கே. ஊ. கி. நாட்டாமை

பதவிக்காக எவனும், எவனோடும் கூட்டணி அமைத்துக் கொள்வான் என்பது இந்த தேர்தலில் நமக்கு மிகவும் வெட்ட வெளிச்சமாகி உள்ளது. இதை மக்களாகிய நாம் சற்றேனும் நமது எதிர்கால சந்ததிகளுக்காக ஆலோசித்து வாக்களிக்கப் போகிறோமா ? இல்லை வழக்கம் போலவே கிடைத்தவரை லாபம் என்று இரண்டு பக்கமும் பணத்தை வாங்கி கொண்டு வாக்களிக்கிறேன் என்ற  பெயரில் நமக்கு நாமே வாக்கரிசி போடுகிறோம்.

மத்தியில் தொடங்கி மாநிலம் வரையில் அனைவருமே குடும்ப அரசியலே நடத்துகின்றார்கள். இது தவறு என்று புரட்சியாக பேசி கட்சி ஆரம்பித்தவனும் மனைவி, மைத்துனர், மகன், கொழுந்தியாள் என்று எல்லோரையும் கொண்டு வருகிறான். நேற்று பிறந்தவன் எல்லாம் அரசியல் பேசுறான் அதுவும் மரியாதையாக இதற்கும் கை தட்டுவதற்கு ஒரு கூட்டம் ஊடகங்கள் கேள்வி கேட்டால் பதிலில்லை மேலும் கேட்டால் மக்களிடம் கேட்டு கூட்டணி அமைத்தோம் என்கிறான் அதற்கு மேலும் கேட்டால் கோபப்படுகின்றான். எவனிடமாவது கொள்கைகள் இருக்கின்றனவா ? இதைத்தான் கேனப்பயல்கள் ஊருல கிறுக்குப்பயல் நாட்டாமை என்பார்கள்.

இன்று  நாடு நாசமாகி கொண்டு இருப்பதற்கு அடிப்படை காரணவாதிகள் பணத்தை வீசி பதவியை பிடிக்கும் அரசியல்வாதிகளோ, அல்லது ஆயிரம், இரண்டாயிரம் ரூபாய்க்கு தனது தன்மானத்தை விற்கும் வாக்காளர்களோ அல்ல அரசியல்வாதிகளின் பின்னாலேயே திரிந்து கொண்டு அவர்கள் என்ன பேசினாலும் வார்த்தைகளின் அர்த்தம் கேளாமலேயே வாழ்க கோஷமிடும் அடிவருடிகளே காரணம். இவர்கள் ஏன் இப்படி ஆனார்கள் வேலையில்லை என்பதும் ஒரு காரணமே வேலையில்லா திண்டாட்டத்தின் காரணவாதிகள் யார் ?

அரசாங்கத்தை இயக்குபவர்கள்.

இந்த மக்களுக்கு அவசியமற்ற, பணவெறி, பதவிவெறி பிடித்த அரசியல் வியாதிகளை தேர்ந்தெடுத்தது யார் ?

"மக்கள் என்னும் மாக்கள்"

இந்த கேவலம் அடுத்தடுத்த சந்ததிகளையும் பாதிக்க வேண்டுமா ?
சிந்திப்பீர்... இனி மாறவேண்டியது  மக்களே... மக்கழே... மக்கலே...

அன்றும், இன்றும் அரிச்சந்திரன் வாரிசின் வாய்மொழிகள் இதைக் கேட்டவர்கள் இவன் வாயில வண்ணப்புத்து வைக்க என்று எனது தளத்தை திறந்து வைத்து திட்டக்கூடாது என்று கேட்டுக் கொள்கிறேன் - கில்லர்ஜி

காணொளிகள்

சாம்பசிவம்-

வாயில எதாவது வந்துடப் போகுதூ...

Chivas Regal சிவசம்போ-

வாந்திதான் வாயில வரும்...