பந்தை அடிக்க கோடரி எதற்கு ?

ஒருநாள் மாலை வேளையில் சிவபெருமானும், பார்வதியும் மேலோகத்தில் பால்கனியிலிருந்து... தேநீர் அருந்திக் கொண்டே உலக நடப்பைப்பற்றி விவாதித்துக் கொண்டு இருக்கும்போது... சிவபெருமான் கேட்டார்.

பாரு, என்ன... நீண்டநேரமாக, பூலோகத்தை அதுவும் தி கிரேட் தேவகோட்டை திசையை நோக்கி ஆச்சர்யமாக பார்த்துக் கொண்டு இருக்கின்றாய் ?

இல்லை பிரபு கீழே இரண்டு அணிகள் கூடைப்பந்து விளையாடுகிறார்கள்.

யார் அந்த அணிகள் ?

916 அணியில், ஜோக்காளி பகவான்ஜியும், கோடரி கில்லர்ஜியும், 420 அணியில் உண்மையானவன் சொக்கனும், தில்லைஅகத்து துளசிதரனும்,

சரி இதில் ஆச்சர்யப்பட என்ன இருக்கிறது ?  வலைபதிவில் எழுதிக் கிழித்த அலுப்பை போக்க டைம்பாஸுக்காக விளையாடுவார்கள்.

மூவர் கையிலும், பேட்மேன் இருக்கிறது, ஆனால் கில்லர்ஜி கையில்...

என்ன இருக்கிறது ?

கோடரி.

அதை.... வைத்து ?

அதை வைத்துதான் அடிக்கின்றார்.

ஓஹோ இப்பொழுதுதான் புரிகிறது.

என்ன பிரபு ?

இதில் 916 பகவான்ஜி அணி வெற்றி பெறவேண்டும் என்பது விதி அதுதான் காரணம்.

எப்படி ?

அதாவது, விளையாடும்போது கோடரியை தவற விடுவதுபோல் வீசி துளசியையோ, சொக்கனையோ காயப்படுத்தி விட்டு விளையாட்டை பாதியிலேயே முடித்து தி கிரேட் 916 பகவான்ஜி அணி வெற்றி பெற்றதாக அறிவிப்பதற்காகவே இந்த திட்டம்.

நம்மிடம் கையேந்தினால் வெற்றிக் கனியை அவர்கள் கையில் நாம் இடமாட்டோமா  இந்த ஐயப்பாடு ஏன் பிரபு ?

எல்லோருமே எல்லாவற்றிலும் நம்பிக்கை வைக்க வேண்டுமென்ற ஒற்றுமையான இதயத்தை நாம் அவர்களுக்கு கொடுக்கவில்லையே அதுதான் குழப்பத்தின் ஆரம்பம் தேவி.

இது தவறில்லையா ?

எதில் தவறில்லை... கிரிக்கெட் விளையாடும்போது மழை வந்து விட்டது எனபதற்காக, வெற்றி பெறவேண்டிய அணியை தோற்று விட்டது என அறிவிக்கவில்லையா ? இந்த பாமர மானி(ட்)டர்கள்.

இருப்பினும், விளையாடும்போது கோடரியை எடுக்க எப்படி அனுமதி கொடுக்கலாம் ?

பாரு, முதலில் பார்த்துப்பேசு கில்லர்ஜிக்கு பாம்புக்காது அவ(ன்)ர் காதில் விழுந்து விடப்போகிறது.

வந்தால், தங்கள்மீது இருக்கும் நாகத்தை தூக்கி வீசுங்கள்.

கோடரியால் ஒரேபோடு போட்டு விடுவான் எத்தனை முறைதான் வெட்டு வாங்கி பாம்பாட்டிகளிடம் ஆர்டர் கொடுப்பது.

தாங்கள் இருக்கின்றீர்களே... பிரபு.

அப்படியென்றால் நான் இருப்பது பிடிக்கவில்லையா... தேவி ?

என்ன தாங்கள் கில்லர்ஜிக்கு பயப்படுகின்றீர்கள் ?

பாரு, அவனது பார்ட்னர் பகவான்ஜியைக்கூட ஒருமுறை கத்தி எடுத்துக் குத்தப்போனவன் ஞாபகம் இருக்கின்றதா ?

ஆனால் பகவான்ஜி அவனைக் கல்லாக்கி விட்டாரே...

பாரு, அது உனது திடீர் உதவியால் நடந்தது இல்லையெனில், பகவான்ஜியோட நிலையை நினைச்சுப்பாரு...

சரி, விளையாட்டில் கோடரியை எடுப்பது தவறுதானே...

பாரு, இங்கே பாரு தேவகோட்டையிலே இதெல்லாம் சகஜம் கண்டுக்கிறாதே.

இதையெல்லாம் தடுக்க முடியாதா ?

சட்டத்திற்கு முன்னால் அனைவரும் சமம் அப்படினு சொல்றாங்க, வயிற்றுப்பசிக்காக பிட்பாக்கெட் அடிச்சவனை லாக்கப்புக்குள்ளே வச்சு கும்முறாங்க, ஆனா கோடிக்கணக்கா கொள்ளையடிச்ச அரசியல்வாதிக்கு போலீஸ் அதிகாரிங்களே சல்யூட் வைக்கிறதில்லையா ?

அதற்காக, துளசிதரனையும், சொக்கனையும் காயப்படுத்தறதை பார்த்துக்கிட்டு சும்மா இருக்க முடியாது.

பாரு, நீ வாக்கிங் போகும்போது ஸூட்டிங் ஸ்பாட்டுல சட்டத்துக்கு புறம்பா கடை வச்சுயிருக்கிற துளசி கொடுத்த ஓசி டீக்காக வக்காலத்து வாங்கி பேசுறே, நாளை நகராட்சி பிரச்சனைகள் வந்தால் உனது உதவி தேவைப்படுமென்ற லஞ்சம்தான் உனக்கு தரும் அந்த டீ, சொக்கன் என்ன சாதாரண ஆளா ? தளத்துல மட்டும் ‘’உண்மையானவன்’’ அப்படினு பேரை வச்சுக்கிட்டு, கில்லர்ஜி நம்ம போர்பந்தர் மோகன்தாஸைப்பற்றி தொடர் பதிவு எழுதச் சொன்னப்போ, கனவுல திரிஷா வர்றது நின்னு போச்சுனு எழுதலை...

இருந்தாலும்...

என்னடி இருந்தாலும்.. எல்லோருக்கும் ஒருநாளு இருக்குடி அப்ப வக்கிறேன்டி ஆப்பு கில்லர்ஜிக்கும் சேர்த்து.

அப்படினா, கில்லர்ஜியிடமிருந்து கோடரியை பறிக்க முடியாதா ?

இருந்துட்டுப் போகட்டுமே... எவ்வளவு நாளைக்கு ?

பந்தை அடிக்க கோடரி எதற்கு ?

அவனை இப்ப ஒண்ணும் செய்யமுடியாது.

ஏன் ?

அவன் உயிரோட இருக்கும்வரை ஒண்ணும் செய்யமுடியாது, கையிலே கோடரி வேற இருக்கு மனிதர்கள் பிணமானால்தானே நமது வீரத்தை காட்டமுடியும்.

இது தர்மம் இல்லை, நியாயம் இல்லை.

அப்படிப் பார்த்தால், அஞ்சு வயசுக் குழந்தையை ஆறறிவு மனுஷன் ஏழுபேரு கற்பழிக்கிறான் நம்ம டிபார்ட்மெண்ட்டால் தடுக்க முடியுதா ? ஒரு எட்டு தள்ளி நின்று பார்த்துக் கொண்டுதானே இருக்கிறோம் எல்லாவற்றுக்கும் ஒரு நேரம் வரும்.

இப்படியே... போனால் சமூகத்தோட நிலை ?

போனவாரம்கூட விண் டிவியிலே பார்த்தோமே ஒரு படம் பேருகூட மறந்துபோச்சு, தம்பி பி.எஸ். வீரப்பாகூட சொல்வாரே... இந்த நாடும், நாட்டு மக்களும் நாசமாய் போகட்டும் அப்படினு அதுதான்டி நடக்கும்.

எனக்கு பகவான்ஜியைப்பற்றி கவலையில்லை துளசியும், சொக்கனும்தான்...

என்னடி பகவான்ஜி பேரு மட்டும் இப்படி வச்சுக்கிட்டு ஈரோட்டுக்காரர் மாதிரி எழுதலாமா ?

என்னமோ, போங்க.. நீங்களும் உங்க ஆக்டிவிட்டும்.

சரி நீ விளையாட்டை பார்த்துக்கொண்டு இரு, நேற்று துபாய் கோயில்ல கும்பாபிஷேகம் நடந்துருக்கு, தஞ்சையம்பதி தளத்தில் நம்ம குவைத் துரை செல்வராஜூ அதைப்பற்றி பதிவு போட்டு இருக்காரானு பார்க்கிறேன்.

சிவபெருமான் கணினியில் மூழ்க, பார்வதி கீழே எட்டி தேவகோட்டையை பார்த்துக் கொண்டு இருக்க, 916 பகவான்ஜியும், கில்லர்ஜியும், லாவகமாக அடிக்கும் பந்தை, 420 எதிரணி துளசிதரனும், சொக்கனும் தட்டுத் தடுமாறி, முட்டிமோதி, பயந்து நடுங்கி, தடுத்துக் கொண்டிருக்க, திடீரென கில்லர்ஜியின் கோடரி கையை விட்டு (தற்செயலாக) உருவிக்கொண்டு எதிர்பாராத விதமாக எதிரணியினரை நோக்கி பறக்க... நடுவர்களாக உட்கார்ந்து மதிப்பெண்கள் எழுதிக்கொண்டு இருந்த, திரு.கரந்தை ஜெயக்குமார் அவர்களும், முனைவர்  திரு. B. ஜம்புலிங்கம் அவர்களும் திடுக்கிட்டு உட்கார்ந்திருந்த நாற்காலியை விட்டு எழுந்தார்கள்.

தமிழ் விளக்கம்.

916 சுத்தமான சொக்கத்தங்கம்.

420 விளக்கம் தேவையில்லையே.

சிறிது நேரத்தில் இந்த சப்தம் கேட்டது காணொளியை சொடுக்குக...

காணொளி

Chivas Regal சிவசம்போ-

அப்புறம் என்னாச்சு ?

சாம்பசிவம்-

கேம்ஸ் ஓவர்.

சிவாதாமஸ்அலி-

அப்ப, Mr. சிவபெருமான் சொன்னது சரிதான்.

நண்பர்களே... நண்பிகளே... இந்தப்பதிவை நகைச்சுவையாக எழுத முயற்சித்தேன் நகைச்சுவையா... இல்லையா ? என்பதை தாங்கள்தான் எழுத வேண்டும் மேலும் பல வகையான விடயங்களை புகுத்தியுள்ளேன் ஆன்மீகம், குறுக்கு சிந்தனை, நேர்மையின்மை, லஞ்சம், தவறான தீர்மானம், கொலை முயற்சி ஆகவே இதனைப்பற்றிய விரிவான தங்களின் கருத்துரையை காண ஆவலுடன் இருக்கிறேன் – கில்லர்ஜி.