கந்தவேலன்

உங்களை பார்த்தாலே, எனக்கு பத்திக்கிட்டு வருது...

அதனாலதானடி நீ ரெட்டைக் குழந்தை பெத்தே...

நான் என்ன சொல்றேன் நீங்க என்ன÷ பேசுறீங்க... ?

பத்திகிச்சு சொல்லவும், அதத்தான் சொல்றியோனு... நினைச்சேன்.

கந்தன் புத்தி கவட்டுக்குள்ளேனு சொல்றது சரியாத்தான் இருக்கு.

யேண்டி எவ்வளவு தைரியம் இருந்தா எம்பேரை சொல்லுவே ?

ஏங்க, பழமொழி சொன்னா உங்கபேரை சொன்னேனு சொல்றீங்க..

அதுக்கு கடம்பன் புத்தி கார்த்திகேயன் புத்தினு சொல்லக் கூடாதா ?

இதுக்கு ஏன் கடவுளையெல்லாம் இழுக்கிறீங்க ? கருமம், கருமம்.

ஏண்டி, கருமம் புடிச்ச விசயத்தை நீ சொல்லிப்புட்டு... தெய்வீகம் பேசுற என்னை கருமம்னு சொல்றே ?

இப்ப நீங்க, என்னத்த தெய்வீகம் பேசிட்டீங்க ?

முருகப்பெருமான் எங்கேயும் தன்னோட வாகனமான மயில் மேலதான் போவார், அவர் உட்காரும்போது குனிந்து பார்த்துக் கொண்டே... இருப்பார் இதுக்குத்தான் கந்தன் புத்தி கவட்டுக்குள்ளேனு சொல்றது.. நீ என்னடானா விசயத்தை ரெட்டைக் குழந்தைக்கு கொண்டு போயிட்டே...

எதுக்கெடுத்தாலும் கலைக்கானம் பேசுங்க ஒழுங்கா கோயிலுக்கு போயி சாமி கும்பிடுறது இல்லை பகவான்ஜிகூட சேரும்போதே நினைச்சேன்.

ஏண்டி கோயிலுக்கு போகாத நான், முருகப் பெருமானை பத்தி சரியாச் சொல்றேன், வாரத்துக்கு எட்டு விரதமிருக்கிற நீ ரெட்டை குழந்தைனு சொல்லவும் கவட்டுக்கு போயிட்டு என்னை குறை சொல்றே... ஹூம் காலக்கெரகமடா கந்தவேலா...

நீங்க மட்டும் பழமொழிக்கு கடவுளை இழுக்கலாமா ?

நான் கடவுளை இழுக்கலடி எம் முழுப்பேரை சொன்னேன்.

உங்களுக்கு இந்தப்பேரை வச்சாங்களே... அவங்களை சொல்லணும்.

பேரை மாத்திட்டா உன் பிரச்சனை தீர்ந்திடுமா ?

அப்பவாவது உங்களுக்கு தெய்வம் நல்ல புத்தியை கொடுக்குமே...

ஏண்டி நியாயமா பேசுடி எவனாவது பேரை மாத்திட்டு தெய்வத்து கிட்டேயிருந்து தட்டுல வச்சு புத்தியை வாங்கியிருக்கானா ?

இப்படி எல்லாம் பேசுறதுனாலதான், ஒண்ணும் நடக்க மாட்டுது.

இப்ப என்ன நடக்கலை, யாரு நடக்கலை, கெட்டிக்காரன் பிள்ளை எட்டு மாசத்துல நடக்கும்னு சொல்வாங்க நம்ம புள்ளைங்க ஏழு மாசத்துலயே ஓடுறாங்களேடி இதுக்கு மேலே என்னடி வேணும் வாழ்க்கையில..?.

இதுக்கு ஒண்ணும் குறைச்சல் இல்லை, நான் கேட்டது என்ன அதுக்கு நீங்க எங்கே கொண்டு வந்து விட்டீங்க... பேச்சை ?

ஏண்டி, உன்னோட தங்கச்சிக்கு சடங்குதானடி நடக்குது... அடுத்த மாசம் கல்யாணத்துக்கு பித்தளை அண்டா செஞ்சா என்ன ? பித்தளை பாத்திரமெல்லாம் தங்க விலை ஆகிப்போச்சு, அதனால சில்வர் குடத்தை வைப்போம்னு சொன்னது தப்பா ?

எங்க அக்கா புருஷன் என் தங்கச்சிக்கு மோதிரம் போடுறாரு...

அவரு மோதிரம் மட்டுமா போடுவாரு....?.

என்ன பேசுறிய ?

அடியே அவருக்கு லஞ்சம் வாங்க சான்ஸ் இருக்கு, எனக்கும் சான்ஸ் கெடைச்சா... நானும்கூட மோதிரம் என்ன செயினே போடுவேன்.

நாமலும், பெருசா செஞ்சாத்தானே நமக்கு மரியாதை.

அப்படி பார்த்தா மோதிரத்தை விட சில்வர் குடம் பெருசாதானடி இருக்கும்.

இப்படியே... பேசுக்கிட்டு இருங்க, விளங்கிப் போயிடும்.

இப்ப என்னை என்னதான்டி செய்யச் சொல்றே ?

சரி சடங்குக்கு சில்வர் குடம் வைப்போம், கல்யாணத்துக்கு எல்லாரும் என்னைப்பத்தி பெருமையா பேசனும் அந்த மாதிரி சிறப்பா என்ன செய்யலாம் ? 
சிறப்பாஇருக்கனும்னா கல்யாணப்பரிசா, உன் தங்கச்சிட்டே என்னை தூக்கி கொடு. வித்தியாசமாவும் இருக்கும், பெருந்தன்மைகாரினு எல்லோரும் உன்னைப்பத்தியே பெருமையா பேசுவாங்க.

வெளங்கிடும் நான் பட்டது போதாது, முதல்ல போயி ரயில் டிக்கெட்டை புக் பண்ணிட்டு வாங்க, அங்கே போயும் கிராக்கு மாதிரி பேசிக்கிட்டு இருக்காதீங்க இருந்தாலும் இல்லைனு சொல்லிடப் போறான்.

போறேன், போறேன் எனக்குப்போயி கந்தவேலன்னு பேர் வச்சாங்கே பாரு, என்னைக்கு உன்னை கல்யாணம் செஞ்சேனோ அன்னையிலேருந்து நொந்த வேலனாயிட்டேன்...

(தனக்குள் - ஹும் எவ்வளவு ஈசியா, கிராக்குனு சொல்றா) 

உச்சி வெயில் மண்டையை பிளக்க... ரயில்வே ஸ்டேஷனுக்கு மனைவியை மிதிப்பதாய் நினைத்துக் கொண்டே சைக்கிளை மிதித்தான், நொந்து போன கந்தவேலன்.

Chivas Regal சிவசம்போ-

இதுலருந்து... என்ன தெரியுதுனா... கொழுந்தியாள் கல்யாணத்துக்கு சிறப்பா சீர் செய்யணும்னா லஞ்சம் வாங்கணும்.

காணொளி