அது இது எது ?

என்ன டாக்டர் சொல்றீங்க ? இந்த வார்டுல இருக்கின்றவங்க எல்லோரும் சினிமாவால் மனநலம் பாதிக்கப்பட்டவங்களா ?

ஆமாங்க இதுல என்ன ஒற்றுமைன்னா.... இவங்க எல்லோருமே தயாரிப்பாளராக இருந்தவங்கதான்.

எப்படி ?

அதோ ஒரு மாதிரி இருக்காரே... அவருதான் சேது படம் எடுத்தவரு..

யாரையோ கட்டிப்பிடிப்பது போல பாவ்லா பண்ணுறாரே இவரு ?

இவரு மாது அப்படினு ஒரு படம் எடுத்து போண்டியானவரு.

இவரு காதை பொத்திக்கிட்டு இருக்காரே ஏன் ?

அவரு காது அப்படினு படம் எடுத்தாரு அது கையைக் கடிச்சுருச்சு அதோட மனவியாதி புடிச்சு காதைப் பொத்திக்கிட்டே இருக்காரு...

இவரு எதுக்கு ? பலூன் ஊதுறது மாதிரி இருக்காரு ?

இவரு ஊது அப்படினு படம் எடுத்தாரு படம் ஊத்திக்கிடுச்சு அதோட இவரே சங்கு ஊதுறது போலவே ஆயிட்டாரு..

இவருக்கு என்ன பிரச்சினை ?

இவரு மக்கள் பிரச்சினைகளை வைத்து பொது அப்படின்னு படம் எடுத்தாரு ஆளுங்கட்சிக்காரங்க பொது இடத்துல வச்சு நச்சதுல இப்படி ஆகிட்டாரு...

இவரு ஏன் பைப்புக்கு பக்கதுலயே நிற்கிறாரு ? 

குடியின் கொடுமையை விளக்கி மது அப்படினு படம் எடுத்தவரு படம் ஓடாமல் போனாதால் குடிகாரராகி இப்படி ஆகிட்டாரு...

இவரு அமைதியாக இருக்காரே...

இவருதான் சாது அப்படினு ஒரு படம் எடுத்தவரு...

அவரு மந்திரம் சொல்லுறது மாதிரி இருக்காரே.... ?

அவருதான் ஓது அப்படினு படமெடுத்தவரு.... இன்னும் அப்படி. இருக்காரு...

இவரு சதுரம் கட்டி நடக்கிறாரே... ?

இவருதான் கேது அப்படினு படமெடுத்தவரு...

இவரென்ன, அங்கேயும் இங்கேயும் கையைக் காட்டுறாரு ?

இவருதான் அது இது எது ? படம் எடுத்தவரு..

சரி டாக்டர் இவங்களை நல்லபடியாக சீக்கிரமே குணமாக்கி திரையுலகத்துக்கு நீங்கதான் மீண்டும் தாரை வார்க்கணும்.

முடியாதே...

ஏன் டாக்டர்.... ?

பொது மக்களின் நலம் காக்க நீங்க இவங்களை இப்படியே வச்சு பாதுகாக்கா விட்டால் உங்களை சுடுகாட்டுக்கு தாரை வார்த்துருவோம்னு தினம் மூணு மொட்டைக்கடிதம் வருதே... நான் என்ன செய்வது ? எனக்கும் ரெண்டு பொண்டாட்டிகளோட.... குடும்பம் இருக்குதுல.....

அப்படினா... இவங்க கதி ?

எல்லாம் பகவான்(ஜி) செயல்.