சோழவந்தான், மாப்பிள்ளை ஆளவந்தான்

செல்ஃபி மாப்ளே... என்னய்யா சோகமா இருக்கே ?

ஆமா மச்சான் மனசுல நினைக்கிறது எதுவுமே நடக்க மாட்டுது.

அப்படி என்னத்தை நினைச்சே ?

இந்த நாட்டுல நிறையப் பெரிய மனுசங்களோட செல்ஃபி எடுத்துட்டேன் இனிமேல் வெளிநாட்டு மனிதர்களோடு செல்ஃபி எடுத்து அந்த புகைப்படத்தை வச்சு கண்காட்சி நடத்தி கின்னஸ் ரெக்கார்டு செய்யலாம்னு திட்டம் போட்டேன் பாஸ்போர்ட் சீக்கிரம் வராது போலயே...

அப்ப நீ உன்னோட வேலையை செய்யணும் எண்ணமே கிடையாது ?

நான் எதுக்கு வேலை செய்யணும் ? எங்க அப்பா சம்பாரிச்சு வச்சுட்டாருல... அதை செலவு செய்யவே நேரம் இல்லை.

உன்னைச் சொல்லி குற்றமில்லை சம்பாரிச்சு உன் கையில பணத்தை கொடுத்தாருல உங்க அப்பா(வி) அவருக்கு இதுவும் வேணும் இன்னமும் வேணும்.

லைஃப்ல என்ஜாய்மெண்ட் வேணும் மச்சான்.

ஏண்டா.... செல்ஃபி எடுத்துக்கிட்டே திரியிறது ஒரு பொழைப்பா ?

நாம வாழ்ந்ததுல ஒரு சாதனை இருக்கணும் மற்றவங்க யாரும் செய்யாததை நாம செய்து காட்டணும்.

இப்படியே செலவு செய்துகிட்டே திரிஞ்சே இன்னும் அஞ்சு வருஷத்துல உங்க அப்பாவை கடன்காரன் ஆக்கிடுவே அதான் நடக்கப் போகுது பாரு.

அதனால எனக்கென்ன ? நான் நினைத்ததை நடத்தணும் இதுதான் எனது கொள்கை.

சரி வெளிநாட்டுல யாரை போயி பார்த்து செல்ஃபி எடுக்க ஆசை ?

அமெரிக்காவுல பராக் ஒபாமா,

ஆஸ்திரேலியாவுல மெக்கலம் டுர்ன்போல்,

இங்கிலாந்துல டேவிட் காமரூன்,

ஈராக்ல ஹைதர் அல் அபாதி,

உகாண்டாவுல ருஹகனா ருகுன்தா,

எஜிப்த்ல ஷெரீப் இஸ்மாயில்,

ஐஸ்லாந்த்ல கயர் ஹார்டெ,

ஓமான்ல சையித் அல் சையித்,

டேய், நிறுத்துடா... நிறுத்துடா 247 நாட்டுக்கு போகணும் சொல்லுவே போல...

இவங்க எல்லோரையும் சந்தித்து செல்ஃபி எடுக்கணும் மச்சான்.

சரிதான் சுருக்கமா சொல்லணும்னா.... மோடியை ஓவர்டேக் பண்ணப்போறே... எனக்கு ஒரு பழமொழி ஞாபகம் வருது மாப்ளே....

என்ன பழமொழி மச்சான் ?

ஊரான் விட்டே நெய்யே எம் பொண்டாட்டி கையேன்னானாம் எப்படியோ.. மோசடி செஞ்சு நல்லா வாழ்ந்து நாசமாப் போங்கடா.

சொல்லி விட்டு துண்டை உதறி தோளில் போட்டுக் கொண்டு போனார் ஆளவந்தானின் மச்சுவாடி, மச்சான் மச்சக்காளை.

உலகமெல்லாம் சுற்றி செல்பி எடுத்தாலும் இப்படி எடுக்க முடியுமா ?

மோடிஜி இப்படி எடுக்க முடியுமா ?

 

Video