ஒரு டைரியின் கதி

நான் U.A.E க்கு 1996 ஜனவரியில் வந்து ஆறு மாதத்திலேயே மலையாளம் எழுத பழகிக்கொண்டு டிசம்பர் மாதம் முதலே டைரியிலும் எழுதத் தொடங்கி விட்டேன் பிறகு 2000 த்திற்கு பிறகு அரபு மொழியிலும் எழுதத் தொடங்கினேன் ஒவ்வொரு முறையும் விடுமுறைக்கு இந்தியா வரும் பொழுது முடிந்த டைரியை வீட்டில் வைத்து விட்டு வந்து விடுவேன் வேற்று மொழி என்பதால் பெட்டியை பூட்டாமல் விட்டு விட்டேன் நமது வீட்டில் உள்ளவர்கள் சாதாரணமானவர்களா ? 

டைரியில் என்னதான் எழுதியிருக்கும்  ஒருவேளை அபுதாபியில் மளிகைக்கடை வைத்திருப்பானோ...  அல்லது மாளிகைகள் கட்டி இருப்பானோ ? இல்லையே அங்கு வெளிநாட்டினர் இடமோ, வீடுகளோ வாங்க முடியாதே... வேறேதும் அந்த மாதிரி, இந்த மாதிரி இருக்குமோ...  என்ற சந்தேகத்தில் இங்கு இருக்கும் ‘’மனசு’’ சே.குமார் போன்ற தேவகோட்டையர்களிடம் நமது ‘’தூ’’ புகழ் வி........தை வைத்து புலன் விசாரணை நடத்தி இருக்கின்றார்கள் நாம் யாருக்கும் துரோகம் செய்திடாத காரணத்தால் உள்ளதை உள்ளபடி சொல்லும் மாயக்கண்ணாடி போல் சொல்லி இருக்கின்றார்கள் நமது தி கிரேட் தேவகோட்டையர்கள்.

ஒருவேளை கதைகள் எழுதி இருக்குமோ ? அப்படியானாலும் வழக்கம்போல் சாதாரண நோட்டில் எழுதி சாக்கு மூடையில்தானே கட்டி வைப்பான் டைரியில் தேதி வாரியாக எதற்கு ? ஒரு வழியாக கோவையில் மலையாளி ஒருவரை பிடித்து கேட்க, அவரும் அனைத்தையும் படித்து இருக்கிறார் சரி இதற்கெல்லாம் அர்த்தம் என்ன ?

(அங்குதானே நிற்கிறாரு... சிவலிங்கம்)

தென்னந்தோப்புக்காரனுக்கு

ஒன்றும் புரியவில்லை மண்டை காய்ந்து விட்டது போல எனக்கு பைத்தியம் பிடித்து விடும்போல இருக்கு என்னை விடுங்க என்று ஓடியிருக்கின்றான், சரி அரபு மொழியைப்பற்றி கேட்போமென்று ஆலீம் மூஸாவிடம் போக அவரும் பார்த்து விட்டு வேண்டாம் இதற்குமேல் இதைப்படித்தால் நான் ஏர்வாடி போகவேண்டியது வரும் ஆகவே எடுத்துக்கிட்டு போயிடுங்க இல்லை நான் ஒருதடவை முடிவு பண்ணினால் மறுதடவை என்ன செய்வேன்னு... எனக்கே தெரியாது அவ்வளவுதான் மிரண்டு விட்டார்கள் இதற்குமேல் இதை எடுத்துக்கொண்டு போனால் ? நம்மைக் கல்லால் எரிந்து விடுவார்கள் என்று டைரியை எடுத்த இடத்திலேயே வைத்து விட்டார்கள் இதெல்லாம் பின்நாளில் எனக்கு வேண்டப்பட்டவர்கள் மூலம் தெரிந்தது.

சரி அப்படி என்னதான் எழுதி இருந்தது ? என்பதுதானே உங்களது கேள்வி மலையாளி, மலையாள வார்த்தையையும், வேண்டுமானால் ஆங்கில வார்த்தைகளையும், ஏன் ? ஹிந்தி வார்த்தைகளையும்கூட படித்து இருக்கலாம், ஆலீம்மூஸா தமிழ் வார்த்தைகளையும், ஆங்கில வார்த்தைகளையும், ஏன் ? அரபு வார்த்தைகளையும்கூட படித்து புரிந்து இருக்கலாம் பாக்கி ? ஆம் பாக்கியை யார் படிப்பது ? பாக்கியராஜ்’’ஆ ?

ஆம் நண்பர்களே... நான்கு வரிகளில் எழுதிய வாக்கியத்தை ஒன்பது மொழிகளில் கலந்து எழுதி இருப்பேன் அதாவது எனக்கு மட்டுமே புரியும் இதில் சரியான இலக்கணம் உள்ளதா ? என்பதைப்பற்றி எனக்கு கவலையில்லை ஆம் எனக்கு மட்டும் சொந்தம் அந்த டைரி தரும் இன்பம் எனது டைரிதானே நான் எப்படி வேண்டுமானாலும் எழுதுவேன் எனது இஷ்டம் அதை மற்றவர்கள் படிப்பது எதற்கு ? நான் டைரியை எப்படி எழுதினேன் என்பதை கீழே சிறிய உதாரணம் மட்டுமே தந்து இருக்கிறேன் மலையாளத்திலும், அரபியிலும் பிறகு அதையே நம் தமிழிலும் இதோ...

 എണ്ണവളേ... അത നേനു മേരാ ബൂക്കായ് ആത്യമായിട്ടു ഇന്തേ ശൂഷാനു പീ ഹേപ്പി.

என்னவளே... அத நேனு மேரா பூக்காய், ஆத்யமாயிட்டு இந்தே சூஷானு பீ ஹேப்பி.

 إنتي منكارتي مرننال فيكاش أج لكات ممى اوبواسم موجود

என்டே மனக்கார்த்தி மரணநாள், பிஃகாஸ் ஆஜ் லகாத் மம உபவாசம் மவ்ஜூத்.

சாம்பசிவம்-

இப்படி எழுதுனா... படிக்கிற ஆளுக்கு நட்டு கழண்டு போகத்தான் செய்யும்.

Chivas Regal சிவசம்போ-

ச்சே’’ ஏத்துன, குவாட்டரு இறங்கிடு’’ச்சே’’