பழநி, பழக்கடை பழனி

இடம் : பழநி பஸ் ஸ்டாண்ட் இரவு 02. 36 போலீஸ்காரர் ஒருவனை அழைக்கிறார்

டேய் இங்கே வா உன் பேரென்னடா ?

பழனிங்க..

எந்த ஊருடா ?

பழநி ஸார்.

ஆங் ?

பழநி இதே ஊருதாங்க...

ஒங்கப்பா பேரு ?

பழனியப்பன் ஸார்

….? அம்மா பேரு ?

பழனியம்மாள்.

உன் வீடு எங்கேயிருக்கு ?

பழனியாண்டி காலனியிலே ஸார்.

எங்க வேலை பார்க்கிறே ?

பழக்கடையிலே…

எந்தக்கடை ?

பழமுதிர்ச்சோலை அடிவாரத்துல இருக்குதுங்க.

எங்கே போயிட்டு வர்றே இந்த நேரத்துல ?

சினிமாவுக்கு ஸார்.

என்ன சினிமா ?

பழனி ஸார்.

என்ன ?

பழனி ஸார் சிவாஜி கணேசன் நடிச்சது பழசு

எந்த தியேட்டருலே ?

பழனியாண்டவர் தியேட்டருல ஸார்

எங்கே டிக்கெட்டக் கொடு

இந்தாங்க ஸார்.

என்னடா நக்கலா சினிமா டிக்கெட்டுன்னு பழனி முருகன் டிரான்ஸ்போர்ட் பஸ் டிக்கெட்ட குடுக்குறே ?

அய்யோ மன்னிச்சுடுங்க ஸார் அது நேத்து சரக்கெடுக்க பழங்குடி போன டிக்கெட்டு இந்தாங்க சினிமா டிக்கெட்டு.

ஒன்னப்பாத்தா…. சந்தேகமா இருக்கே ?

அப்படி எல்லாம் இல்ல ஸார் இந்த ஏரியா இன்ஸ்பெக்டர் அய்யா பழனிவேல் ராஜன் கூட நமக்கு நல்ல பழக்கமுங்க…..

அடி பழய செருப்பால… இதுக்குமேல ஒரு வார்த்தை பேசினே தக்காளி பழத்தை நசுக்குற மாதிரி நசுக்கிடுவேன் ஓட்ரா…. ராஸ்கல்ஸ்..

(தனக்குள்) சே... என்ன இவ்வளவு பழசா இருக்கான் நல்லவேளை அவன் பொண்டாட்டி புள்ள பேரைக்கேக்கலே...

இனிமேல் இங்கிருந்தால் சரியா வராது என ஸ்டேஷனுக்கு நடையைக் கட்டினார் சப்-இன்ஸ்பெக்டர் பழனிக்குமார்.

குறிப்பு - இந்த விசயங்கள் எல்லாம் என் மனதில் உதித்தது இன்றல்ல... நேற்றல்ல பழ Sorry பல ஆண்டுகளாக ஏன்... சில மாமாங்கம் என்றும் சொல்லலாம்.

பின்குறிப்பு - நடிகர் வடிவேலுவை வைத்து எடுக்க வேண்டிய எத்தனையோ விசயங்கள் என் மனதில் பதிந்து கிடக்கின்றது என் வாழ்க்கை சூல்நிலை மாறி விட்டதால் இந்த தாமதம் இன்னும் தொடர்கின்றது... அதற்குள் அவரது தலையில் மண்ணை அள்ளிப் போட்டுக்கொண்டார் இப்பொழுதுகூட இதை பதிய வைக்க காரணம் என்னுள் எழுந்தவை நான் மண்ணுள் போவதற்கு முன் இந்த விண்னில் விதைத்திட விரும்புகின்றேன்.

நான் கண்ட இன்பம் இந்த வலையுகமும் பெற வேண்டும் - கில்லர்ஜி