ஆண்டிப்பட்டி, ஆருடர் ஆண்டியப்பன்

சில நேரங்களில் நாம் எத்தனையோ ஆண்டுகள் கடந்த பிறகு சிலரைக் கண்டு இருபாலருமே நினைக்க கூடியது இவரை நாம் திருமணம் செய்து இருக்கலாமோ ? இவளை நாம் திருமணம் செய்து இருக்கலாமோ ? இதன் அடிப்படைக் காரணம் இருவருடைய வாழ்வுமே நிகழ் காலத்தில் சுபமில்லை அதாவது இணையால் மன இணைப்பு இல்லை.
 
அதே நேரம் இருவருமே நல்வாழ்வு வாழ்ந்திருந்தால் இந்த வகை குழப்ப நினைவோட்டங்கள் வந்து இருக்காது ஆனால் நம்மில் தொண்ணூறு (90) சதவீதம் இப்படித்தான் நினைக்கிறோம் என்பதே நிதர்சனமான உண்மை. அதே நேரம் கிடைத்த வாழ்க்கையை நிறைவாக எண்ணும் மனிதர்களும் உண்டு உதாரணம் தொழிலதிபர் திரு.முகேஷ் அம்பானி அவர்கள் காதல் மணம் செய்தவர்தான் இன்று வரையில்,  இந்நிலையிலும் இருவரும் மகிழ்ச்சியாக வாழ்வது பெருமையான விடயமே... நிலைத்தோங்கட்டும் இறைவா...
 
இதுபோல உலகறியாத நிலையில் பட்டி, தொட்டிகளில் வாழும் சுப்பனும், குப்பம்மாளும் உண்டு. எத்தனை நபர்களை திருமணம் செய்தாலும் திருப்தி வாழ்க்கை அடையாத திரைப்படக் கூத்தாடிகளில் இருபாலரும் நிறைய உண்டு அதேபோல பல திருமணங்கள் நிகழ்ந்த பிறகு இது நடந்திருக்க வேண்டாமே என்று எண்ணும் தம்பதியர்கள் மட்டுமல்ல, பெரியோர்களும் உண்டு. இதற்கு நாம்தானே காரணம் என்று வருந்திய பெரியோர், சிறியோர்களும் உண்டு இனி பயன் ?
 
ஒரு மனிதனுக்கு நல்ல மனை, மனைவி, மக்கள் சிறப்பாக அமைவது பெரும் பாக்கியம் நல்ல மனைவி அமைந்து விட்டால் மற்ற இரண்டும் தானாகவே அமைந்து விடும் சூழல் உருவாகி விடும். காரணம் மனைவி இந்தப் பொறுப்புகளை தானேற்றுக் கொள்வாள். சரி நல்ல மனைவிக்கு எங்கு போவது ? சோசியரை நம்பித்தான் இந்த ஜாதகம் சிறப்பான வாழ்க்கை அமையும் என்று சொன்னதை நம்பி இறங்குகிறோம். அவர் வாங்கிய காசுக்கு கூவி விட்டார் அவ்வளவுதான்.
 
நமது வாழ்வை சிறப்பாக அமைக்க நினைக்கிறோம், முயல்கிறோம் இறைவன் நினைக்க வேண்டுமே அவன் எழுதிய விதிப்படியே நிகழ்ந்தது, நிகழ்கிறது, நிகழவும் போகிறது... பிறகு நாம் முயன்று பயனென்ன ? என்ற கேள்வி எழுகிறதல்லவா... விதியை மாற்றும் சாஸ்த்திரங்கள், சம்பிரதாயங்கள் உண்டு ஆனால் இவைகளை சரியாக கணித்து சொல்லும் ஆருடர்கள் இப்பொழுது இல்லை இவர்கள் எல்லாம் மறைந்து விட்டார்கள் அவர்களை பின்பற்றும் வழித்தோன்றல்களும் இல்லை

இன்று இருப்பவர்கள் இணையத்தில் ஏதோ படித்து விட்டு தன்னை ஆருடர்கள் என்று சொல்லிக் கொல்வது பிழைப்புக்காண வழிமுறையே வேறொன்றுமில்லை. காலம் மாறி விட்டது என்று நாம் அனைவருமே பொய் சொல்லிக் கொண்டு எல்லாவற்றையுமே மாற்றுகிறோம் உதாரணம் நல்ல உடையை கிழித்து விட்டு இதுதான் புதிய நாகரீகம் என்று சொல்லி அணிகிறோம். இதை உருவாக்கியது யார் ? இளைய தலைமுறைதான் இது தவறென்று தடுக்காத ஆசிரியர்களும், பெற்றோர்களுமே இதன் குற்றவாளிகள். சரி இதை நாம் ஏற்கிறோமா ? இல்லையே.... இந்த சந்ததிகளின் வாழ்வு இழிநிலைக்கு சென்று விட்டது இனி பாக்கி இல்லை.
 
இன்றைய பெண்கள் எதற்கெல்லாம் விவாகரத்து கோருகின்றார்கள் என்பதில் ஓர் வரைமுறையே இல்லாமல் போய் விட்டது. விருப்பமிருந்தால் வாழ்க்கை இல்லையெனில் வேறொரு வாழ்க்கையை அமைத்துக் கொள்வதில் துளியும் தயக்கமில்லை. இது மட்டுமா ? எனக்கு நீ துரோகம் செய்தால் உனக்கு நான் துரோகம் செய்வேன் என்ற கோட்பாடு பெறுகி விட்டது. உன் வழியில் நீ போ என் வழியில் நான் போகிறேன் குழந்தைகளுக்காக கணவன் மனைவி என்ற உறவு இருக்கட்டும் என்பது இவர்களின் கருத்து. ஆனால் இதுதானே குழந்தைகளின் எதிர் காலத்தை பாதிக்கும் என்பதை அறியா மடந்தைகளாக வாழ்கிறார்கள்.
 
எவ்வளவோ காரணங்களுக்காக விவாகரத்து கேட்கும் பெண்மணிகளை பார்த்து விட்டோம். ஆனால் ஆண்கள் கேட்பது குறைவாகவே தெரிகிறது காரணம் பெண்கள் கிடைப்பதில் தட்டுப்பாடு பெறுகி விட்டது. இவளை விட்டால் வேறு வழியில்லை என்ற நிலைதான் காரணம். கணவன் குறட்டை விடுகிறான் என்பதற்காக விவாகரத்து கேட்ட பெண்மணியை பார்த்து விட்டோம். ஆனால் இதோ கீழே இருக்கும் காணொளியை கேளுங்கள்.

 

காணொளி

 
Chivas Regal சிவசம்போ-
என்னையா இது காலக்கொடுமையா இருக்கு.... எம் பொஞ்சாதி தங்கம்யா...

Share this post with your FRIENDS…