வியாழன் முதல் நானும் ரௌடிதான்...

I.A.S அலுவலர்கள் என்று சொல்கிறார்களே அவர்கள் எல்லாம் கஷ்டப்பட்டு ஓராண்டுக்கு மேல் படித்து இந்திய அரசு நடத்தும் இரண்டு நிலை தேர்வுகளை எழுதி வெற்றி பெற்று பின்னர் நேர்முகத் தேர்விலும் வெற்றி பெற்று தேர்ந்தெடுக்கப்படுகிறார்கள் அதையும் இந்தியாவின் எங்கோவொரு மூலையில்தான் கலெக்டர் வேலை செய்ய வேண்டுமாம் தனது மாவட்டத்தில் கலெக்டர் வேலை செய்ய வேண்டுமென்றால் அதற்கும் சிறப்பு பரிட்சைகள் இருக்கின்றதாம் திரைப்படங்களிலும், தொல்லைக்காட்சி தொடர்களிலும் வேண்டுமானால் அரவிந்த்சாமி, ரம்யா கிருஷ்ணன் போன்றவர்கள் தங்களது தனிப்பட்ட செல்வாக்கை வைத்து சொந்த மாவட்டதிலேயே கலெக்டராக வருவார்கள் என்பது வேறு விடயம் சராசரி மனிதர்கள் இப்படி எல்லாம் குட்டிக்கரணம் அடித்துக் காண்பித்து வேலையில் சேர்கின்றார்களே எதற்காக ? சம்பளத்துக்காகத்தானே... எல்லா வேலைக்களுக்குமே சம்பளம் என்பது கண்டிப்பாக உண்டு இந்த வேலையில் ஒரு பெருமை இருப்பதாக சொல்கின்றார்கள் இதை மறுப்பதற்கு இல்லை இவர்களுக்கு அப்படியென்ன ? பிரமிப்பான சம்பளம் கொடுத்து விடுவார்கள் ? எனக்கு சம்பளத்தின் புள்ளி விபரம் தெரியாது இருப்பினும் இவர்களின் வாழ்வாதார முன்னேற்றத்தை வைத்து இவ்வளவுதான் இருக்க வேண்டும் என்று ஓரளவு கணித்து விடலாம்.

காரணம் நம்முடன் இணைந்தே வாழும் மருத்துவர்கள், நீதிபதிகள், வழக்கறிஞர்கள், ஐ.பி.எஸ் போன்ற பல உயரிய அதிகாரிகள் இவர்களின் வாழ்வாதாரம் போலவேதான் இந்த கலெக்டர்களுக்கும் இருக்கின்றது பெரிய அளவில் வித்தியாசம் தெரியவில்லை உண்மைதானே நண்பர்களே... இப்பொழுது பதிவின் விடயத்துக்கு வருவோம்.

அதாவது இவ்வளவு படிப்பவர் இந்தியாவை ஆள்வதற்கு அல்ல ! இந்தியாவில் இருக்கும் மாநிலத்தை ஆள்வதற்கு அல்ல ! ஒரு மாநிலத்துக்குள் இருக்கும் சுமார் 25 முதல் 30 வரையிலான மாவட்டம் இருக்கின்றது அல்லவா ! இதிலொன்றை ஆள்வதற்கு மட்டுமே இவர் ஆட்சியாளர் என்று அழைக்கப்படுகிறார் அதே நேரம் இந்த பரந்து விரிந்த இந்தியாவையோ, மாநிலத்தையோ ஆள்வதற்கு படிப்பறிவு தேவையில்லையாம் இதில் இவர்கள் முன்னொரு காலத்தில் ரௌடிகளாக இருந்தாலும் தப்பில்லையாம் இப்படி எல்லாம் சட்டத்தை வகுத்தது யார் ? நமக்கு முன்னாள் சட்டத்தை வகுத்தவர்கள் மிகப் பெரியவர்கள் என்பதால் தவறுகளை இல்லை என்று சொல்ல முடியுமா ? ஒரு காலத்தில் மடாதிபதியாக இருந்தவர் என்பதற்காக இன்று கொலைகாரன் இல்லை என்று சொல்ல முடியுமா ? 

கொலை செய்தவன் கொலையாளிதான் வேண்டுமானால் ஆங்கிலத்தில் KILLER என்றும் சொல்லலாம் காலம் கூடும் பொழுது எல்லோருமே பெரியவர்களே... இன்றைய நிலவரப்படி நானும் கூடத்தான் உலகம் தெரியாமல் குழந்தை மாதிரி இருக்கேன் இன்னும் 50 வருடம் கழிந்தால் (?) நானும் பெரியவர்தானே சரி அது கிடக்கட்டும் ஒரு மாவட்டத்தை ஆள்வதற்க்கே இவ்வளவு படிப்பு அவசியம் என்றால் ? இந்தியாவை ஆள்வதற்கு இதைவிட எத்தனை மடங்கு அதிகம் படிக்க வேண்டும் இதைவிடக்கூத்து என்ன தெரியுமா ? அஇந்தப் படிக்காத கூமுட்டைகள் ஓட்டுப் பொறுக்க வரும் பொழுது இவ்வளவு படித்தவர் அவுங்களுக்கு சல்யூட் வைக்க வேண்டுமாம். 

என்ன கொடுமை சரவணன் ? 

முன் ஜாமீன் வாங்கி வைத்துக்கொள்ள நமது நாட்டில் சட்டம் இருக்கின்றது அதிகம் எல்லாம் நாம் சிந்திக்க வேண்டாம் சிறிதாக சிந்திப்போமே முன்ஜாமீன் வாங்கும் பொழுதே அவன் தவறு செய்ய ஆயத்தமாகின்றான் என்றுதானே பொருள் அப்பவே அவனை லாக்கப்புல தூக்கிப்போட்டு நம்ம நண்பர் திரு. கும்மாச்சியை விட்டு நாலு கும்மு கும்முனா.... என்னங்கையா... இது ? இடுப்புல கிள்ளுனேன் காதுல ஊழை வடியுதுனு சொல்ற மாதிரி இதையெல்லாம் பார்க்கும் பொழுது எனக்கு படிச்சவன் பாட்டைக் கெடுத்தான், எழுதுனவன் ஏட்டைக் கெடுத்தான் என்று சொல்வார்களே அது மாதிரிதான் இருக்கு.

நட்பூக்களே... இந்தப்பதிவின் மகத்துவமே இனிதான் சொல்லப் போகிறேன் நான் I.A.S படிக்காததின் காரணம் உங்களுக்கு தெரியுமா ? எதற்காக இவ்வளவு செலவு செய்து படிக்கணும் நாங்க நினைச்சிருந்தா... இந்நேரம் தேவகோட்டையை மாவட்டமாக்கி கலட்டி இருப்போம் சாரி... கலெக்டராகி இருப்போம் நாங்க ப்ளான் போட்டுத்தான் படிப்பை நிறுத்துனோம் வர்ற வியாழக்கிழமை சாயங்காலம் 3.40 முதல் நானும் ரௌடியாகப் போறேன் நாங்களும் சின்ன வயசுல டீக்டையில் இரண்டு நாள் வேலை செய்திருக்கோம் தெரியும்ல.

சிவாதாமஸ்அலி-

வில்லங்கத்தார் கடவுளை காணவில்லை பதிவு போட்டதிலிருந்து இவரும் ஒரு மார்க்கமாகத்தான் எழுதுறாரு... இவரைச் சொல்லி குற்றமில்லை உசுப்பேற்றி விட்டு தலைப்பா கட்டிய அந்த ஆளுகளைச் சொல்லணும்.

சாம்பசிவம்-

வியாழக்கிழமை முதல் வியாழ நோக்கம் வருதுனு சோலந்தூர் சோஸியர் சோனைமுத்து சொல்லி இருப்பாரோ ?

Chivas Regal சிவசம்போ-

அவரு பேச்சைக் கேட்டால் ? 16-ம் பெற்று தெருவில் விற்றுல’ போகணும்.