எம் வழி அதே வலி

நமது ஊர்களின் அரச மரத்தடியில் பார்த்து இருப்பீர்கள் கண்ணாடி பிரேம் போட்ட பழைய சாமி படங்கள் பழையதாகி விட்டதாலும் நமது மோடிஜியின் டிஜிட்டல் இந்தியாவால் மின்சார ஒளியோடு ஒலியும் தரும் அழகிய கண்ணைக் கவரும் (கவனிக்க, கண்ணைக் கவரும் மனதை கவர அல்ல) அழகிய புதிய அவதாரமாக சாமி படங்கள் வாங்கிய காரணத்தால் இவைகளை எடுத்து வந்து இங்கு போட்டுச் செல்வர்.
 
இவ்வளவு காலமாக தனது குடும்பத்துக்கு அருள் வழங்கிய (?) இந்த சக்திகள் இன்று சக்தியற்று போனதாக மக்கள் நினைப்பது எவ்வகையில் தர்மமாகும் ?  கடவுள் நம்பிக்கை வைத்து அனைத்தையும் வணங்குகிறோம் நேற்று முன்தினம் வரையில் குடிகார மட்டையாகவே வாழ்ந்து அழிந்தவர் தந்தை என்ற உறவு முறைக்காக கடவுளாக்கப்பட்டு அவரையும் வணங்குகிறோம். இவர் மட்டும்தானா ?  காமக்கொடூரன் சகலை நித்தியானந்தாவையே சன் தொலைக்காட்சியில் ரஞ்சியோடு பார்த்த பிறகும் கடவுளாகத்தானே பார்க்கிறோம். இது போதாதென்று சிலரது கால்களை படம் எடுத்து விற்கின்றார்கள் அதையும்கூட சுயமரியாதை இழந்து வணங்குகிறோம்.

 

அன்னையே முதல் தெய்வம், தாயின் காலடியில் சொர்க்கம் இருக்கிறது என்றுதானே மதங்கள் போதிக்கின்றது. ஆனால் அவைகளை நாம் முழுமையாக அங்கீகரிப்பதில்லை. கடவுள் தூரிலும் இருப்பார், துரும்பிலும் இருப்பார் என்ற நம்பிக்கை உண்மையெனில் லட்சுமி வெடியிலும் இருப்பார் முருகன் சுருட்டிலும் என்பது உண்மைதானே பணம் கொடுத்து லட்சுமி வெடியில் தீயை வைத்து அது லட்சுமியோடு வெடித்து சிதறுவதை கண்டு மகிழ்கிறோம். பிறகு எப்படி மறு வருட தீபாவளி நமக்கு நிறைவான வாழ்வைத்தரும் ?  முருகன் சுருட்டை வாங்கி அதை தீயிட்டு புகைத்து விட்டு கடைசி பாகத்தை கீழே போட்டு செருப்புக் காலில் முருகன் படத்தோடு மிதித்து தேய்க்கிறோம் நமது வாழ்வு தொடர்ந்து வளமும், நலமும் பெறுமா ? 
 
இறை நம்பிக்கை வைப்பது தவறல்ல தவறான செயல்பாடுகள் நமது அடுத்த தலைமுறைகளை தொற்றக்கூடாது என்பதே எமது மூலக்கருத்து. நாட்டில் நடமாடும் மனித போலிச் சாமியார்கள் பெறுகி வருவது தெய்வீகத்தை வளர்க்கிறதா ?  இல்லை மனித அறிவு மழுங்கடிக்கப்படுகிறதா ?  யாமறியோம் பராபரமே... நாம் வாழ்ந்து முடிந்து விட்டோம் நமது தலைமுறைகளாவது அறிவாற்றலோடு வாழட்டும்.

 

கில்லர்ஜி அபுதாபி
 
சிவாதாமஸ்அலி-
எத்தனை பெரியார் வந்தாலும் இதே வழினு வலியோட போவாங்கே...