செல்லில் சொல்லிய வார்த்தை

பதிவுக்கும், புகைப்படத்துக்கும் சம்பந்தம் இல்லைங்கோ....

என்ன மூர்த்தி செல்போணையே முறைச்சு பார்த்துக்கிட்டு இருக்கே ?

வாடா.. ராமு வாங்கிய பணத்தை திருப்பி அனுப்பி வச்சது குற்றமாடா ?

குற்றம் இல்லையே யாருட்டே வாங்குனே எப்ப அனுப்புனே ?

போனமாதம் நடுத்தெரு நல்லமணிக்கிட்டே 500 ரூபாய் வாங்கி இருந்தேன் கம்பெனியில் வேலை அதிகமாக இருக்கேன்னு அனுப்பி வச்சா.... நாக்கைப் பிடுங்கிகிட்டு சாகுறது மாதிரி வாட்ஸ்-அப்பில் எழுது விட்ருக்கான்டா...

அப்படி என்னடா எழுதுனான் ? சொல்லு...

வேண்டாம்டா வெளியில் சொன்னால் வெட்கக்கேடு.

சரிடா போணைக் கொடு நான் படிக்கிறேன்.

வேண்டாம் பார்த்துட்டு இதைப்போயி நீ உன்னோட ஃப்ரண்டு பகவான்ஜிட்டே சொல்லுவே அவரு இதை வச்சு 4 பதிவெழுதி என்னை நாறடிக்கவா ?

நான் நல்லமணிக்கு போண் போட்டு பணத்துக்காக நண்பன் மூர்த்தியை வேதனைப்படுத்திட்டியே உனக்கு அறிவு இருக்கா ? னு கேட்கிறேன்.

வேண்டாம் இப்பத்தான் சாமிநாதன் கேட்டான் அதுக்கு அவனை என்ன கேட்டான் தெரியுமா ?

என்ன கேட்டான் ?

......பீப்.......பீ.ப்.......பீப்.......

டேய் நிறுத்துடா.... நிறுத்துடா.... என்னடா இப்படிப் பேசியிருக்கான்.

ஆமாடா அவன் ரொம்ப மோசம்டா...

சரிடா அவனே கஞ்சப்பயல் பணத்தை திருப்பி கொடுத்ததுக்கு எதுக்கு திட்டுறான் ?

அதானே எனக்கும் புரியலை....

ஒருவேளை நேரில் வந்து கொடுக்கலைன்னு கோபப்பட்ருப்பான் சரி பணத்தை யாருக்கிட்டே கொடுத்து அனுப்புனே ?

யாருகிட்டேயும் கொடுக்கலைடா..

பின்னே... எப்படி ?

வேலையா இருக்கேன்னு வாட்ஸ்-அப்ல அனுப்பினேன்.

க்க்க்க்க்க்க் ப்’’தூ’’

மூர்த்தியை காறித்துப்பி விட்டு கிளம்பினான் ராமு.