திருக்குறளை சுட்டிய திருக்குவளை

   தமிழ் இன்றைய இளைய தலைமுறையினரிடம் வாழ்கிறதா ? நிச்சயமாக இல்லை இதோ தமிழ் மாதங்கள் பனிரெண்டு அதன் பெயர்களைக்கூட சொல்லத் தெரியவில்லையே... வெட்டியாக தமிழ் தமிழ் என்று கூவுகிறது ஓர் கூட்டம் ஆனால் இதில் காரியத்துக்காக குரல் கொடுப்பவரையே நம்புகிறது இந்த பாமரப்பயல்கள் கூட்டம்.

இவர்கள் திருக்குறள் படித்து அதற்கு குரல் கொடுக்கப் போகிறார்களா ? நாளைய தூண்கள் என்று இவர்களை இந்த சமூகம் நம்பிக் கொண்டு வாழ்கிறதே... நம்பிக்கை உயிர்ப் பெறுமா ? ஹிந்தி ஒழிக என்று கூவும் காகங்களே... ஆங்கிலம் தமிழை விழுங்கி கொண்டு மறைப்பது தெரிகிறதா ? மொழியை காப்பாற்றாத அரசு தன்னையே பலி கொடுத்துக் கொண்டு இருப்பது புரியவில்லையா ? செம்மொழி மாநாடு நடத்திய திமுக முதலாளி கருணாநிதிதான் சன் தொலைக்காட்சிக்கு மானாட மயிலாட என்று பெயர் சூட்டி தமிழக சமூகத்து மாணவச் செல்வங்களின் மொழியறிவை சிதைத்து திசை மாற்றி விட்டார்.

பால் - பொருட்பால்

அதிகாரம் – கொடுங்கோன்மை

நாடொறும் நாடி முறைசெய்யா மன்னவன்

நாடொறும் நாடு கெடும்.

என்கிறார் வள்ளுவர்.. (553-ம் குறளில்)

பொருள்-

நாள் தோறும் தன் ஆட்சியில் நன்மை தீமைகளை ஆராய்ந்து முறை செய்யாத பிரதமர் அல்லது முதல்வர், நாள் தோறும் (மெல்ல மெல்லத்) தன் பதவியை இழந்து விடுவர்.

நமது நாட்டில் பல மொழிகள் உருவாகி விட்டதால் இந்த மொழி அழிவு நிகழ்கிறதோ பெரும்பான்மை இங்கு பலமில்லையே. சரி எல்லாவற்றுக்கும் நான் ஏன் மன்னனை மன்னிக்கவும் பிரதமரை குற்றம் சொல்ல வேண்டும். தூய்மை இந்தியாவை உண்டாக்க பிரதமர் சொல்லித்தான் நாம் செய்ய வேண்டுமா ? நமக்கு தெரியாதா ? நமக்குள் நாமே ஏன் தூய்மையாக வைத்துக் கொள்ளக்கூடாது ? அதற்காக தேவகோட்டையிலிருந்து பர்வீன் டிராவல்ஸில் சென்னை சென்று அங்கிருந்து மாமல்லபுரம் சென்று கடற்கரை ஓரத்தில் கிடக்கும் பெப்ஸி டப்பாக்களை பாலிதீன் பைகளில் போட்டு அங்கு வேலை செய்யும் துப்புறவுத் தொழிலாளியிடம் கொடுக்கச் சொல்லவில்லை.

தமது வீட்டிலிருந்து வெளியேற்றும் கழிவு நீர்களை முறையாக கழிவுப்பாதையில் செல்வதுபோல் அமைத்து விட்டால் போதுமானது ஆனால் நாமென்ன செய்கிறோம் ? வீட்டிலிருந்து வாசலை விட்டு வெளியே சாலையில் செல்வதுபோல் அனுப்பி விட்டு நான் சரியாக வரி கட்டும் இந்திய குடி(காரனின்) மகன் என்று அரசை வாய் கிழிய பேசுகிறோம். அவர்களை ஆட்சியமைக்கும் அதிகாரத்தை கொடுக்கும் வல்லமை உள்ள நமக்கு அதன் நுணுக்கங்களை வெறும் இருபது ரூபாய் நோட்டுக்கு அடகு வைக்கிறோம். வரும்முன் காப்பவனே அறிவாளி நமக்கு முதல்வர் ஆட்சி வேண்டாம் மன்னர்கள் ஆட்சியே போதும்.

திரைப்படம் – பூம்புகார் (1964)

வரும்முன் காப்பவன் தான் அறிவாளி - புயல்

வரும்முன் காப்பவன் தான் அறிவாளி அது

வந்த பின்னே தவிப்பவன் தான் ஏமாளி

பாடலாசிரியர் – மு.கருணாநிதி

இசை - ஆர்.சுதர்சனம்

பாடியவர் – கே.பி.சுந்தராம்பாள்

வருமுன் நம்மைக் காக்காமல் அடிமைப் பரம்பரை போல் அயோக்கியன் என்று அறிந்தே அவர்களுக்கு மீண்டும், மீண்டும் வாக்களிப்பது ஏமாளித்தனம் இல்லாமல் வேறன்ன ? தமிழர்கள் தனது வாழ்நாளில் ஓர் முறையாயினும் அறம் சார்ந்த மாமனிதர்களை ஆராய்ந்து வாக்களிப்போம். ஆனாலும் ஒரு சுவாரஸ்யம் இந்த அறிவுரைகளை தந்த கவிஞர் யாரென்று பார்த்தீர்களா ? மேலுமொரு சுவாரஸ்யம் இப்பாடலின் தொகையறா வரிகளை கேளுங்கள்...

ஒருவனுக்கு ஒருத்தியென்ற உயிர் மூச்சை உள்ளடக்கி

அறன் எனப்பட்டதே இல்வாழ்க்கை அஃதும்

பிறன் பழிப்பதில்லாயின் நன்று எனும்

திருக்குறளை மறவாதே திருக்குறளை மறவாதே

திசை தவறிப் போகாதே

இந்த வரிகளைப் படியே வாழ்ந்த ஸ்ரீராமன் தெட்சிணாமூர்த்தி என்ற கருணாநிதி வாழ்க நீ எம்மான். இந்த திருக்குறளை சுட்டிக் காண்பித்தது திருக்குவளையாரே

இப்படி எல்லாம் நம்மை ஆள்பவர்களை குறை சொல்வதற்கு முதலில் நமக்கு நாமே தகுதியை வளர்ப்போம். இதன் காரணமாகவே நான் இப்பொழுது மேலிடத்து மாமனிதர்களை (அதாவது மேலேயே பறந்து கொண்டு இருப்பவர்களை) குறை சொல்வதில்லை காரணம் நான் டெல்லியோ, சென்னையோ, செல்ல வேண்டியது இருந்தால் திருச்சியை பாதுகாப்புடன் கடக்க வேண்டுமே ஆகவே நான் யாரையும் பகைத்துக் கொள்ளக்கூடாது இஃகி... இஃகி... இஃகி....

கில்லர்ஜி விளக்கம்

மக்கள் அழிவில் வாழும் மன்னர் (பிரதமர்-முதல்வர்) பாழும் கிணற்றில் வீழும் ஊனமான தவளை போன்றவராவர்.

சாம்பசிவம்-

மாற்றம் மக்கள் மனதில் வரணும் நாமும் மாக்களாக இருக்கும்வரை.... ? ? ?

ChavasRegal சிவசம்போ-

ஊருக்குத்தான் உபதேசம் உனக்கும், எனக்கும் இல்லை போத்திகிட்டு படுடி பொன்னாத்தானானாம்...

காணொளி

Share this post with your FRIENDS…