பாஞ்சாலி

நண்பர்களே.. மேலே புகைப்படத்திலிருக்கும் குடும்பம் ஹரியானா மாநிலத்தில் நாகரீகம் வளராத மலைவாசி மக்களின் குடும்பங்களில் ஒன்று. முன்புறம் கையில் தான் பெற்ற குழந்தையுடன் நிற்பதுதான் குடும்பத்தலைவி பின்புறம் நிற்பவர்கள் யார் தெரியுமா ? அவர்கள் இந்தப் பெண்மணியின் கணவர்கள். ஆம் ஐந்து நபர்களும் கணவர்களே... வரிசைப்படி பிறந்தவர்கள்.
 
இந்த தகவலை நான் அறிந்து பத்து வருடங்களாகி விட்டது அபுதாபியில் இருந்தபோது கிடைத்த விடயம். இங்கு திருமணம் செய்யும் பெண்கள் அந்த வீட்டில் பிறந்த அனைத்து சகோதரர்களையும் ஒரே நேரத்தில் திருமணம் செய்து கொள்ள வேண்டுமாம். பிறக்கும் குழந்தை அனைவரையும் அப்பா என்றே அழைக்குமாம். அதாவது மனைவி வீட்டின் அறையில் இருக்கும் பொழுது கணவர் உள்ளே இருந்தால் வாசலில் செருப்பு கிடக்கும் அப்படி இருந்தால் மற்ற சகோதரர்கள் அதாவது கணவர்கள் உள்ளே போக மாட்டார்களாம். பிறந்த குழந்தை யாருக்கானது என்பதை இவர்கள் வாழ்நாள் முழுவதும் தெரிந்து கொள்ள மாட்டார்களாம்.

 

ஆண்கள் வேலைக்கு சென்று வந்து குடும்பத்தை காப்பாற்றுவார்களாம், பெண்கள் வேலைக்கு செல்வதில்லையாம். காரணம் கணவர்களை மகிழ்ச்சி படுத்துவது ஒன்றே முக்கிய காரணமாம். இதை இவர்களது சமூகம் முழு மனதோடு ஏற்றுக்கொண்டு வாழ்க்கை நடத்துகின்றதாம் மேலும் பெண்கள் குறைவாக இருப்பதும் ஓர் காரணமாம். சமீபத்தில் இத்தோப்பியா நாட்டில் பெண்கள் அதிகமான காரணத்தால் ஆண்கள் கட்டாயமாக இரண்டு மனைவிகளை திருமணம் செய்ய வேண்டும் என்று தீர்மானித்தது நாம் அறிந்த விடயமே...
 
கில்லர்ஜி அபுதாபி