சங்ககிரி, சகுனி சடையாண்டி

இதன் முந்தைய பதிவை படிக்காத நண்பர்கள் இதோ E Dr.6 முகம் இதைத்தான் சொடுக்கி படித்து விட்டு இதைப் படித்தால் காரணங்கள் விளங்கும் நன்றி - கில்லர்ஜி

கும்புடுறேன் டாக்டர்...

நீங்க.. டாக்டர் திருமுகம் அனுப்பிய ஆள்தானே...

ஆமா டாக்டர்.

உட்காருங்க.. உங்க பெயர் என்ன ?

சடையாண்டி எல்லாரும் சகுனி சடையா’’னு கூப்புடுவாங்க.

சரி, நல்லாயிருக்கீங்களா ?

இதுவரைக்கும் பகவான்ஜி புண்ணியத்துல நல்லாத்தான் இருக்கேன்.

ஒரு சட்டை போட்டு வரக்கூடாதா ?

நான் சட்டை போட மாட்டேங்க...

ஏன் ?

சின்ன வயசுல தீவாளிக்கு எங்க அப்பாக்கிட்டே சட்டை வாங்கி கேட்டேன் அதுக்கு சாட்டையாலே அடிச்சுட்டாரு அதுனாலே சட்டையைக் கண்டாலே எனக்கு ஒரு மாதிரியா இருக்கும்.

? ? ? சரி சொல்லுங்க, என்ன பிரச்சனை ?

நீங்கதான் சொல்லணும் டாக்டர்.

நான் என்ன சொல்லணும் ?

சொல்ல வேண்டியதைத்தான்.

என்ன சொல்ல வேண்டியதை ?

திருமுகம் ஐயா சொல்லி விட்டாங்க... போயி பார்த்துட்டு வா அப்படினு.

ட்ரீட்மெண்ட்டுக்குத்தானே ?

என்னது மெண்டலா... யாரைச் சொல்றீங்க ?

யோவ், அதாவது குணப்படுத்துவதற்க்கு..

ஓஹோ.. இங்கிலீசோ... சரி சொல்லுங்க.

என்னை என்ன சொல்லச் சொல்றே ? ஃபேஷண்ட் நீயா ? இல்லை நானா ?

வெஜய் டிவியில போடுறதை சொல்லுறியளோ... சரிதான்... பேசனா ? இந்த வாய் கொப்புளிக்கிறதுதானே அந்தா இருக்கு டாக்டர்.

யோவ் காட்டான் மாதிரி பேசுறே ஃபேஷண்ட் அதாவது ம்..ம்.. நோயாளி.

டாக்டர் நான் மழைக்குகூட பள்ளிக்கூடம் ஒதுங்குனது இல்லை எனக்கு இங்கிலீசு தெரியாதுங்க தமிழ்லதானா.. பேசுங்களேன்.

நான் தமிழ்லதான்யா பேசுறேன்..

இப்போ சொன்னீங்களே... நோ--எலி... அப்படினு எலி மட்டும் வெளங்கிடுச்சு.

(ஆஹா... கிறுக்கனிடம் மாட்டிக்கிட்டோமோ ?)

சரி இப்ப உனக்கு என்ன செய்யிது அதைச்சொல்லு.

எனக்கு ஒண்ணும் செய்யலை திருமுகம் ஐயாதான் போயிப்பார்த்துட்டு வா உனக்கு செலவுக்கு துட்டு கொடுப்பாரு அப்படினு சொன்னாங்க...

என்னது உனக்கு நான் பணம் கொடுப்பேனா... ஏன் ?

எனக்கும் அது சந்தேகமாத்தேன் இருந்துச்சு ஐயா சொன்னாருனு வந்தேன்.

சரி எல்லாம் டாக்டர் ஏற்கனவே சொல்லி இருக்கார் உனக்கு வயிற்றுவலி இப்போ எப்படியிருக்கு ?

எனக்கு வயித்துவலி அப்பப்போ வரும் திருமுகம் ஐயாதான் ஏதோ நறுநட்டி வேருனு எழுதிக்கொடுத்தாரு... அதை மனுசன் திங்க முடியுமா ? அதான் தூக்கி வீசிட்டேன்.

அப்போ வயிற்றுவலி வந்தால் என்னதான் செய்யிறே ?

முந்தாநாளு டாக்டருட்ட போனேன் அவருதான் நான் ஆஸ்பத்ரியை மூடிட்டேன் நீ டாக்டர் 7 மலை கிட்டேபோ’’னு சொன்னாரு அப்புறமா ராவுல எந்திரிச்சுப் போயி ராவா ரெண்டு ரவுண்டு விட்டேன், சரியாப் போயிடுச்சு.

? ? ?

என்ன டாக்டர் பேயறைஞ்சது மாதிரி முழிக்கிறீங்க ?

நீ தினம் குடிப்பியா ?

ராத்திரிக்கு மட்டுந்தேன் குடிப்பேன்.

? ? ? சரி முதல்ல உனக்கு எக்ஸ்ரே.. அதாவது ஃபோட்டோ எடுத்துப் பார்க்கணும்.

வீட்ல இருக்குதுங்களே.. கல்யாணத்தப்போ நானும், எம்பொஞ்சாதி பானுமதியும் தேவகோட்டை மதினியா வீட்டுக்கு போகையிலே எடுத்தது.

யோவ் உன்னோட பெரிய ரோதனையாப் போச்சே இது வேற எக்ஸ்ரே அதாவது உடம்பு முழுக்க எடுத்துப் பார்கணும்.

சரி..

முதலில் அந்தக் கௌண்டரில் போய் பில் பே பண்ணிட்டு வா !

கவுண்டரா ? நான் அந்த ஆளுக இல்லீங்க.. நாங்க... மல்லாங்கி ஜாதிக்காரங்க...

அய்யோ.... அங்கே போயி பணத்தைக் கட்டிட்டு வாய்யா.

எங்கிட்டே பணம் இல்லீங்களே... திருமுகம் ஐயா சொன்னாரு ஒனக்கு பணம் கொடுப்பாங்க’’னு நீங்க எங்கிட்டே கேக்குறீங்க ?

டாக்டர் உன்னை குடிக்காமல் இருக்க குணப்படுத்த சொன்னாரு... சரி உனக்கு பிள்ளைங்க எத்தனை ?

மூத்தது மக மதுரையில கட்டிக் கொடுத்துட்டேன் ரெண்டாவது மயேன்.

சரி நாளைக்கு உனது மகனைக் கூட்டிக்கொண்டு வா !

மயேன் எதுக்கு ? டாக்டர் அவங்கிட்டே பணம் கொடுக்காதீங்க... பயவுள்ள எல்லாத்தையும் அதுவே குடிச்சு தீத்துடும் எனக்கு தரமாட்டான் முந்தாநாளு வீட்டுக் கூரையிலே சொருகி வச்ச குவாட்டருல கொஞ்சூண்டு இருந்துச்சு நான் எடுத்து குடிச்சுப்புட்டேன் பயபுள்ள வயித்துலயே ஏறி மிதிச்சு வாந்தி எடுக்க வச்சுடுச்சு. எம்பொஞ்சாதி பானுமதி அவளும் சேந்துகிட்டு மிதிக்கிறா.

’’ஸிஸ்டர்ஸ்......’’

(கட்டிடமே அதிர டாக்டர் கத்தியதைக் கண்டு அனைத்து சிஸ்டர்சும் ஆஜர்)

எஸ் டாக்டர் ?

‘’அய்யோ’’ எனக்கு தலையே வெடிச்சுடும் போல இருக்கே முதலில் கௌண்டரில்1000 ரூபாய் வாங்கி இந்த ஆளுக்கு கொடுத்து பேக் பண்ணுங்க.

ஓகே டாக்டர் யோவ் எந்திரிய்யா இங்கே வா !

(சடையாண்டியும், சிஸ்டர்சும் வெளியே வர)

டாக்டரை என்னய்யா, செஞ்சே ?

நான் ஒண்ணும் செய்யலீங்க, டாக்டரை கொணப்படுத்ததேன் வந்தேன்.

டாக்டரை குணப்படுத்த வந்தியா ? அக்கௌண்டண்ட் இம்மீடியட்டா இவருக்கு ஆயிரம் ரூபாய் கொடுங்க டாக்டர் ஆர்டர் இந்தாய்யா என்னோட ரூபாய் இருபது உடனே வெளியே போ இல்லைனா, என்னோட வேலைக்கு ஆ10 வந்துரும்.

(1020 ரூபாயை பெற்றுக்கொண்டு வெளியே வந்து டாஸ்மாக்கை நோக்கி நடந்த சகுனி சடையாண்டிக்கு டாக்டர் ஏன் ? கத்தினார் என்பது மட்டும் கடைசிவரை விளங்கவே இல்லை சரி நாளைக்கு வந்து விபரம் கேட்போம் என நினைத்துக் கொண்டு நடந்தான்)

சாம்பசிவம்-

எனக்கு விளங்கிடுச்சு இவரும் டாக்டர் 6 முகத்தை பார்க்கணும்.

சிவாதாமஸ்அலி-

எல்லாம் சரி  Dr. 6 முகம் முகத்தை மட்டும் இதுவரை பார்க்கலையே...

Chivas Regal சிவசம்போ-

அவரு ஒரு முகமா இருந்தால் பார்க்கலாம் அதான் 6 முகமாச்சே...