காதலின் வலிமை

அழுக்கானவளையும், அழகாக காட்டுவது காதல்

கோழையையும், வீரனாக தோற்றுவிக்கும் காதல்

பொல்லாதவனையும், நல்லவனாக காட்டும் காதல்

அம்மை அப்பனையும், அற்பனாக்கி விடும் காதல்

காவல் நிலையத்தையும், கோவிலாக்கும் காதல்

நண்பர்களை கடவுள் போல் காட்டி விடும் காதல்

சிறிய வீட்டை தாஜ்மகால் என்று சொல்லும் காதல்

புளிரசத்தையும், சாம்பாராக காட்டி விடும் காதல்

மூன்று மாதம் கடந்ததும் முற்றலாகும் காதல்

முச்சந்தியில் ஒருநாள் நிறுத்தி வைக்கும் காதல்

கடையில் அரிசி கடன் கேட்க வைத்திடும் காதல்

வீட்டு செலவுக்கு தோடு அடகு வைக்கும் காதல்

உண்டான குழந்தையால் திண்டாட வைக்கும் காதல்

மருத்துவ செலவுக்கு சங்கிலிக்கு சங்கு ஊதும் காதல்

திட்டமிடாத வாழ்க்கையால் திணற வைக்கும் காதல்

தினந்தோறும் பிரச்சனை கசந்து போகும் காதல்

உன்னாலதான் நான் கெட்டேன் உளறி விடும் காதல்

என்னை சோமனூருல கேட்டாக சொல்ல வைக்கும் காதல்

பெற்றோரை நினைத்து இருவரையும் அழ வைத்திடும் காதல்

அப்பாவின் காலில் இருவரையும் விழ வைக்கும் காதல்

பெயரன் விக்னேஷைக் கண்டதும் கலங்க வைக்கும் பாசம்

தனது மகனையும், மருமகளையும் மன்னித்து விடும் பாசம்

மனைவியிடம் பாயாசம் வைக்க சொல்லும் அப்பாவின் பாசம்

குடும்பத்தோடு குலதெய்வம் கோவிலுக்கு போக வைக்கும் பாசம்

சிவாதாமஸ்அலி-

பெரும்பாலான காதலர்களின் நிலைப்பாடு இப்படித்தான் இருக்கிறது காரணம் இன்றைய காதலின் வலிமை அப்படி கல்யாணத்துக்குப் பிறகு காதலித்தால் நிச்சயம் மாபெரும் வெற்றியே அதாவது மனைவியை.....