நெஞ்சுக்கு நீதி

11.10.2015 அபுதாபி எனது அலுவலகத்தில்...

எனது செல்லில் பட்டும் படாமல் கிடைத்த வலைப்பதிவர் நேரலை (LIVE) பதிவர் விழாவை பார்த்துக்கொண்டு இருந்தேன் மனுஷன் சூழ்நிலை தெரிய வேண்டாம் அறிவு இருக்காயென்ன ? இவளுகளுக்கு அதாங்க.. எனது அலுவலகத்தில் வேலை செய்யும் அரபிப்பெண்களுக்கு சும்மா நொச்சு நொச்சுனு தொலைபேசி அடிச்சுக்கிட்டு அந்தப் ஃபைலை இங்கே அனுப்பு... இந்தப் ஃபைலை அங்கே அனுப்பு, துபாய்க்கு மின்னஞ்சல் அனுப்பு அதை முடிச்சுட்டியா ? இதை முடிச்சுட்டியா ? எனக்கு கோபம்னா கோபம் அப்படிக் கோபம் வந்துச்சு நான் வலைப்பதிவு மாநாடு நடக்கும் சந்தோஷத்தில் காலையில் அலுவலகம் புறப்பட்டவன் ஏதோ இவங்களோட நல்லநேரம் கோடரியை தோளில் தூக்கிப்போட்டு திரியும் நான் இன்று மறந்துட்டேன் இல்லையென்றால் ? சும்மா இருக்கும் பொழுது கொஞ்சம் நினைத்துப் பாருங்கள்.

சரி அலுவலகத்துல எனது கணினிக்கு இணையம் இணைப்பு கொடுத்தாங்களே... பதிவர் மாநாடு திறந்து பார்க்க முடியுதா ? கூடாதாம் எந்தப்பாக்கம் போனாலும் திண்டுக்கல் பூட்டு ஒருவேளை நண்பர் தனபாலன் வாங்கி அனுப்பி இருப்பாரோ ? என்று சந்தேகப்படுகிறேன் அலுவலக சம்மந்தப்பட்ட மின்னஞ்சல் (Outlook Only) மட்டும்தான் பார்க்க முடியுமாம் இதென்ன ? நியாயம் அவசரத்துக்கு நண்பர்  Yahoo வைக்கூட பார்க்க முடியவில்லை சரி செல்பேசியில் நமது நண்பர்களை அழைத்து பேசுவோம் என்று அழைத்தால் அலுவலக தொலைபேசியின் தொல்லை டிரிங்.. டிரிங்... இப்படியே தொடர்ந்து அடித்துக்கொண்டு இருந்தால் இவனை நிம்மதியாக பார்க்க விடக்கூடாது பதிவர்களுடன் பேசவிடக்கூடாது என்ற கெட்ட எண்ணம்தானே... இதற்க்கு பின்னணியில் எதிர்க்கட்சியின் சதி இருக்கிறதோ... என்றும் சந்தேகமாக இருக்கின்றது.

எனக்கு பொறுமை தாங்க முடியவில்லை கையும் ஓடலை, காலும் ஓடலை (கையும், காலும் எப்படி ஓடும் ? உடம்போடுதானே இருக்கும்) கோபத்தை அடக்க முடியாமல் உங்களுக்கு அறிவு இருக்கா ? குப்பூஸைத் திங்கிறியளா ? இல்லை வேற ஏதாச்சும் திங்கிறியளானு ? டங்கைப்புடுங்குறது மா3 கேட்டுட்டு பஞ்சிங் செய்துட்டு வீட்டுக்கு வந்துட்டேன் உடன் கணினியைத் திறந்து பதிவர் விழாவைப் பார்த்தவுடன்தான் நெஞ்சுக்கு நீதி Sorry நெஞ்சுக்கு நிம்மதி.

குறிப்பு – குப்பூஸ் அரபு நாட்டு பாரம்பரிய உணவின் பெயர்.

மன்னர் தொண்டைமான் ஆண்ட புதுக்கோட்டை நகரம்

இன்று 11.10.2015 ஞாயிறு அதிகாலையிலிருந்தே... பேரூந்து நிலையத்தில் தொடங்கியது சலசலப்பு ஆம் தமிழகமெங்குமிருந்து வந்து இறங்கிய வண்ணம் மக்கள் கூட்டம் இறங்கிய கூட்டமெல்லாம் ஆட்டோக்களிலும், நகரப் பேரூந்துகளிலும் ஏறி ஆலங்குடிச் சாலையில் இருக்கும் ஆரோக்கிய மாதா மக்கள் மன்றத்திலேயே... இறங்குகின்றார்கள் உள்ளே நுழைவது யார் தெரியுமா ? நாளைய தமிழகத்தின் சரித்திரத்தை மாற்றி எழுதப்போகும் வலைப்பதிவர்கள் கூட்டம் ஆம் வலைஞர்களின் கூட்டமே...

உள்ளே அனைத்துப் பதிவர்களும் முதன் முதலாக சந்திக்கும் பலரும் சந்தித்து மனம் நிறைந்த சந்தோஷத்தை வெளிப்படுத்திக் கொள்கின்றார்கள் பல வலைஞர்கள் சிறப்பிக்கப்படும் காட்சிகளும், கூடி மகிழ்ந்த காட்சிகளையும் இதோ பாருங்கள்.

விழாவுக்கு வருகை தந்த அனைத்துப் பதிவர்களுக்கும் எமது வாழ்த்துகளும், நன்றியும்.

பதிவர் விழாவைப் பற்றிய புகைப்பட வெளியீட்டின் முதல் பதிவாக என்னுடையதாகத்தான் இருக்கும் 80 எமது கருத்து சரியா ? தவறா ? 80தை தாங்களே சொல்ல வேண்டும் பதிவு வெளியான இந்திய நேரம் மாலை 05.30

தமிழ் வாழ ! அந்தத் தமிழோடு நாமும் வாழ !

அன்புடன்

தேவகோட்டை கில்லர்ஜி அபுதாபி