மாயவரம், மாயழகு & மாயமுகி

From, Dubai

என் நெஞ்சம், நிறைந்தவளே என்னழகி

என் பெருமை, சேர்ப்பவளே பெண்ணழகி

மனம் மறக்க, மறுக்கிறதே மந்தாரபூவழகி

கண்ணுக்குள்ளே, நிற்பவளே கருவிழி கண்ணழகி

எண்ணமெல்லாம், நின்மீதே கயல்விழி கருப்பழகி

உறங்கும்போது, உன் நினைவே உருண்டைவிழி உலகழகி

என் மதி மயக்கி, விட்டாயடி மதியழகி

தினம் தினம், உன்னுடன் கனவில் நான் பழகி

விடுமுறை, கிடைத்ததும் விரைந்திடுவேன் விழியழகி

From, Mayavaram

கல்ஃபுகுள்ளே, வாழ்பவரே கருத்த கள்ளழகா 

உறங்க மறுக்கிறதே, உன் நினைவால் உருவழகா 

நித்தம் நித்தம், வாடுகிறேன் மீசை வடிவழகா 

மாயம் செய்தாயே, கண்ணுக்குள்ளே மாயழகா 

அல்லும் பகலும், நினைக்க வைத்தாய் என்னழகா 

ஆணொன்று, பெண்ணொன்று விட்டுச் சென்றாய் அழகழகா 

VISA முடியும், நேரத்திலே விடுமுறையா விழியழகா 

RENEWAL செய்து விடு, ரிங்டோன் மொழியழகா 

RETURN டிக்கெட், இல்லாமல் வருவது உனக்கழகா 

காணொளி