மனம் கெட்டது, கேட்டது

மனிதநேயம் மரத்தையும் மதித்தது

மனதின் காயம் மனிதனை மிதித்தது.

கண்டகாட்சி மனதில் வலித்தது

கண்ணை மூடினால் காதில் ஒலித்தது.

சிறையின் வாசல் கதவு திறந்தது

சிறகை விரித்து பறவை பறந்தது.

சிலிர்த்து பறந்து உலகை மறந்தது

சிறிய உலகம் கனவில் தெரிந்தது.

சுற்றுலா செல்வது மனதுக்கு ஏற்றது

கொடைக்கானலிலே நீச்சல் கற்றது.

பள்ளி விடுமுறை விடுதலை பெற்றது

பள்ளி செல்லவே விருப்பம் முற்றது.

நீயும் நானும் கனவில் கலந்தது

நினைக்க நினைக்க நெஞ்சம் இனித்தது.

உறக்கம் கலைந்ததும் காட்சி மறைந்தது

உண்மை தெரிந்ததும் வெறுப்பு வந்தது.

ஒளியின் காட்சி கண்ணில் பட்டது

உணர்வின் ஆசை மனதை தொட்டது.

உன்னால் எனது, வாழ்வு கெட்டது

குற்ற உணர்வோ நெஞ்சை சுட்டது.