சூராணம், சூப்பர்வைசர் சூர்யா

 

அபுதாபி வேலை செய்யுமிடத்தில் உணவருந்தும் இடைவேளையில்.... அன்றைய சூழலின் காரணமாக சூப்பர்வைசர் சூர்யா தனது இரண்டு பணியாளர்களோடு ஒன்றாக சாப்பிட்டுக் கொண்டு இருக்கின்றார்-கள்.

என்னடா கவி கோழியை எதுக்கு தினேஷுக்கு வைக்கிறே... ?

இல்லை சார் இன்றைக்கு வியாழக்கிழமை...

 

ஆமா அதுக்கு என்ன ?

இல்லை சாப்பிடமாட்டேன்.

 

அதான் காரணமென்ன ?

விரதம்...

 

விரதமா ? இங்கே வந்து என்னடா விரதம் ?

தெட்சிணாமூர்த்திக்கு...

 

தெட்சிணாமூர்த்திக்கா ? டேய்... தினேஷா என்னடா சொல்றான் கவி ?

ஆமா சார் வியாழக்கிழமை கவி தெட்சிணாமூர்த்திக்கு விரதம் இருப்பான்.

 

அப்படியா நல்ல பழக்கம்தான் அரபு நாட்டுக்கு வந்தும் இந்தப் பழக்கம் வச்சுருக்கியே ரொம்ப பெருமையா இருக்குடா... ஆமா ரொம்ப காலமா இருக்கியோ... ?

இல்லை சார் இங்கே வந்துதான்...

 

என்ன நேர்த்திக்கடன் சீக்கிரம் சம்பாரிச்சு வீடு கட்டணும்னா... ?

இல்லை... அரபு பேசுறதுக்கு...

 

அரபு பேசுறதுக்கா ? என்னடா சொல்றே... அம்மாவாசைக்கும், அப்துல் காதருக்கும் என்னடா சம்பந்தம் ?

அது வந்து சீக்கிரம் அரபு பேசிப்பழகணும்... அதான்...

 

டேய் தினேஷா... என்னடா சொல்றான் இவன் ?

அது வந்து சார் தெட்சிணாமூர்த்திக்கு விரதம் இருந்தா சீக்கிரம் அரபு பேசலாம்ணு விரதம் இருக்கான்.

 

எவன்டா சொன்னது இப்படி ?

நம்ம கில்லர்ஜிதான் சார்.

 

கில்லர்ஜியா ?

ஆமா... சார்...

 

என்னங்கடா சொல்றிய.... ?

ஆமா சார் கில்லர்ஜி நாங்க எல்லோரும் ஒண்ணாத்தானே வந்தோம் கில்லர்ஜி மட்டும் சீக்கிரம் எல்லா மொழியும் பேசுறாப்பல, நீ மட்டும் எப்படி சீக்கிரம் பழகினேனு கேட்டேன் கில்லர்ஜி வியாழக்கிழமை தெட்சிணாமூர்த்திக்கு விரதம் இருந்ததாலதான் பேச முடிந்ததாம்.

 

அட மூதேவி கில்லர்ஜி யாரைத்தான் ஓட்டலை உன்னை விட்டு வைக்கப் போறாரு. ஏண்டா நீயாவது இவனுக்கு புத்திமதி சொல்லக் கூடாதா ?

அதெப்படி சொன்னா எனக்கு கோழிப்பீசு கிடைக்காதுல...

 

அடப்பாவி கோழிக்காக இவனை நீயும் சேர்ந்து முட்டாளாக்கி வச்சு இருக்கே... இவன் எவ்வளவு நாளா இப்படி விரதம் இருக்கான் ?

ஒரு வருசத்துக்கும் மேலே இருக்கும்.

 

வியாழக்கிழமை கம்பெனி மெஸ்ஸில் கோழி போட்டது உனக்கும் வசதியாப் போச்சு. சரி இவன் அரபு பேசுனானா ? எனக்கு ஒண்ணும் அப்படி பேசுனதா தெரியலையே...

அதெப்படி பேச வரும் மூளை வேணும்ல...

 

ஹா... ஹா... ஹா... டேய்... கேட்டியா என்ன சொல்றானு ? மூதேவி இந்தா என்னோட கோழியை நீ சாப்பிடு...

கில்லர்ஜி என்னை ஏமாத்திட்டாப்பலயா ?

 

வேறென்ன... நாளைக்கு சாப்பாடு எடுக்க வரட்டும் நான் கேட்கிறேன்.

இனிமேல் எனக்கு கோழிப்பீசு கிடைக்காது...

 

மறுதினம் மதிய வேளையில் தனது இடத்திலிருந்து தனது சாப்பாடு பாக்ஸை எடுக்க வந்த கில்லர்ஜியை சூப்பர்வைசர் சூர்யா. அழைக்கிறார்.

 

கில்லர்ஜி இங்கே வாங்க...

வணக்கம் சார்.

 

நல்லா இருக்கீங்களா ?

நல்லா இருக்கேன்... என்ன சார் சிரிக்கிறீங்க... ?

 

நம்ம கழிஞ்சான் கவி கிட்டே என்ன சொன்னீங்க ?

.....ஒண்ணும் சொல்லலையே.....

 

ஏதோ விரதம் இருக்க சொன்னீங்களாம் ?

? ? ? இல்லை சார் சும்மா ஏதோ சொன்னேன்... அதை நம்பிக்கிட்டு...

 

நம்பிக்கிட்டு...

அவனும் ஒரு வருசமா விரதம் இருக்கான்.

 

அவன் விரதம் இருக்கிறது உங்களுக்கு தெரியுமா ?

ஆமா கழுதியா தினேஷு சொன்னாப்பலே எனக்கும் கோழி கிடைக்குது இப்படியே வண்டி ஓடட்டும்னு...

 

சரி அவனுக்கு ஏதாவது அரபு சொல்லிக் கொடுக்கிறீங்களா ? கம்பெனி பிலிப்பைனிகளுக்கெல்லாம் கத்துக் கொடுக்கிறதா கேள்விப்பட்டேன்.

இல்லை சார் சும்மா கேட்டால் ஏதாவது சொல்லுவேன்...

 

ஆமா நம்ம சடையாண்டிகிட்டே என்ன சொன்னீங்க ?

ஒண்ணும் சொல்லலையே...

 

ரெடிமிக்ஸ் கான்கிரீட் போடுற வண்டியை குப்பூஸ் அரைக்கிற மிஷின்’’னு சொன்னீங்களாம், காலைல கம்பெனி பஸ்ஸுல அதைபத்தித்தான் பசங்க பேசுறாங்கே... ரோட்டுல வண்டி போனா அதோ குப்பூஸ் மிஷின்’’னு கத்துறாங்கே... எப்படி கில்லர்ஜி உங்களுக்கு இப்படி தோணுது... ?

.................................. ?

 

சரி, சரி தொப்பியை சொரியாம போயிட்டு வாங்க...

வர்றேன் சார்... 

ChavasRegal சிவசம்போ-
குஷ்பு வண்டி’னு சொல்லாம விட்டாரே.... இங்கும் சூர்யாவா ?
 
குப்பூஸ் சப்பாத்தி போன்ற அரபு நாட்டு ரொட்டி உணவு.