மச்சுவாடி, மச்சான் மச்சக்காளை

மாப்ளே எங்க ஊரு, மச்சுவாடி பக்கம் போனியா ?

இல்லை மச்சான் போனவாரம் அம்மாதான் போயிட்டு வந்துச்சு.

என்ன செய்தி ஊரு நிலவரம் எப்படியிருக்கு ?

சரியில்லை மச்சான் வியாபாரம் சுமாராத்தான் இருக்கு.

மாமாகிட்டே பணம் வாங்கி டெவலப் பண்ணுவேன்.

வேண்டாம் மச்சான் அவரு தர மாட்டாரு... இங்கேதானா ஏதாவது வேலை பார்த்து கொடுங்க மச்சான் நானும் பொழைச்சுக்கிருவேன்

இங்கே மும்பையிலே உனக்கு என்ன தெரியும் ? ஹிந்தி பேசுறவனையே ஏமாத்திடுவாங்கே.. நீயே கூமுட்டை.

என்ன இப்படி சொல்றீங்க, மச்சான் மச்சுவாடியிலருந்து வரும்போது நீங்களும் என்னை மாதிரித்தானே இருந்திருப்பீங்க ?

ஏண்டா டேய் என்னை கூமுட்டைனு சொல்றியா... இதுதான்டா உசிலை குசும்புனு சொல்றது ?

அப்படிச் சொல்லலை மச்சான் கோவிச்சுக்காதீங்க.

வா வெயிலா இருக்கு ஏதாவது ஜூஸ் குடிப்போம்.

சாலையோர பெட்டிக்கடையில்...

ஜீ ஸாப் தோ மேங்கோ ஜூஸ் டாலோ.

சொல்லி விட்டு பக்கத்திலிருக்கும் அண்டாவில் சங்கிலியில் தொங்கி கொண்டு இருந்த டம்ளரை எடுத்து தண்ணீர் அள்ளப்போகும் போது.. கடைகாரன் சொன்னான்.

பையா தண்டபாணி ஸாகியே ஓ பர்தன்’’மே பக்கடோ.

மச்சான் என்னைப்பத்தி இவங்கிட்டே எல்லாத்தையும் சொல்லிட்டீங்களா ? எவ்வளவு திமிரு ராஸ்கல்.

உன்னைப்பத்தியா... என்னடா சொல்றே ?

அதான் மச்சான் எம்பேரு இவனுக்கு எப்படித் தெரியும் ? பட்டப் பெயரையும் சொல்றான் முளைச்சு மூணு இலை விடலை என்னை பையானு வேற சொல்றான்....

டேய் முடுமை அவன் பையா’’னு சொன்னது என்னை. அது ஹிந்தியில் மரியாதையான வார்த்தை தண்டாபாணி’’னு உன் பெயரைச் சொல்லலை குளிர்ந்த தண்ணீர் பிடிச்சுக்கோ’’னு சொல்றான் அது பக்கடா இல்லை பக்கடோ இதுக்குத்தான் சொன்னேன் கூமுட்டை’’னு.

அப்படியா... எனக்கு தெரியாதுல, மச்சான் ஹிந்தி ஈசியா படிச்சிடலாமோ... ?

நீ கிழிச்சே, முடுதாரு...

இருப்பினும் தண்டபாணியின் மனதில் சந்தேகம் மச்சான் மச்சக்காளை கடைகாரனோட சேர்ந்து கிட்டு நம்மை லந்து கொடுக்கிறானோ... ஜூஸ் குடித்ததும் பணத்தைக் கொடுத்து மீதி பாக்கியை கொடுத்த கடைகாரன் சுக்ரியா என்றான்.

மச்சான் என்னமோ... சுக்குனு சொன்னான் சுக்கு எதுக்கு ?

டேய் நன்றி சொன்னான் வாடா...

நீங்க வேலை செய்யிற கம்பெனியில, எனக்கும் வேலை வாங்கி கொடுங்க மச்சான் நல்லபடியா வேலை செய்யிறேன்.

சரி பார்ப்போம் என்னோட பெயரை கெடுத்துட மாட்டியே ?

சத்தியமா, இல்லை மச்சான்.

சரி வா ! முதலாளியைப் பார்ப்போம்.

மச்சக்காளை தனது கம்பெனிக்கு தண்டபாணியை அழைத்துக் கொண்டு போய் முதலாளி கிஷோர் லாலை சந்தித்தான்.

நமஸ்கார் ஜி

சார் நமஸ்காரம்

நமஸ்கார் க்யா சமாச்சார் ?

நமஸ்காரம் என்ன விசயம் ?

ஜி ஏ மேரா சாலா மொளுக்ஸே ஆத்தா ஹே... நாம் தண்டம் உஸ்கோ காம் ஸாகியே....

சார் இவன் என்னோட மாப்ளே ஊரிலிருந்து வந்துருக்கான் பெயர் தண்டம் இவனுக்கு வேலை வேணும்

உஸ்கோ க்யா காம் மாலுமே ?

இவனுக்கு என்ன வேலை தெரியும் ?

லோடுமேன் காம் தேதோ ஜி.. பாத்மே தேக்கேகா..

லோடுமேன் வேலை கொடுங்க அப்புறம் பார்க்கலாம்

ஆத்மி பாகல் வாலா ஐஸாஹே...

ஆளு பைத்தியம் மாதிரி இருக்கான்

பகல் வேலையே பாக்குறேனு சொல்லுங்க மச்சான்.

டேய்... சும்மா இருடா முண்டம்.

பைலே தண்டம் போல்த்தே, அபி முண்டம் போல்த்தா.... ஹே உஸ்கோ சகி நாம் க்யா ?

முதலில் தண்டம்’’னு சொன்னே, இப்ப முண்டம்’’னு சொல்றே சரியான பெயர் என்ன ?

நஹி... ஜி உஸ்கோ சகி நாம் தண்டபாணி.

இல்லை சார் இவன் சரியான பெயர் தண்டபாணி

தண்டபாணி ? க்யா நாம் யா... ஆர்..... ஹா ஹா ஹா.. ஓ.. பீ பாகல் போல்த்தா ஹே... னா... க்யூ ?

தண்டபாணியா ? என்னய்யா பேரு ஹா ஹா ஹா அவனும் பாகல் சொன்னானே ஏன் ?

ஜி ஒ... பாகல் நஹி பகல் போல்த்தே...

சார் பாகல் இல்லை பகல் சொன்னான்

பகல் க்யா மத்தலப்.... ?

பகல் என்ன அர்த்தம் ?

ஸாப் மேரா பாஷா தமிழ்’’மே Day

சார் எங்கள் தமிழ் மொழியில் பகல்

ஏ பாகல் பார் லேகி ஜாவ் காம் நஹி.

இந்த பாகலை வெளியே கொண்டு போ வேலை இல்லை

ஜி தொடா க்ருபயாக் கரோ...

சார் கொஞ்சம் தயவு செய்ங்க

தேக்கோ ஏ பாகல்வாலா அபி ரயில்வே ஸ்டேஷன்’’மே ஜாக்கே மொளுக்மே பேஜாவ் நஹியே கல் ஸே... தும்க்கோ இதர் காம் நஹி பார் ஜாவ்.

இதோ பார் இந்த பைத்தியத்தை இப்பவே ரயில்வே ஸ்டேஷனுக்கு கூட்டிப்போய் ஊருக்கு அனுப்பலை நாளை முதல் உனக்கு இங்கு வேலை இல்லை

சொன்ன கிஷோர் லால் ஃபைலை எடுத்து புரட்டத் தொடங்கினார் இதற்கு மேல் நின்றால் மரியாதை இல்லை வெளியேறினான். அவர் சொன்னால் சொன்னதை செய்யும் கறார் பேர்வழி என்பதை நன்கே அறிந்த மச்சக்காளை தண்டத்தை Sorry தண்டபாணியை அழைத்துக் கொண்டு ரூமுக்கு வந்து அவனது மஞ்சள் துணிப்பையை எடுத்துக் கொள்ளச் சொன்னான் உடன் ரயில்வே ஸ்டேஷனுக்கு புறப்பட்டான்.

என்ன மச்சான் எங்கே போறோம்... முதலாளி வேலைக்கு சம்மதிச்சுட்டாரா ?

உங்கிட்டே எவ்வளவு பணம் இருக்கு ?

பணம் ஏது மச்சான்.. நேத்துலருந்து... நீங்கதானே எனக்கு செலவு செய்றீங்க ?

சரி முதலாளிக்கிட்டே எல்லாம் பேசிட்டேன்.

என்ன பேசினீங்க, அதை விபரமா சொல்லுங்க ?

உனக்கு அதெல்லாம் புரியாது ஹிந்தி தெரியாததால உனக்கு சென்னை பிராஞ்ச் கம்பெனிக்கு அனுப்பச் சொல்லி இருக்கார் சென்னைக்கு டிக்கெட் எடுத்து கொடுத்து உனக்கு வேலை தெரியுதானு செக்கப் நடக்கும் இனிமேல் எக்காரணம் கொண்டும் மும்பை ரயிலில் மட்டுமில்லை எந்த ஊருக்குமே ரயில்ல ஏறவே கூடாது நீ சென்னை போனதும் இந்தா கையில் ஐநூறு ரூபாய் செலவுக்கு வச்சுக்க, உடனே உசிலம்பட்டி பஸ்ஸுல ஏறி வீட்டுக்குப்போ நான் மாமாவுக்கு போன் செய்து விபரம் சொல்றேன்.

அப்ப வேலை ?

உனக்கு அப்பாயிண்ட்மெண்ட் ஆர்டர் வரும்.

சரி மச்சான் ரொம்ப சந்தோஷம்.

இருவரும் பாந்தர் ரயில்வே ஸ்ஷடேனுக்கு டாக்ஸியில் போனார்கள். புனேவைக் கடந்த மும்பை எக்ஸ்ப்ரெஸ் தமிழ் நாட்டை நோக்கி மலைக் குகைக்குள் சீறிப்பாய்ந்து கொண்டிருக்க, தண்டபாணி தனது பேண்ட் பாக்கெட்டிலிருந்து அந்த பொருளை எடுத்து ஆசையாய் தடவிப்பார்த்து மீண்டும் பாக்கெட்டுக்குள் நுழைக்க...

அதேநேரம்..

அலுவலக கண்ட்ரோல் ரூம் மானிட்டரில் இரண்டு செக்யூரிட்டிகளுடன் கிஷோர் லால் மானிட்டரில் பார்த்துக் கொண்டு இருந்தார் திரையில்... லால் அன்னாந்து பார்த்து தண்ணீர் குடிக்க, மச்சக்காளை குனிந்து நெற்றியை தடவிக்கொண்ட, அதே நொடி டேபிள் மேலிருந்த லாலின் விலை உயர்ந்த ஆப்பிள் போனை படக்கென்று எடுத்து பேண்டில் சொருகினான் தண்டபாணி.

காணொளி

சிவாதாமஸ்அலி-

மாப்பு ஆப்பிள் போன்’’னால் வச்சுட்டியே... ஆப்பு.