ஏர்வாடி, ஏட்டிக்கிபோட்டி ஏகாம்பரம்

வணக்கம் ஸார்.

வணக்கோம்.

ஸார், நான் ஒரு LIC ஏஜண்ட்

அதுக்கு என்னாங்கிறே ?

ஸார் ஒரு பாலிஸி போட்டீங்கள்னா நல்லது.

யாருக்கு  நல்லது எனக்கா ? ஒனக்கா ?

உங்களுக்குதான் ஸார்.

எப்புடி ? 

ஸார் ஒரு ஐம்பதாயிரத்துக்கு பாலிஸி போட்டா மாசம் 650.00 ரூபாய் கட்டினாப்போதும் 15 வருஷத்துக்குள்ள முடிச்சுக்கிரலாம், இடையில உங்களுக்கு ஏதாவது..... அப்படி... இப்படினா, மொத்த பணமும் உடனே கிடைச்சுரும் ஸார்.

அப்படி இப்படினா ?

அதாவது... ஸார்.. உங்களுக்கு ஏதாவது ஆகிஸிடெண்ட் அப்படி ஏதாவது ஆயிட்டா... பணம் கிடைச்சுரும்.

ஆக்செண்டு ஆனா பணம் கெடைக்குமா ?

அப்படியில்லே அதாவது இறந்துட்டா... கிடைக்கும் ஸார்.

யாருக்கு ஒனக்கா ?

இல்லை ஸார் உங்க மனைவிக்கு கிடைக்கும்.

நான் செத்துபோனா அந்த மூதேவிக்கு பணம் கெடைக்கும் அப்படிங்கிறே...

அப்படி சொல்ல வரலை ஸார்.

வேறெப்புடி ? சரி எனக்கு முன்னாலே அவ செத்துட்டானா பணத்தை யாருட்ட கொடுப்பே ?

உங்க வாரிசுதாரர் சொல்லி இருப்பீங்கள்ல உங்க மகனுக்கு கிடைக்கும் ஸார். 

யாரு இந்தா திரியுதே... ஒருதறுதலே அதுக்கா ?

என்ன  ஸார், மகனைப்போயி இப்படி எல்லாம்...

இது, இப்பவே குத்திப்புடுவேன், வெட்டிப்புடுவேனுங்குது, அவ என்னடான்னா ஏதாவது கேட்டா, சோத்துல வெசத்தை வச்சு கொன்னுபுடுவேன் அப்படீங்கிறா இந்தக் கழுதைகளுக்கு நான்யேன் LIC போடணும் ?

என்ன ஸார் குடும்ப விசயத்தைப்போயி.. எங்கிட்டே... இல்லைன்னா பிக்ஸட் டெபாஸிட் செய்ங்க ஸார், அதா..

அப்ப சாகமாட்டேனா ?

ஸார் இப்படி அபசகுணமா பேசுறீங்க ?

யாரு நானு... ஏர்வாடியிலேருந்து... இதம்பாடல்... வழியா சிக்கல் வரைக்கும் தெனம் நடந்துபோயி யாவாரம் செஞ்டுட்டு வந்து இப்படி குத்துக்கல் மாதிரி இருக்கேன், என்னப்பாத்து ஆக்செண்டுல போயிடுவே, அப்பிடிப் போயிடுவே, இப்பிடிப் போயிடுவேங்கிறே, ஏண்டா டேய்.... எத்தனே பேருடா கெளம்பியிருக்கீங்க இப்பிடி, இனிமே, இந்த தர்ஹா பக்கம் ஒன்னேப் பாத்தேன், ங்கொய்யாலே உள்ளே தள்ளிகிட்டு போயி கட்டிப் போட்ருவேன், ஓட்றா.....