Dr. K 7

இந்தப்பதிவுக்கு முதன் முதலாக வருபவர்கள் இதன் தொடர்பான கீழ்காணும் பதிவுகளை படித்த பிறகு தொடர்ந்தால் பதிவின் காரணங்கள் விளங்கும் இதில் கொக்கி போட்டு தொடர் பதிவாக்கிய அன்பின் ஜி குவைத் மன்னர் திரு. துரை செல்வராஜூ அவர்களுக்கு நன்றி.

01. Mineral Water 02. Dr.6 முகம் 03. சங்ககிரி, சகுனி சடையாண்டி 04. தங்க முட்டை 05. Killing Hospital 06. கிலி கிளி கிழி

 கதவு திறக்கப்பட்டதும் மூவரும் எழுந்து நின்றார்கள் சடையாண்டி சுற்றும் முற்றும் பார்த்தான் காரணம் இயற்கை சீற்றத்தின் முதல் இலக்கம் தமிழில் போ... போ... என்றும் ஆங்கிலத்தில் GO...  GO...  என்றும் சொன்னது எங்கு போவது ? அறையில் தண்ணீர் பானையைத் தவிற வேறொன்றும் இல்லையே.... உள்ளே அதே 6 பேரும் நுழைய...

இதுல யாருக்குடா வயித்துவலி... ? 

யாருக்கும் இல்லைங்க...

பின்னே எதுக்கு டாக்டர் ?

தெரியாமல் வந்துட்டோங்க.. இனிமேல் வரமாட்டோம்..

இங்கேயிருந்து.. உயிரோட போனாத்தானே... இனிமேல் வர...

ஹா...ஹா...ஹ்...ஹா...ஹா

ஆறு பேரும் ரிக்ஷாக்காரன் எஸ்.ஏ.அசோகனைப் போல் சிரிக்க... சடைக்கு வாட்டர் டாங்க் உடைந்து விட்டது....

திடீரென கீழே மங்களகரமான நிறத்தில் ஓட கூடவே கூவத்தின் மணம்...

டேய்.... என்னடா.. இவன் ச்சீ எந்திரிடா.. எருமை மாடு அறிவு இல்லை.

சடைக்கு பிடரியில் ஆடித் தள்ளுபடியில் ஒன்று கிடைத்தது..

டேய் கங்கு அந்தப்பானைத் தண்ணியை ஊத்தி விடுடா... கட்டருல ஓடட்டும் செவளை வெளியில சாக்கு கிடந்தால் எடுத்தாந்து போடு சீக்கிரம் இப்போ டாக்டர் வந்துடுவாரு.... சீக்கிரம், சீக்கிரம்...

செவளை சாக்கு எடுத்து வந்து தரையை காலால் துடைக்கும்போதே... சடையைப் பார்த்து.... இடது காலை கிழமேற்கு திசையில் தொண்ணூறு டிகிரியில் உயர்த்தி காண்பித்து... அப்படியே... விட்டேன்... ங்கொய்யாலே...

மற்ற இருவருக்கும் சர்வமும் அடங்கி விட்டது சில நொடிகளில் செல்பேசியில் அழைப்பு....

ஹலோ டாக்டர் K 7னை வரச்சொல்லுங்க.. ஓகே.

ஐந்து நிமிடம்... வெளியிலிருந்து சப்தம் கேட்டது... டக்..டக்...டக்.

டாக்டர் K 7 வந்தார் கூடவே 2 பேர் ஒருவன் கையில் கிட்டார் மாதிரி லெதர் பேக்.

வாங்க டாக்டர் இதோ சட்டை இல்லாமல் நிற்கிறானே.. இவன்தான் சடையாண்டி.

டாக்டர் அப்-ட்டூ-டௌண் சடையைப் பார்த்தவர் மூக்கைச் சுளித்தார்..

டாக்டர்.... இவன்.... வந்து...

டாக்டர் கையை காண்பித்தார் இவருக்கு தெரியாத வாசங்களா ? டாக்டர் திரும்பி பார்க்க இருவரில் ஒருவன் செல்லை எடுத்து யாரிடமோ மெதுவாக பேசினான்.... டாக்டர் K 7 மூவருக்கும் மையமாக நின்று கேட்டார்...

எதுக்காக டாக்டர் 7 மலையைப் பார்த்தீங்க ?

மூன்று பேரும் கோரஷாக சொன்னார்கள்.

மன்னிச்சுக்கங்க.. ஸார்.... இனிமேல் சத்தியமா வரமாட்டோம்...

நான் யாருனு தெரியுமா ?

டாக்டருங்க...

பேர் தெரியுமா ?

கே...கே...கே...கே... விக்கினான் மொக்கைராசு

டாக்டர் K 7 ன்டா.. முண்டம்...

சொன்ன வேகத்தில் காலைத்தூக்கி ஒரு மிதி கொடுத்தார் அம்மா அலறி கீழே விழுந்தவனை சட்டென தூக்கி நிறுத்தினர்... சடையிடம் திரும்பியவர்..

எனக்கு இன்னொரு பெயர் இருக்கு தெரியுமாடா ?

தெ...தெ...தெ..ரியாது..

டாக்டர் AK 47 ன்டா..

சொன்ன நொடியில் எங்கிருந்துதான் வந்ததோ... சடையாண்டியின் வாயில் விட்டு கடைந்தார்...

அவ்வ்வ்... அவ்வ்வ்.. சடையால் கத்தக்கூட முடியவில்லை மிஷின் கன்னின் முனை தொண்டைக் குழியில் முட்டி அழுத்த வலி உயிர் போனது கண்களில் மரணபயம் எந்த நொடியில் அழுத்துவானோ..... ஷ்ஷ்ஷ்ஷ்ஷ்ஷ்ஷ் சப்தம் கேட்டு திரும்பினார் ஒருவன் ஃபெர்ப்யூம் அடித்துக் கொண்டு இருக்க.. மந்தக்கட்டியின் முன் வர அவன் டாக்டரின் காலில் விழுவான் என்று தெரியுமோ... என்னவோ உடன் 2 பேர் தூக்கி நிறுத்தினர்

சாமி விட்டுருங்கய்யா..

AK 47 னை தூக்கி அவனது நெஞ்சுக்கு நேரே வைத்து குறி பார்க்க...

ஐயாயாயாயாயா......ஆ......ஆ.....ஆ....

திடீரென்று குபீரென கூவத்தை திறந்தது போல..

(ஹூம் ஹப்பா எழுதும் பொழுது எனக்கு பொறுக்க முடியாமல் வாந்தி வந்துருச்சு பின்னே Dr. K 7 எப்படி...)

டாக்டர் தனது வாழ்நாளில் முதன் முறையாக... இப்படியொரு... மிஷின் கன்னை கீழே போட்டு விட்டு வெளியே ஹாலுக்கு ஓடி வந்து கத்தினார்..

ஹூம் என்னாங்டா... அது...

கூட வந்த இரண்டு பேரும் கூடவே வெளியே வந்து விட்டனர் ஒருவன் AK 47 னை எடுத்து வந்திருந்தான்..

ஆறு பேரும் மூக்கைப் பிடித்துக்கொண்டு வெளியே வந்து விட

டாக்டர்... உள்ளே.. ஒருத்தன்...

டாக்டர் கை விரலால் பேசி விட்டு வெளியேற கூடவே மற்ற இருவரும்..

டேய் பாண்டி கதவைச்சாத்துடா... பண்டி நாத்தம் நாறுது... என்னத்தடா திண்ணாங்கே...

பிரியாணிதான்.. தல..

அது இப்பத்தானடா.. சாப்புட்டாங்கே.... இது போனவார சரக்கு.... ச்சே..

இப்ப என்ன செய்யிறது தல ? 

இருங்கடா.. ½ மணி நேரம் போகட்டும்.

உள்ளே மரணபயத்தின் காரணமாய் சடையாண்டிக்கும், மந்தக்கட்டிக்கும் நிகழ்ந்த கொடுமையை LIVEவாக கண்ட மொக்கைராசுக்கு இயற்கையின் சீற்றத்தின் காரணமாக இரண்டாம் இலக்கம் வெளியேறியதில் தன்நிலை மறந்து கிட்டத்தட்ட கோமா நிலையில் கிடக்க.. கொஞ்சம் நினைவுகளுடன் இருந்த சடையும், மந்தக்கட்டியும் இரு’’கைகளாலும் மூக்கை NO.. NO. மூஞ்சியை அடைத்துப் பிடித்துக்கொண்டு மூச்சுப்போக வழியில்லாமல் திணறிக்கொண்டு இருந்தார்கள் உள்ளே ஜன்னல்கூட கிடையாது இருந்த ஜன்னல் என்னவோ சடையாண்டி டவுசரில் பின்புறம் மட்டுமே அதுவும் இப்பொழுது தரையில் சிதறலாக.....

வெளியே ஆறு பேரும் ஹாலை விட்டு வெளியே திறந்த வெளியில் நின்று காற்று வாங்கிக் கொண்டு இருந்தார்கள் மூலையோரமாய், சோமனும், ராமனும் விழுந்து விழுந்து சிரித்துக் கொண்டு நின்றார்கள்..

தொடரும்...