தில்லை அகத்திலிருந்து...



டிரிங்.. டிரிங்..

ஹலோ இங்கிட்டு கில்லர்ஜி அங்கிட்டு யாரோ ?

வணக்கம் கில்லர்ஜி நாங்க தில்லை அகத்திலிருந்து... துளசிதரனும், தோழி கீதாவும் பேசுறோம் நலமா... அபுதாபி எல்லாம் எப்படியிருக்கு ?

ஆஹா நீங்களா ? நலம் நலமே விளைவு, என்ன திடீரென அழைப்பு ?

அழகா நண்பர் யாழ்பாவாணன் மாதிரியே பேசுறீங்களே... ஏன் நாங்க, அழைக்ககூடாதா கில்லர்ஜி ? 

அப்படிச் சொல்லவில்லை தில்லை அகத்திலிருந்து அழைப்பு வந்தது கொள்ளை மகிழ்ச்சியே...

நல்லது கில்லர்ஜி ஒரு உதவி அதான் கேட்கலாமென்று...

சொல்லுங்கள் என்னால் செய்ய முடிந்ததை கண்டிப்பாக செய்வேன்.

வேறு ஒன்றுமில்லை புதிதாக குறும்படம் ஒன்று எடுப்பதாக திட்டம் அதில் குறும்பான கேரட் ஒன்று SORRY குறும்பான கேரக்டர் ஒன்று அதில் நீங்கள் நடித்தால்... பொருத்தமாக இருக்கும்னு நண்பர் கரந்தை ஜெயக்குமாரும், நண்பர் இ.பு.ஞானபிரகாசனும் சொன்னாங்க..., அதனால் படமும் சிறப்பாக ஓடுமென்று கருதுகிறோம்.

(எனக்கு தூக்கி வாரிப்போட்டது நமக்கு குறும்பட சினிமா வாய்ப்பா ? ஆ...ஆ... உயிரெழுத்தில் நான்காவது இரண்டு வாய்க்குள் புகுந்து மேற்கூரையை உரச.. ப்தூ.... ப்தூ...)

கில்லர்ஜி என்னாச்சு துப்புறீங்க... ? 

ஒன்றுமில்லை ஈ அதான்...

ஈ படம் பார்க்கிறீங்களா ?

இல்லை அது... வந்து, காஃபியில ஈ...

ஐயய்யோ, காஃபியில ஈ போட்டு குடிக்காதீங்க... (கலாய்க்கிறாங்களாம்)

இல்லேங்க இது வேற...

சரி, கில்லர்ஜி குறும்படத்துல.....

(ஆச்சரியத்தை மறைத்துக் கொண்டு) என்ன... திடீர்னு இப்படிச் சொன்னால் ? நேற்றுதான் டைரக்டர் சங்கர் கால் பண்ணியிருந்தார், கால்ஷீட் கேட்டு காலையில் மெயிலை திறந்தால் ? தங்கர் பச்சான் வேற நொச்சு நொச்சுனு நச்சரிச்சுக்கிட்டே இருக்கார் அவரோட படத்துல ஹீரோவா நடிக்கணும்னு நானே இங்கே ரொம்பவே பிஸியா இருக்கேன் பெரும்பாலும் நான் குறும்படத்துல நடிக்கிறது இல்லை சரி கேட்டுட்டீங்க.. உங்களுக்காக நான் செக்ரட்டரிகிட்டே கேட்டு சொல்றேனே... எதுக்கும் நாளைக்கு ஈவ்னிங் கால் பண்ணுறீங்களா ?

நல்லது கண்டிப்பாக நீங்க நடிச்சு தருவீங்கனு நம்புறோம்.

பார்க்கலாம், சரி ஸூட்டிங் எங்கே ? ஸ்விஸ்லதானே... நம்மலோட கேரக்டர் என்ன ஓபெனிங் சீன் எப்படி ?

ஸூட்டிங் ஸ்பாட்டெல்லாம் தயார் செய்துட்டோம் உங்க ஊர் தேவகோட்டை பக்கத்துல முள்ளிக்குண்டு, சங்கரபதிகோட்டை அதாவது கேமராவுல வீல் சுற்றிக்கொண்டே வருகிறது அப்படியே கேமராமேன் ஸ்ரீராம் (வலைப்பதிவர் ஸ்ரீராம் அல்ல) கொஞ்சம் கொஞ்சமா மேலே தூக்கிகிட்டு வர்றார் பளிச் என்று கில்லர்ஜியின் அழகான முகம் நீங்க அந்த தட்டு வண்டியை தள்ளிகிட்டு கேரட்டு, பீட்ரூட்டு, முட்டைகோஸூ இப்படி கூவிக்கிட்டு வர்றீங்க..

நில்லுங்க, நில்லுங்க, நில்லுகங்க என்ன பேசுறீங்க.. தட்டு வண்டியை நான் தள்ளிக்கிட்டு வரணுமா ? அதுவும் எனது தேவகோட்டையிலே... இதெல்லாம் தள்ளிக்கிட்டு வந்தால் என்னோட ப்ரெஸ்டிஸ் என்னாகுறது ?

கதைப்படி நீங்க ஒரு சேல்ஸ்மேன் இப்படித்தான் வரணும் கில்லர்ஜி.

கதை யாரு எழுதுனது ? 

தோழி கீதா எழுதுனாங்க...

ஏன்... அவங்களுக்கு நான் கோல்ட், டைமண்ட் பிஸினஸ் செய்து அமெரிக்கா, ஃப்ரான்ஸ், ஜெர்மனி போய் ஹோல்சல் சேல்ஸ் பண்ணுற மாதிரி கதை எழுத தெரியாதா ?

இல்லை கதைப்படி நீங்க ஒரு ஏழை, அதான்...

கதையை மாத்துங்க.. சரியா வராது.

என்ன கில்லர்ஜி இப்படிச் சொல்றீங்க ?

கதையில, நான் ஏழையா வர்றதை ரசிகர்ங்க விரும்பமாட்டாங்க.

கில்லர்ஜி கொஞ்சம் யோசனை செய்து பாருங்களேன் எங்களுக்காக...

வேணும்னா, ஒண்ணு செய்றேன் நண்பர் சொக்கன் சுப்பிரமணியன் ஆஸ்திரேலியாவில் இருந்து லீவுல வர்றாரு.. அவரை வேணும்னா நடிக்கச் சொல்றேன் காரைக்குடியும் பக்கம்தான் ஸூட்டிங்குக்கு காலைல மூணு மணிக்கு வரச்சொன்னாலும் வருவார்.

இல்லை கில்லர்ஜி நீங்கதான் நடிக்கணும் அவருக்கு அவ்வளவு சிறப்பாக நடிக்கத் தெரியாது அவருடைய பதிவுல போட்ட நாடகத்துல நடிக்கும்போதே கவனிச்சேன்.

நான் நடிக்கணும்னா, கதையை மாத்துங்க.

அப்பசரி, நாங்க மாத்துறோம்.

நல்லது கதையை மாத்திட்டு கால் பண்ணுங்க.

நாங்க, மாத்துறது கதையை இல்லை உங்களை.

என்ன இப்படிச் சொல்றீங்க ?

நாங்க போன்ல சொல்றதுனால இப்படிச் சொன்னோம் நேர்லயா இருந்தால் ?

என்னை மாத்த மாட்டீங்களோ...

இல்லை அந்த இடத்துலயே உங்களை மாத்துல விடுவோம்.

என்ன இப்படிப் பேசுறீங்க ? அப்புறம் நான் கம்ப்ளைண்ட் செய்திடுவேன்.

யாருகிட்ட கம்ப்ளைண்ட் செய்யமுடியும் எங்களை ?

அங்கே இருந்தேன்னா... என்னோட சுயரூபனை Sorry சுயரூபத்தை காட்டுவேன், நான் ஆளுங்கட்சிக்காரன் தூரத்துல இருக்கிறதால பகவான் கிட்டதான்.

நீங்க பகவான்கிட்ட செய்தாலும் சரி, பகவான்ஜிகிட்டே செய்தாலும் சரி.

இந்தப்படத்துல யாரு நடிக்கிறானு பார்க்கிறேன் ?

இதே நண்பர் சொக்கனை நடிக்க வைத்து படத்தை ஓடவைக்கலை...

எது தியேட்டரை விட்டா...

கில்லர்ஜி பேச்சு ஓவராப்போகுது...

நண்பர் சொக்கனுக்கு நடிக்கத் தெரியாதுனு சொன்னீங்க ?

அது அவருக்குத் தெரியாதுல ?

இப்ப பேசியது ரெக்கார்டிங்கல வச்சு இருக்கேன்ல அதை அவருக்கு மெயில் அனுப்புவேன்ல...

இப்படியெல்லாம் வில்லங்கம் விருமாண்டி வேலை செய்யிற ஆளுனு ஏற்கனவே நண்பர் தமிழ் இளங்கோ ஸாரும், டாக்டர். ஜம்புலிங்கம் ஸாரும்  சொன்னாங்க அதனாலதான் மிமிக்ரிகாரனை வைத்து நீங்க நண்பர் சொக்கனை திட்டுறது மாதிரி ரெக்கார்டிங் செய்து வைத்திருந்தேன் இப்பவே அதை அனுப்புறேன் கீதா உடனே அதை நண்பர் சொக்கனுக்கு சென்ட் பண்ணுங்க, சீக்கிரம், சீக்கிரம்..

ஹலோ... ஹலோ... இப்படி எல்லாம் செஞ்சீங்க உங்க வலைப்பதிவுக்கு வந்து, கருத்துரையில..

கருத்துரை போட்டா... கருங்கல்லாலே எறிவோம்

அப்படீனா நான் உங்களுக்கு கால்ஷீட் தரமாட்டேன்.

வந்தேன்னா காலை ஒடிச்சுப்புருவேன்.

இதுக்குமேலே பேசுனீங்க, நடக்குறதே வேற...

நடக்குறதுக்கு கால் இருக்காது.

ஹலோ... ஹலோ...

(டொக். ரெண்டு பேரும் பயந்துக்கிட்டு டெலிபோனை வச்சுட்டாங்க)

உடனே நண்பர் வலைச்சித்தர் திண்டுக்கல் தனபாலனை தொலைபேசியில் அழைத்து விபரம் கேட்கலாம் ஏதாவது டெக்னாலஜி மூலம் அவர்களின் மின்னஞ்சலை தடுக்க முடியுமா ? என  அதற்குள் அவர் சொன்னார் 

இப்பத்தான் எனக்கு மெயில் வந்துச்சு தில்லை அகத்திலிருந்து... ஏன் சொக்கனுக்கும், உங்களுக்கும் பிரச்சனையா. அவரை ஏன் திட்டுறீங்க .?

வலைப்பதிவு நெஞ்சங்களே... போன் வரவும் எனக்கு ஆச்சர்யமாக இருந்து உண்மை இதுவே ஏவியெம்மோ, சத்யா மூவிஸோ இருந்தால் ஓகே. ஏன்... இப்படி இவர்களை கழட்டி விட்டேன் தெரியுமா ? படத்துல நடிச்சுக் கொடுக்குறதுக்கு முன்னாலேயே இப்படிப் பேசுறாங்களே... நடிச்சுக் கொடுத்தால்  இவங்க கிட்டேருந்து பணம் வாங்க முடியுமா ? கொஞ்சம் சிந்தித்துப் பாருங்கள் இவங்க இப்படி ஆளுங்கதானு எனது இனிய நண்பர் ஊமைக்கனவுகள், நண்பர் மணவை ஜேம்ஸிடம் மதுரை விழாவுக்கு வரும்போது தனியாக சந்தித்து என்னிடம் சொல்லச் சொல்லி இருக்கிறார், மணவையார் என்னிடம் சொல்லிய போதும் எமக்கு சிறிது நம்பிக்கை இல்லாமல் தோழி மு. கீதா அவர்களிடமும், தோழி பிரதிபா கிரேஸ் அவர்களிடமும் மெதுவாக கேட்டேன் இதை (ஒட்டு) கேட்டுக் கொண்டிருந்த சகோதரி மைதிலி கஸ்தூரி ரெங்கனும், தோழர் மதுவும் ஆமா, ஆமா அவுங்க மோசமான ஆளுகதான் எனச் சொன்னார்கள், அதனாலதான் நான் எடக்கு மடக்கா பேசி கழட்டி விட்டுட்டேன் எப்பூடி ? என்னை பண மோசடிக்காரர்களிடமிருந்து காப்பாற்றிய நண்பர் ஊமைக்கனவுகள் மற்றும் மது & மைதிலி தம்பதியினருக்கு மனதுக்குள் மௌனமாய் நன்றி சொல்லிக் கொண்டேன்.

பின்குறிப்பு - முனைவர் ஐயாவும், தமிழ் ஸாரும், இப்படி எல்லாம் போட்டுக் கொடுப்பாங்கனு நான் நினைக்கவே இல்லை, மதுரையில பார்க்கும்போது நல்லாதானே பேசுனாங்க... ஐயா ஜியெம்பி கூட சொன்னாரே நல்ல மனிதர்கள் என்று... பதிவுல எனது குரலை பதிவு செய்தது எவ்வளவு தவறாப்போச்சு குறும்படம் எடுக்கும் கலைஞர்கள் இந்த மாதிரி மற்றவங்களை ஏமாற்றலாமா ? ஒருவேளை நண்பர் திரு, வே.நடனசபாபதி அவர்கள் சொல்வதுபோல் ஏமாற்றுவதும் ஒரு கலைதானோ ? தில்லை அகத்தார் செய்த மோசடியை பிரதமர் மோடியிடம் கொண்டு போகலாம்னு நினைச்சேன் அந்தநேரம் பார்த்து நண்பர் வலிப்போக்கனிடமிருந்து போன் வர... அவரிடம் பேசும்போது மனதின் வலி குறைந்தது போலிருந்தது... சரி நண்பர் கரந்தையார் சொல்வதுபோல மறப்போம் மன்னிப்போம் அதை மறந்து மனம் அமைதிபெற குவைத் நண்பர் திரு, துரை சொல்வராஜூ அவர்களின் தெய்வீக பதிவில் நுளையும்போது... (‘’டிங்டாங்’’) பெல் அடிக்கவும் போய் கதவைத் திறந்தால் ? நண்பர் ‘’மனசு’’ சே. குமாரும், ‘’வசந்த மண்டபம்’’ கவிஞர் மகேந்திரனும் நின்றிருந்தார்கள்.

 ‘’அடடே வாங்க, வாங்க, வாங்க’’ 

சரி நாங்க வலைப்பூவைப்பற்றி நிறைய........... பேசனும்... பிறகு பார்க்கலாம் கீழே போய் கருத்துரையும், மறக்காமல் தமிழ்மண வாக்கும் போட்டு போங்களேன்.

இந்தப் பதிவை வெளியிட அனுமதியளித்த இனிய நண்பர் திரு. துளசிதரன் தில்லை அகத்து மற்றும் இனிய நண்பி திருமதி. கீதா அவர்களுக்கு எமது நெஞ்சார்ந்த நன்றி & நன்றி.

அன்புடன்.

தேவகோட்டை கில்லர்ஜி அபுதாபி.