உயர்ந்த கொள்கை

கவுண்டமணி இவரைத் தெரியாதவர்களும் உண்டா செந்திலை மானபங்கப்படுத்திப் பேசியே உயர்ந்தவர் அவரும் மானபங்கப்பட்டே உயர்த்திக் கொண்டவர் இருவருமே வேறு வழிகளின்றி உடன் பட்டுக்கொண்டவர்கள் காரணம் இவர்களுக்கு வடிவேலுவைப் போல தனியாக நகைச்சுவை கொடுக்கத் தெரியாது இருப்பினும் மக்களிடம் இவர்களுக்கும் அமோக வரவேற்பு இருந்தது காரணம் வேறு நடிகர்களுக்கு பஞ்சம் அதன் காரணமாக செந்தில் 1990-லேயே கோடம்பாக்கத்தில் 200 கடைகள் கட்டி விட்டவர் அது அவரது உழைப்புக்கு கிடைத்த ஊதியம் இன்னும் உயரட்டும்.

வடிவேலு வந்தார் தனது திறமையை நிரூபித்தார் தயாரிப்பாளர்களால் இருவரும் ஓரம் கட்டப்பட்டார்கள் காரணம் திரைப்படத்தில் மட்டுமல்ல யதார்த்தத்திலுமே கவுண்டமணி யாரையும் மரியாதையாக பேசுவதில்லை வடிவேலு தன்னையே தாழ்வாக பேசிக்கொண்டு நடித்து முன்னேற்றம் அடைந்தார் இதுவே உண்மை அது தொடராமல் போனதற்கு மற்றொருவர் காரணம் ஆம். நடிகர் வடிவேலு அவர்களின் தலையில் மண் அள்ளிப்போட்டது அரசியல்வாதி வடிவேலு அதன் பிறகு அந்த இடத்துக்கு சந்தானம் வந்தாலும் நிலைக்கவில்லை காரணம் சந்தானத்தின் குணமும் கவுண்டமணியின் குணமும் ஒன்றே... இந்த சூழலில் விவேக்கின் நிலைப்பாடு வேறு அவர் கலைவாணர் N.S. கிருஷ்ணனின் வழி.

கவுண்டமணியிடம் எனக்குப் பிடித்த சில நல்ல குணங்களும் உண்டு அது பாராட்டு விழாக்களை அவர் ஏற்றுக் கொள்வதில் நான் நடித்தேன் பணம் பெற்றுக்கொண்டேன் இதற்கு பாராட்டு விழா, விருதுகள் அவசியமற்றது என்ற கொள்கைவாதி இதை ஆரம்பம் முதலே புறக்கணித்து வந்தார் கார்ப்பிரியர் புதிதாக எந்தக்கார் இறக்குமதி ஆனாலும் உடன் வாங்கி விடும் பழக்கம் உள்ளவர் மேலே புகைப்படத்தில் உள்ள இந்த வசனத்தால் எனக்கு அவர்மீது இன்னும் மரியாதை உயர்ந்து விட்டது இந்த மாதிரி எல்லா திரைப்பட நடிகர்களும் இருந்தால் தமிழக இளைஞர்கள் தனது வாழ்க்கை மீது பிடிமானம் வைத்து உயரத் தொடங்கி விடுவார்கள்.

வாழ்க ! கவுண்டமணி அவர்களின் கொள்கை.

சமூக தவறுகளை சுட்டிக்காட்ட தயங்குவதில்லை

பொது நன்மைகளை பாராட்டவும் தாமதிப்பதில்லை.

 தேவகோட்டை கில்லர்ஜி அபுதாபி