குஞ்சிதாவும், குத்தியானந்தாவும்

முன்குறிப்பு - இது கவிதை அல்ல ! பாடல்.

‘’வெள்ளை மனம் உள்ள மச்சான்

விழியோரம் ஈரம் என்ன‘’

என்ற சின்னவீடு (1985) பாடலின் மெட்டில் பாடவும் இளையராஜாவின் இசையில் மறைந்த மலேசியா வாசுதேவனும், சுனந்தாவும் பாடிய பாடல் இப்பாடலாசிரியர் கவிஞர் திரு. வாலி - கில்லர்ஜி

குஞ்சிதா

நித்திரையை களைத்தாய் நித்தமுமே

சித்திரையில் கொடுத்தாய் முத்தமுமே

எத்திசையும் வளைத்தாய் சொத்தையுமே

என்னையும் கெடுத்தாய் மொத்தமுமே

குத்தியானந்தா

வீழ்ந்தாய் எனது நயவஞ்சனையில்

வாழ்ந்தாய் என்னுடன் நெஞ்சணையில்

வாழ்ந்தோம் இருவரும் பஞ்சணையில்

வீழ்ந்தோம் வீணர்களின் வீண் பழியில்

குஞ்சிதா

அன்றே சொன்னேன் கேட்கவில்லை

தட்டிக்கழித்தாய் நீ என் சொல்லை

தாலி கட்டியிருந்தால் நீ நல்லபிள்ளை

வேலி இல்லாமல் எனக்கும் தொல்லை

குத்தியானந்தா

ஒன்றா இரண்டா நான் தாலிகட்ட

எத்தனை என நான் கணக்கு காட்ட

எவனும் வருவான் உனக்கு பணத்தை நீட்ட

எவர் வருவாரோ இன்று என்னை மீட்ட

குஞ்சிதா

மஞ்சத்தில் பேசிய பேச்சு எங்கே

மறந்து விட்டாயா இன்று இங்கே

நடந்தது என்ன அன்று அங்கே

சொல்ல வேண்டியது எனது பங்கே

குத்தியானந்தா

சொல்லி விடாதே சொக்கத் தங்கமே

சொன்னால் வரும் உனக்கும் பங்கமே

நமக்கு ஆளுண்டு உலகில் எங்குமே

நாம் இணைந்தால் வசந்தம் பொங்குமே

குஞ்சிதா

நம்புகின்றேன் உன்னை நம்பி ராஜாவே

தேம்புகின்றேன் தெனம் தேசிங்கு ராஜாவே

விரைவாக வந்து விடுவாய் வசந்த ராஜாவே

இன்றும் பறந்து வா என்றார் பாரதிராஜாவே

குத்தியானந்தா

போய் விடாதே அங்கு பொக்கிஷமே

போனால் குடிப்பேன் நான் விஷமே

ஸ்விஸ் அக்கவுண்ட்டும் உன்வசமே

என்னிடம் இருப்பதோ அங்குசமே.

சிவாதாமஸ்அலி-

ஸ்விஸ் பணம் திசைமாறிப் போய் விடாமல் மீண்டும் திரும்பி வந்து அனாதைக் குழந்தைகளை பராமரிக்கும் செலவுக்காவது பயன்பட்டு இந்தப் பணத்தை அருளிய பாமரப்பய மக்களுக்கு நல்ல புத்தியை கொடுக்க வேண்டுமென எல்லாம் வல்ல திருவண்ணாமலையாரை வேண்டுகிறேன்.

காணொளி

சகலையை உள்ளே வைத்த காலகட்டத்தில் எழுதினேன் வெளியிட தாமதமாகி விட்டது - கில்லர்ஜி