புதுக்கோட்டையை நோக்கி வேட்டைக்குப் போகும்...

இவ்வளவு வேலைகளுக்கு மத்தியிலும் எமக்கு நேரடியாக வருகை தந்து அழைப்பிதழ் தந்த கவிஞர் திருமிகு. நா. முத்து நிலவன் அவர்களுக்கு நன்றி.

ஏண்டி, செல்லாயி நானும் பார்த்துக்கிட்டுதான் இருக்கேன் எல்லா பஸ்ஸுமே புதுக்கோட்டை பக்கமாவே போகுதே என்ன விசயம் ?

எங்கேயிருந்து பார்த்தே ?

நேத்து திருச்சி மலைக்கோட்டை ஏரியாவுல சுத்திக்கிட்டு திரிஞ்சேன் அப்ப யதார்த்தமா கவனிக்கிறேன் எல்லா பஸ்ஸும் புதுக்கோட்டை பக்கமாவே போகுது... அப்புறம் நேத்து ராத்திரி அப்படியே திருமயம் ஊமையன் கோட்டை ஓரமா திரிஞ்சேன் இங்கிட்டு இருந்தும் பஸ்ஸு பூராம் புதுக்கோட்டை பக்கமாத்தான் போகுது நீ நாலு எழுத்து படிச்சவளாச்சே... அதான் கேட்டேன்.

அப்படினா  உனக்கு விசயம் தெரியாதா ?

தெரியாமத்தானடி கேட்குறேன்...

அட கொதக்கு புதுக்கோட்டையிலே பதிவர்கள் மாநாடு ரொம்ப சிறப்பா நடக்கப்போகுது உலகம் முழுக்க இருந்து தமிழ் பதிவர்கள் வர்றாங்க அதுக்குத்தான் போறாங்க....

பதிவர்னா... நம்ம புள்ளக்குட்டிங்க பேசிக்கிட்டு திரியுமே வலைப்பூ அதுவா ?

அதேதான்...

அடியாத்தி அப்ப புதுக்கோட்டை ஹோட்டல்காரங்களுக்கு நல்ல வியாபாரம்தான்னு சொல்லு.

அதெல்லாம் இல்லை மாநாடு நடக்குற ஆரோக்கிய மாதா மக்கள் மன்றத்துலயே வர்றவங்க எல்லோருக்கும் விருந்து கொடுப்பாங்க...

விருந்தா...  அப்ப நாமலும் போவோம்.

அங்கேதான் மகமாயி இடிக்குது.

என்ன  இடிக்குது... ?

விழா நடக்குறது மாதா மன்றத்துல.. வேற சக்தி மண்டபம், ஆஞ்சநேயா மண்டபம் இந்த மாதிரி இடத்துல நடந்தால் நாம ஒரு எலுமிச்சம் பழத்தை நசுக்கி விட்டுப்புட்டு ஈசியா தன்னக்கட்டிப்புட்டு நுழைஞ்சு ஒரு கட்டு கட்டிக்கிட்டு வந்துறலாம்.

அதனால என்ன  நாம போயி வயிறு நிறைய பூட்டிப்புட்டு வந்துருவோம்.

ஏண்டி கூறு கெட்டசிறுக்கி ஏதும் விளங்கித்தான் பேசுறியா மாதா மன்றத்துக்குள்ளே நாம எப்படிடீ போக முடியும் ?

ஓஹோ எனக்கு இப்பத்தான் புரியுது...

நீ தான் லேட் பிக்கப்தானே..

சரி சாப்பாடு போகும் வண்டியை ரோட்டுலயே மறிச்சு நமக்கு வேண்டியதை அள்ளிக்கிட்டு விட்ருவோம்.

அதத்தான்டி சொல்றேன் நேத்தோ.. முந்தாநாளோ... பார்த்தேன் இந்த விழா நடத்துறரே... கவிஞர் முத்து நிலவன் அவரு நம்ம கில்லர்ஜி பதிவுல பின்னூட்டம் கொடுத்து இருந்தாரு பதிவர்கள் யாராச்சும் பேய் ஓட்டுறவங்க இருந்தால் உடனே வாங்க அப்படினு... பாவம் நம்ம கில்லர்ஜி அப்பாவிப்புள்ள அவரைப்போயி மிரட்டலாமா...  இந்த பெரிய மனுஷன். ?

இதென்ன  காலக்கொடுமை ?

பேசிக்கொண்டு இருக்கும் போதே அந்த வழியே போய்க்கொண்டு இருந்த கருப்பாயி வந்து சேர்ந்தாள்.

என்னாங்கடி ... மீட்டிங்கா ?

வாக்கா  நீ வேற... சரி உங்கிட்டே ஐடியா கேட்கலாமே...?

எது  முத்து நிலவன் ஐயா அப்பாவி கில்லர்ஜி மேட்டரா ?

எப்படிக்கா கரைக்ட்டா.. சொல்லிப்புட்டே ?

முட்டைமாஸ் திங்கிற மூஞ்சியைப் பார்த்தால் தெரியாது... நீங்க நேத்து வந்தவளுகடி... இப்பத்தான் லாப்டாப்ல பார்த்துட்டு வர்றேன் இப்ப நாம ஞாயிற்றுக்கிழமை அன்னிக்கு மூக்கு முட்ட கரைக்கனும் அதானே மேட்டரு...

சரிக்கா.. யோசனை சொல்லு அக்கா இன்னொன்னு வில்லங்க கோஷ்டிகள் ஜீபூம்பா புடிக்கிற பாலக்காட்டு ஜக்குகளோட வர்றாங்களாம்.

அது யாருடி  வில்லங்க கோஷ்டி.. ?

.

தில்லைஅகத்தார் துளசிதரன் – கீதா அவங்கதான்.

அடி போடீ அவங்க எங்கே வந்து... யாருக்கிட்டே நம்ம ஏரியாவுலயா ? அதுக்கு முத்து நிலவன் ஐயாவை சமாளிக்கிறதுதான் கஷ்டம் ஏன்னா அவரு இங்கேயே... பழம் திண்ணு கொட்டை போட்டவரு...

ஏக்கா, நம்ம மகமாயியை விட்டு நைசா முத்து நிலவன் ஐயாக்கிட்டே பேச சொல்லி மடக்கிடலாமா ?

அடி போடி அவரு சாமியவே நம்பாதவரு... பட்டிமன்றத்துல சிரிச்சு சிரிச்சு பேசியே கூட்டத்தோட ஆளுகளை கவுத்திடுவாரு... இவ எம்மாத்திரம்.

ஆத்தாடி.. நான் மாட்டேன் கண்டுபுடிச்சுட்டாருனா... நாம செத்தோம்.

அடி விளங்காதவளே இப்பவே நாம செத்த கிராக்கிதான்...

ஆமாவுல மறந்துட்டேன்க்கா...

ஏக்கா பொம்பளைப்பதிவர்கள் வர்றாங்களாமே அவங்களை வச்சு சோத்து அண்டாவை மடக்க முடியாதா ?

அடி போடீ வர்றவங்கள்லாம் யாருனு நினைச்சே.. ? தென்றல் மா3த்தான் தெரியும் எல்லாம் வேலு நாச்சியார் வகையறா வாளை எடுத்து வீசிடுவாங்க...

யோசிக்கா... உனக்கு ஐடியா வரும்...

அதாவது அவருகிட்டே தமிழ்ல பேசினால் சமாளிக்க முடியாது அதனாலே வேற பாஷையிலே பேசினால் இங்கிலீஷ்ல பேசலாமா ?

எவளுக்கு தெரியும் இங்கிலீசு ?

நீ எத்தனையாவதுடி படிச்சே ?

மூணாப்பு

அடச்சீ பேசுறாளுக பேச்சு நாந்தேன் பழைய கட்டை நீங்களாவது பேசுவீங்கனு பார்த்தால்... சரிடீ ஒண்ணு செய்யலாம் நம்ம மருதகாசி மாமியா இருக்காள்ல அவ சின்ன வயசுல துபாய்ல வேலை செஞ்சவ நல்லா அரபி பேசுவாளாம் அவளை வச்சு அரபி பேசுனா.. அவரை பயமுறுத்திடலாம்.

சரிக்கா.. உடனே கூப்புடு அது எங்கிட்டு திரியுதோ... ?

தனது செல்லில் பேலன்ஸ் இல்லாத்தால் கருப்பாயி நம்பர் சொல்ல செல்லாயி செல்லில் அடித்துக் கொடுத்தாள்.

ஹலோ யாரு பேசுறது ?

ஹலோ நான் மருதகாசி பேசுறேன்.

மருதகாசி நல்லாயிருக்கியா ? நான்தாப்பா கருப்பாயி பேசுறேன் உன் மாமியா எங்கேப்பா ?

ஏத்தா.. அவுங்க அவசர ஜோலியா குஜராத் பக்கம் போயிருக்காங்க வர இரண்டு மாசம் ஆகும் என்னக்கா விசயம் ?

நீ இப்ப எங்கே இருக்கே....

ஊள்ளூருதான் மச்சுவாடி பக்கம் திரியிறேன்.

நீ உடனே ஆலங்குடி ரோட்டுப்பக்கம் வா

இதோ வாறேன்த்தா...

சில நொடிகளில் வந்த மருதகாசி மகமாயியை வழக்கம்போல தமாஷுக்கு தலையில் ஒரு தட்டு தட்டி விட்டு விபரம் அனைத்தையும் கேட்டு முடிந்ததும் சொன்னான்.

என்னத்தா நீயே இப்படி செய்யலாமா ? விழா நடத்துறது யாரு ? நம்ம தமிழ்ப்பதிவர்கள் அதுக்கு நம்ம ஆதரவைக் கொடுக்காமல் இப்படியா ? குண்டக்க... மண்டக்க... அங்கிட்டு நம்ம கில்லர்ஜி நம்மளை மாதிரி விழாவுக்கு வர்றாரு.. நமக்கு வேண்டப்பட்டவரு... நான் முத்து நிலவன் ஐயா கனவுல போயி சொல்லுறேன் அவரே நமக்காக 15 அண்டாச்சோறும் 8 வாளி ஜெமினி கணே.... சாரி சாம்பாரும் கொடுப்பாரு. சரியா ?

சரிடாத்தம்பி உனக்கு வர்ற யோசனை எங்களுக்கு வராமல் போச்சே ‘’ச்சே’’

அதுக்குத்தான் கில்லர்ஜி பதிவை விடாமல் படிக்கணும்.. நான் உடனே படிச்சு தமிழ் மண வாக்கும் போட்ருவேன்.

இனிமேல் நாங்களும் படிக்கிறோம்டா.. தம்பி.

சரி ஞாயிற்றுக்கிழமை விழா நல்லபடியா நடக்கனும்னு.. நம்ம சங்கத்து ஆளுகள்ட்ட சொல்லி கூட்டுப் பிரார்த்தனை செய்வோம் அதாவது விழா முடிந்ததும் நம்மளோட வாழ்த்து பதிவர்களுக்கு தெரியப்படுத்த மாலை 6 மணிக்கு மேலே மழை வருவதற்க்கு வருண பகவானை வேண்டுவோம் சரியா ? அந்த நேரம் நாம் எல்லோரும் கூட்டாக சேர்ந்துகிட்டு..

பூ.. மழை தூவி வசந்தங்கள் வாழ்த்த...

மாநாடு நடக்கிறது... பதிவர்கள் கூடி

செந்தமிழ் பாடி... வலைப்பூ கூட்டம்

நடக்கிறது தமிழ் வலைப்பூ நடக்கிறது

அப்படினு பாடி மழை வரவழைக்கிறோம் OK

OK DONE

மருதகாசி & மகமாயி

அடடே பதிவர் கையேட்டில் எனது புகைப்படமா ?

Flight will Land on Pudukkottai 11.10.2015 @ 05.43 am  

Start Camera

வலையுலக பெருந்த(லை)கைகளுக்கு கில்லர்ஜியின் வணக்கம் இந்த பதிவர் விழாவில் அரிய பெரும் புலவர்களும், கவிஞர்களும் கூடும் இந்த தருணத்தில் நமக்கென்று ஒரு அமைப்பை உருவாக்கும்படி தாழ்மையுடன் எமது கோரிக்கை மனுவை முன் வைக்கின்றேன் அமைப்பின் முதல் சந்தா பணம் என்னுடையதாக இருப்பின் எமக்கு கூடுதல் சந்தோஷம்.

நன்றியுடன்

தேவகோட்டை கில்லர்ஜி அபுதாபி

தமிழ் வாழ ! அந்தத் தமிழோடு நாமும் வாழ !

2015 புதுக்கோட்டை பதிவர் விழாவுக்கு அனைவரையும் வருக வருக என அன்புடன் அழைக்கும்

- தேவகோட்டை கில்லர்ஜி அபுதாபி -

  காணொளி