அவார்டு கிடைக்குமா ?

வணக்கம் நட்பூக்களே... ஒருமுறை இராமநாதபுரத்தில் சகோதரியின் வீட்டுக்கு போயிருந்தேன். பிரதான சாலையிலிருந்து சற்றே சிறிய தெருவுக்குள் வீடு மகிழுந்தில் சென்ற நான் தெருவில் தண்ணீர் தேங்கி கிடக்கவும், மெதுவாக நகர்த்திக் கொண்டு சென்று இறங்கினேன். ஒரு பெண்மணி விளக்கமாறை வைத்து தேங்கிய தண்ணீரை வழித்து பாதாள சாக்கடைக்குள் அனுப்பி விட்டார் நான் சாக்கடை உடைந்து வெளியேறி விட்டதோ என்று நினைத்தேன். பிறகு தங்கையிடம் விசாரித்ததில் தெரிந்தது.
 
தெருவில் சமீபத்தில் கான்கிரீட் சாலை போட்டு இருக்கின்றார்கள். ஈரப்படுத்துவதற்காக தேங்காய் நாரை உதறி போட்டு இருந்ததால் நிறம் வேறு மாதிரி இருந்தது ஆனால் இது, அது இல்லை. உயரத்தை குறைவாக போட்டதால். மழை பெய்யவும் தண்ணீர் தேங்கி விட்டது. அதைத்தான் அந்த பெண்மணி நீரை ஒழுங்கு படுத்திக்கொண்டு இருந்திருக்கிறார். நான் அவரை நகராட்சியில் வேலை செய்யும் பெண்மணி என்றே கருதினேன் காரணம். அவரது தோற்றம் அப்படி இருந்தது.
 
அவரும் வேலையை முடித்து விட்டு சகோதரியிடம் வந்து மரியாதையாக போயிட்டு வர்றேன் என்று சொல்லவும் தங்கையும் சரிக்கா ரொம்ப நன்றி என்று சொல்லி அனுப்பி விட்ட பிறகு யாரென்று விசாரித்தேன். இந்த வார்டு கவுன்சிலர் என்று சொல்லவும். எனக்கு ஆச்சர்யமாக இருந்தது. முன்பே தெரிந்து இருந்தால் அந்த பெண்மணிக்கு வாழ்த்துகள் சொல்லி சிறிய பேட்டி எடுத்து இருப்பேன். செயல்பாட்டை காணொளிகூட எடுத்து தங்களுக்கும் அறிமுகப்படுத்தி இருப்பேன்.

இவர் இராமநாதபுரத்தின் 15-வது வார்டு கவுன்சிலர் பெயர் விஜயலட்சுமி கட்சி தே.தி.மு.க. அவரே நேரடியாக வந்து வேலை செய்தது எனக்கு ஆச்சர்யமாக இருந்தது. மோசடி செய்யாமல் இப்படியும் நேர்மையாளர்கள் இந்தியாவில் வாழத்தான் செய்கின்றார்கள். வெளியில் தெரியப்படுத்துவதற்குதான் ஊடகங்கள் இல்லை. திரைப்பட கூத்தாடிகள் நாயை வாங்கிங் கூட்டிப் போனால் அதனை காணொளியோ, புகைப்படங்களோ எடுத்து போடுவார்கள் விபச்சார ஊடகங்கள்.
 
சிலர் இல்லாத இடத்தில் புது வகையான குப்பைகளை போட்டு அதனை கூட்டுவது போல நடிப்பார்கள் அவார்டு வாங்குவதற்கு... இந்த வார்டு கவுன்சிலர் உண்மையாக தொண்டு செய்கிறார். இதிலும் ஓர் சுயநலம் உண்டுதான், மீண்டும் இதே வார்டு மக்களிடம் வாக்கு வாங்குவதற்கு இருப்பினும் உழைப்பு உண்மைதானே... துட்டுக்கு கூட்டுபவர்களும் உண்டு, ஓட்டுக்கு கூட்டுபவர்களும் உண்டு. திரு.வாலி அவர்கள் எழுதி, திரு.எம்.எஸ்.விஸ்வநாதன் அவர்கள் மெருகூட்டி திரு.டி.எம்.சௌந்திரராஜன் அன்றே பாடி விட்டார்.
 
தெருத்தெருவாய் கூட்டுவது பொதுநலத் தொண்டு
ஊரார் தெரிந்து கொள்ள படம் பிடித்தால் சுயநலம் உண்டு
மக்கள் நலம், மக்கள் நலம் என்றே சொல்லுவார்
தன் மக்கள் நலம் ஒன்றேதான் மனதில் கொள்ளுவார்
 
படம் பிடிப்பதற்கு கூட்டுவது போல நடிப்பதால் உடல் வலிக்காது இரண்டு நாளைக்கு சென்னை கோயம்பேடு மார்க்கெட்டில் நின்று கூட்டினால் தெரியும். டவுசர் கிழிஞ்சு போயிடும். புனிதநீராக கருதப்படும் உங்களது வாரணாசி தொகுதியில் போய் கூட்டுங்களேன் பார்ப்போம். முட்டை வெளியில வந்துரும். சோக்கு காமிச்சு மக்களை ஏமாற்றி விடலாம்னு நினைக்காதீர்கள். மறைந்தும் மக்கள் மனதில் வாழும் திரு.காமராஜர் அவர்களைப்போல் ஆறு மாதம் ஆட்சி செய்து பாருங்கள் போதும். மக்கள் போற்றுவார்கள் இல்லையெனில் தூற்றுவார்கள்.
 
கில்லர்ஜி அபுதாபி