ் பட்டர் ஃப்ரை சப்பாத்தி, உங்களுக்கு சிக்கன் டிக்கா, சப்பாத்தி. ஜியெம்பி ஐயாவுக்கு மட்டன் சுக்கா, ரொட்டி போதுமா ? இன்னும் சொல்லவா ?

இருவரும் மீண்டும் விழிகளால் பேசினார்கள்.

இதுதான் சிம்பிளா ?

என்னங்கய்யா இதைக்கூட சாப்பிடலைனானா... உடம்பு கெட்டுப்போகும்.

இதையெல்லாம் திங்கிற நிலைமையிலயா ? இருக்கோம்.

ஐயய்யோ... வீணாப்போகுமே...

ஹும் ஆடு நனையுதுன்னு ஓநாய் அழுதுச்சாம்...

என்னங்கய்யா ?

ஆர்டர் ஓவர்னு சொன்னேன்.

ஓவர் இல்லை ஐயா சமாளிச்சிடலாம் ஃபிஷ் பட்டர் ஃப்ரை ஸூப்பர் டேஸ்ட்.

கில்லர்ஜி உள்ளே இறக்கி கொண்டு இருக்க... ஜியெம்பி ஐயா மீண்டும் சவுச்சாலயம் சென்றார் அவர் வந்ததும், இவர் இவர் வந்ததும் அவர்...

ஐயா சூடு ஆறிடப்போகுது சாப்பிட வாங்க....

கில்லர்ஜி நீங்க சாப்பிட்டீங்களா ? மிச்சத்தை தூக்கி ட்ரம்ல கொட்டிட்டு தூங்குங்க...

என்னங்கய்யா... வீணாப்போகுமே அதுக்கு நானே சாப்பிட்ருவேனே.... ?

அதானே ப்ளான் மூணு வெரைட்டியா ஆர்டர் கொடுக்கும் போதே... நினைச்சேன் திண்ணு தொலைங்க..

கந்தசாமி ஐயா சலிப்புடன் சொல்லி விட்டு ஃசோபாவில் பொத்தென்று விழுந்தவர் நிமிர்ந்து கில்லர்ஜியை பார்த்தார் சிக்கன் டிக்காவை காணவில்லை மட்டன் சுக்கா இறங்கி கொண்டு இருந்தது நெற்றிக்கண் இன்றி பார்த்துக் கொண்டே இருந்தார் சிறிது நேரத்தில் ஜியெம்பி ஐயாவும் வந்து சோபாவில் சாய்ந்தார்.

ஏஏஏஏஏஏ......வ்வ்வ்வ்வ்வ்வ்.... ஐயா சுலைமாணி ஆர்டர் பண்ணவா ?

அவன் யாரு ?

என்னங்கையா... இப்படி கேட்கிறீங்க.. சுலைமாணின்னா... பால் இல்லாத டீ அதை குடிச்சா.. இப்ப சாப்பிட்டது எல்லாம் ஜீரணமாகும் அபுதாபியில, அரபிக்காரன் எல்லாம் சாப்பிட்டதும் இதைத்தான் குடிப்பாங்க...

அது சாப்பிட்டவுங்களுக்குதானே... எங்களுக்கு என்ன எலவுக்கு ? 

 

ஜியெம்பி ஐயா உங்களுக்கு ?

ஆமா அது நல்லாத்தான் இருக்கும் நான்கூட ஒருமுறை பாம்பன் டூர் போனப்ப குடிச்சேன்.

இவருக்கும் வேண்டாம், எனக்கும் வேண்டாம், ஆர்டர் செய்து நீங்கதானா குடிச்சுச் தொலைங்க...

என்னங்கய்யா... கோபப்படுறீங்க... ? ஒண்ணும் தெரியாத சின்னப்பையன்ட்ட..

சின்னப்பையனா ? என்ன எலவை வாங்கி கொடுத்தீங்க... வயித்தாலை ஓடுது 18 தடவையாகிடுச்சு.

கந்தசாமி சார் நீங்க கணக்குல வீக்கா ?

ஏன் ?

இல்லை 17 முறையை 18 னு சொல்றீங்களே அதனால கேட்டேன்.

ஆமா சார் இப்ப அந்த கணக்குதான் முக்கியமாப் போச்சு சொல்லுங்க எதை வாங்கி கொடுத்தீங்க.... ?

மேல்ட்மெல்ட்

வயித்தாலை ஓடுது...

நேற்று நான் குடிச்சேன் ஒண்ணும் செய்யலையே.... ?

கில்லர்ஜி இது எவ்வளவு ?

ரெண்டு ஒரு டாலர் ஐயா.

இரவு நேரம் 12:30 ஐத் தாண்டியது...

மீண்டும் கந்தசாமி ஐயா சவுச்சாலயம் போனார் அவர் வந்ததும், இவர் இவர் வந்ததும் அவர்... கில்லர்ஜி சுலைமாணி ஆர்டர் செய்து வந்தவுடன் குடித்து விட்டு பால்கனியில் நின்று இரவின் ஒளியில் லண்டன் நகரை ரசித்தபடியே.... ஊரிலிருந்து கொண்டு வந்த முருகன் சுருட்டு ஒன்றை ஐயாக்கள் பார்க்காதவாறு பக்கு, பக்குவென்று இழுத்து விட்டு இரவு ஸூட்டை அணிந்து கொண்டு ஃபோம் மெத்தையில் விழுந்து உறக்கத்துக்கு போக... ஐயாக்கள் இருவரும் ஒருவரையொருவர் பார்த்துக் கொண்டு விழிகளால் பேசினார்கள் ஐந்தே நிமிடம் போயிருக்கும்....

கொர்ர்ர்ர்ர்ர்ர்ர்ர்.... கொர்ர்ர்ர்ர்ர்ர்ர்ர்ர்...

ஜியெம்பி சார் பார்த்தீங்களா ? நம்மளை இந்த நிலைக்கு ஆளாக்கிட்டு குறட்டை சத்தத்தை பாருங்க ரெண்டு பக்கெட் தண்ணியை தலையில ஊத்தி விடுவோமா ?

வேண்டாம் சார் விடுங்க தூங்கட்டும், நமக்கு இன்றைக்கு ஏகாதசின்னு நினைச்சுக்கிருவோம் அவரு கொண்டு வந்து குடிக்கச் சொன்னாரா ? நாமதான் நண்பர் ஸ்ரீராம் கேட்டு வாங்கிப்போடும் கதை மாதிரி கேட்டு வாங்கி குடிச்சோம் நான் ஒழுங்கா கொக்ககோலா குடிச்சுருப்பேன் அதையும் நீங்கதான் கெடுத்தீங்க...

இருங்க இதோ வாறேன்

மீண்டும் சவுச்சாலயம் சென்றார் அவர் வந்தவுடன் இவர், இவர் வந்ததும் அவர்...

அதிகாலை நேரம் 4:45 ஐத் தாண்டியது... 

என்ன சார் விடியப்போகுது சுத்தமா தூங்கலையே... இன்றைக்கு ஊர் சுற்ற முடியுமா ? ஆமா அந்த மேல்ட்மெல்ட் எதுல தயாரிக்கிறாங்கே...

என்ன இலவோ..... யாரு... கண்டா... ?

சட்டென டேபிளின் மேலிருந்த மேல்ட்மெல்ட் கண்ணில் தென்பட டின்னை எடுத்தவர் சுழற்றிப் பார்த்தவர் கண்ணாடியை போட்டுக் கொண்டு மீண்டும் கூர்ந்து பார்த்ததும் திடுக்கிட்டார்.

தொடரும்...

காணொளி