பாண்டியூர், பாண்டித்துரை Weds பாண்டியம்மாள்



Place: Pollachi Police Station.
 
இன்ஸ்பெக்டர்-
யோவ் ஏட்டு யாருய்யா இவங்கே ? என்ன பிரட்சனை ?
ஏட்டு, -
ஸார், அழகாபுரி நடுத்தெருவுல ரெண்டுபேர் கலாட்டா செய்றதா தகவல் வந்துச்சு போய்ப்பார்த்தா, இவங்கே சண்டை போட்டு கிட்டு இருந்தாங்கே, அள்ளிகிட்டு, வந்துட்டோம்.
இன்ஸ்பெக்டர்-
இங்கே, வாடா உன்பேரென்ன ?
துரைப்பாண்டி, ஸார்
உன் அப்பா, பேரென்ன ?
பாண்டிதுரை, ஸார்
நீ வாடா, உன் பேரென்ன ?
துரைச்சாமி, ஸார்
உன் அப்பா, பேரென்ன ?
சாமித்துரை, ஸார்
? ? ? எல்லா பேருமே உண்மைதானோ..... எதுக்குடா, சண்டை போட்டீங்க ?
ஸார், இவன்தான் என்னை அடிச்சான் ஏய்யா அடிக்கிறேன்னு கேட்குறதுக்குள்ளே ஏட்டய்யா வந்துட்டாருங்க...
இவனை எதுக்குடா, அடிச்சே ?
ஸார், இவன் வாங்கின பணத்தை தரமாட்றான், ஸார் அதத்தான் கேட்டுக்கிட்டு இருந்தேன், அதுக்குள்ளே ஏட்டய்யா வந்துட்டாருங்க,
ஏன்டா, நீ பணம் கொடுக்கணுமா ?
இல்லேஸார், பொய் சொல்றான்.
என்னடா இவன் இப்படிச் சொல்றான் ?
எம்பணம் இல்லே ஸார் என்ப்ரண்டோடது ஸார்.
என்னடா  விளையாடுறியா  யாருடா  உன் ப்ரண்டு ?
கண்ணுச்சாமி ஸார்
யாருடா  அவன் யோவ் ஏட்டு போய்த்தூக்கிட்டு வாய்யா அவனை.
 
சிறிது, நேரத்தில்.....
வணக்கம், ஸார்
யாருடா நீ ?
எம்பேரு கண்ணுச்சாமி, ஸார்
உன் அப்பன் பேரென்ன சாமிக்கண்ணா ?
ஆமா ஸார், உங்களுக்கு தெரியுமா ?
காலையிலருந்து, ஒரே மாதிரிதானடா பேர்சொல்றீங்க ? ஏதாவது பொய் சொன்னீங்க தோலை உறிச்சுப்புடுவேன்.
அப்பா, பேரெல்லாம் மாத்தி சொல்லமுடியுமா ஸார் ?
சரி,துரைப்பாண்டி உனக்கு பணம் தரனுமா ?
ஆமா ஸார் ஆனா எம்பணம் இல்லேஸார்.
யேன்டா டேய் என்ன  எல்லாரும் சேர்ந்துகிட்டு விளையாடுறியலா ?
ஸார், பாண்டித்துரைதான் எப்படியாவது, பணத்தை வாங்கிகொடுன்னு கேட்டாரு அவருக்காகத்தான், துரைச்சாமிட்ட சொல்லி, கேட்கசொன்னேன் ஸார்.
யாருடா  அவன் பாண்டித்துரை ?
பஸ் ஸ்டாண்ட் எதிர்த்தாப்ல பழமுதிர்ச்சோலைனு பழக்கடை வச்சுயிருக்காரே, அவருதாங்க,
ஸார், அவரு எங்கஅப்பா ஸார்.
என்னது  உன் அப்பனா ? ஏட்டு போய்த்தூக்கிட்டு வாய்யா பாண்டித்துரைய,
 
சிறிது நேரத்தில்.....
ஐயா வணக்கமுங்க,
வாய்யா, நீதான் பாண்டித்துரையா ? இவண்யாரு, உன்மகனா ?  
ஆமா, ஸார்
இவண், உனக்கு பணம் தரணுமா ?  
எம்பணம், இல்லேஸார் பாண்டியம்மாவுட்டு, அவதான் எப்படியாவது பணத்தை வாங்கிகொடு, இல்லைன்னா உனக்கு சோறு கிடையாதுன்னுட்டா, சாமிக்கண்ணு எனக்கு தெரிஞ்சவன் அதனாலதான் ஸார், அவன்மகன், கண்ணுச்சாமி கிட்ட சொன்னேன்.
யாருய்யா, அது பாண்டிம்மா ?
எம்பொஞ்சாதி, ஸார்.
பொண்டாட்டியா  ஏய்யா, குடும்பத்தோட சேர்ந்துகிட்டு என்ன நாடகமா ? ஆடுறிய போய்த்தூக்கிட்டு வாங்கய்யா பாண்டியம்மாளை...
 
சிறிது, நேரத்தில்.....
கும்புடுறேன், சாமி.
நீதான், பாண்டியம்மாளா ?
ஆமாங்கய்யா.
இதுக்கு, முன்னாலே நான் பார்த்ததில்லையே ஆமா, சொந்தஊரு எது ?
பாண்டியூருங்க.
போதும், யோவ் 304 இனி, விசாரணையே கிடையாது இவங்கே, ரெண்டுரையும் விரட்டிட்டு, இந்தக்குடும்பத்தை மட்டும் தூக்கி லாக்கப்ல வச்சு கும்முங்கய்யா, நான் நாவன்னா மெடிக்கல்ஷாப் போயி அனாஸின், வாங்கிட்டு வர்றேன்.
 
இன்ஸ்பெக்டர் பாண்டியராஜ் ஆத்திரமாய் சொல்லிவிட்டு, ஸ்டேஷனை விட்டு வெளியேறவும், ஏட்டு ராஜபாண்டி, உள்பட 304 துரைச்சிங்கம், 401 சிங்கத்துரை, Ladies Constable பாண்டிமதி & கோவினர் கச்சேரியை துவங்கினார்கள்.

 

நண்பர்களே.... நாமெல்லாம் அதிர்ஷ்டசாலிகள்தானே.....