நீக்கு தெலுகு இஷ்டமா ?

சமீபத்தில் யூட்டியூப்பில் ஒரு சிறிய காணொளி கண்டேன், அதில் திரைப்படக் கூத்தாடன் கார்த்தி ஆந்திராவில் நிகழும் ஓர் நிகழ்ச்சியில் கலந்து கொள்ளும் போது ஒரு பெண்மணி கேட்கிறார், உங்களுக்கு மிகவும் பிடித்தவர்கள் தமிழ் ரசிகர்களா ? தெலுகு ரசிகர்களா ? என்று கேட்டதற்கு இந்தக் கூத்தாடன் சொன்ன பதில் என்ன தெரியுமா ? உறுதியாக தெலுகு ரசிகர்கள் என்று சொல்கின்றான் (ர்) அவசியமில்லை என்பது எமது உறுதி செய்யப்பட்ட இறுதியான கருத்து.
 
காட்சிக்கு காட்சி தெலுகு ரசிகன் கை தட்டுறானாம், தமிழனுக்கு இது தெரியாதாம். பணத்துக்காக தமிழனை வேண்டாமென்று சொல்லும் இவனுக்கெல்லாம் ரசிகர் மன்றம் வைத்திருக்கும் மூடர்களை என்ன சொல்வது ? ஆந்திராவில் போய் தெலுகுவில் பேசினால் தமிழ் நாட்டுக்கு தெரியாது என்று நினைக்கும் இந்த மடையன் எல்லாம் ஒரு மனிதனா ? நடிகர் சிவகுமார் ஓர் நல்ல மாமனிதர் இவர்கள் நடத்தும் அகரம் பள்ளி விடயங்கள் அறிந்து இவர்கள் குடும்பத்தின் மீது எனக்கொரு உயர்வான மதிப்பு இருந்தது.
 
முன்பொருமுறை கிருஷ்ணா நதி விசயத்தில் தமிழகத்துக்கு சிறிய அளவில் ஆதரவாக பேசியதற்காக திரைப்படக் கூத்தாடன் ரஜினியின் திரைப்படங்களை கர்நாடகாவில் ஓட விடமாட்டோம் என்றதற்காக அவர்களிடம் மன்னிப்பு கேட்ட ரஜினி, தூத்துக்குடியில் பொதுமக்களை சமூக விரோதிகள் என்று சொன்னதற்காக மன்னிப்பு கேட்க முடியாது என்று சொன்னது... இந்தக் கன்னடனுக்கு தெரிகிறது தமிழனின் லட்சணம், இதேபோல் கார்த்தியும் தமிழனை அறிந்து வைத்து இருக்கின்றான்.
 
இப்படி தமிழனை பிற மாநிலத்தில் சென்று இழிவு படுத்தும் இவனை எல்லாம் படம் பார்த்து இவனுகளுக்கு கோடிக்கணக்கில் சம்பளத்தை கூட்டி கொடுக்கிறோம். ஆம் கூட்டித்தான் கொடுக்கிறோம். இவன் எல்லாம் அமெரிக்காவில் படித்தவனாம். தமிழினத்துக்கு துரோகம் செய்யும் இதைத்தான் படித்தானா ? ஒரேநாளில் இவனை எல்லாம் தூக்கி எறிந்து விடவேண்டும். திரைப்படக் கூத்தாடன் பிரகாஷ்ராஜ் சொன்னானே... கன்னடத்தை கன்னடன்தான் ஆளவேண்டும் என்று... தமிழகத்தை மட்டும் யார் வேண்டுமானாலும் ஆளலாம். இனிமேல் இவனுடைய திரைப்படங்களை பார்ப்பதில்லை என்ற முடிவை எடுத்து விட்டேன். ரசிகன் என்ற அறியாமைவாதிகள் வாழும்வரை இவனுகள் இதுவும் பேசுவானுங்க... இன்னமும் பேசுவானுங்க...

 

இதோ அந்தக் காணொளியின் இணைப்பு.
https://www.youtube.com/shorts/scMymC-wEhE
 
தமிழன் எல்லாவற்றுக்கும் கை தட்டுவான் என்பதற்கு உதாரணம் இதோ
https://youtube.com/shorts/xjX1BbxFuyQ?feature=share
 
கில்லர்ஜி தேவகோட்டை

 

சிவாதாமஸ்அலி-
இதுவரைக்கும் இவரு பருத்தி வீரன் கூட  பார்த்ததில்லையே...
 
Chivas Regal சிவசம்போ-
சமீபத்தில் நெல்லைத்தமிழருக்காக, தி லெஜண்ட் படம் பார்த்து இருக்காரே...

Share this post with your FRIENDS…