ப்ரியாவால் கிடைத்த ஃப்ரீ

தீபாவளி அன்று தீபாவுக்கு வலி
எடுக்க, வழியில் போன ஆட்டோவை
அழைத்து மருத்துவமனை போனான்
தீபக்,  அழகான ஆண் மகவு பிறந்தது.
* * * * * * * 01 * * * * * * *
 
ஓவியப்பாடத்தில் மதிப்பெண்
எடுக்க நான் தீட்டிய ஓவியத்தை
கண்டு திட்டினார் ஆசிரியர் ஆர்யா
காரணம் படத்தில் ஆடையில்லை.
* * * * * * * 02 * * * * * * *
 
கன்னி ஒருத்தி கடந்து போனாள்
பெயரென்ன  என்றேன் ‘’கனிஷ்கா’’
ஆண் குரல் கேட்டு திரும்பினேன்  
அவளது அப்பா ஏட்டு ஏகாம்பரம்.
* * * * * * * 03 * * * * * * *
 
நகைகள் வாங்க வழக்கம்போல்
நாகைக்கு போனாள் நாகலட்சுமி,
அங்கு வாங்கினால் ராசியாம் கூட
போனான் கணவன் நாகநாதன்.
* * * * * * * 04 * * * * * * *
 
மனைவியும் நானும் திருமணத்திற்கு
புறப்பட்டோம் ஏங்க ‘’பேக்கு’’ எடுத்துட்டு
வாங்க என்றாள், அவள் சொன்னது
அவளது ஹேண்ட் பேக்கைத்தான்.
* * * * * * * 05 * * * * * * *
 
அவளை பிடித்து முத்தமிட்டேன்
அவளோ அலறி சத்தமிட்டாள்
ஏனென்று காரணம் கேட்டேன்
கணவன் வருகிறான் என்றாள்.
* * * * * * * 06 * * * * * * *
 
காய்கறிக்கடையில் கூடையுடன்
நின்ற என்னை ‘’வாங்க வெங்காயம்’’
கிலோ இருபது என்றவரை பார்த்தேன்
அவர் சொன்னது வெங்காயத்தைதான்.
* * * * * * * 07 * * * * * * *
 
வானத்தில்  சுதந்திரமாக பறந்து
சென்றன ஜோடியாக புறாக்கள்
மொட்டை மாடி கொடியில் காயப்
போட்டேன் மனைவியின் பிராக்கள்.
* * * * * * * 08 * * * * * * *
 
பூக்கடையில் நின்ற அத்தை மகள்
‘’வாடா’’ மல்லி வாங்கித்தா என்றதை
கேட்டு அதிர்ந்தேன் அவள் கேட்டது
வாடாமல்லி என்று பிறகே புரிந்தது.
* * * * * * * 09 * * * * * * *
 
ஜன்னலோரத்தில் நின்று ஜடை
பின்னிய பிரியாவை  ஜாடையாக
பார்த்ததால்  அவளது அண்ணன்
பின்னி எடுத்தான் ஃப்ரியாக எனை
* * * * * * * 10 * * * * * * *
 
கில்லர்ஜி தேவகோட்டை
 
Chivas Regal சிவசம்போ-
இப்பத்தான் புருஷனை வாடா, போடானு சொல்றதுதானே புதிய கலாச்சாரம்.
 
சிவாதாமஸ்அலி-
வானத்து புறாக்களுக்கு கிடைத்த சுதந்திரம் பூமியில் புருசனுக்கு கிடைக்கவில்லையே...

Share this post with your FRIENDS…