பசியின் கொடுமை

உலகில் 936 Million மக்கள் உணவின்றி தவிக்கின்றனர் தினம் 20864 நபர்கள் உணவு கிடைக்காமல் இறக்கின்றார்கள் இந்நிலைக்கு இன்னும் இந்தியா வரவில்லை என்பதில் பெருமையும், இறைவனுக்கு நன்றியும் சொல்வோம் பசி என்றால் என்னவென்பது பலருக்கும் தெரிவதில்லை காரணமென்ன ? அவர்கள் வளர்ந்த விதம் அப்படி உதாரணம் தமிழக முன்னாள் முதல்வர் திரு. மு. கருணாநிதி அவர்களுக்கு பசியைப்பற்றி தெரியும் அதேநேரம் அவரது பேரன் திரு. உதயநிதி ஸ்டாலினுக்கு தெரிந்திருக்க வாய்ப்பில்லை, திரைப்பட இயக்குனர் திரு. T. ராஜேந்தர் அவர்களுக்கு பசியின் கொடுமை தெரியும், அவரது மகன் சிலம்பரசனுக்கு தெரிந்திருக்க வாய்ப்பில்லை இந்நிலை நம்மில் பலரது குடும்பத்தினருக்கும் உண்டு

நமது குழந்தைகளை பசியின் அருமையை உணர்த்தி வளர்க்க வேண்டும் அப்பொழுதுதான் அவர்கள் பணத்தின் அருமையை, உழைப்பின் தன்மையை உணர்ந்து வளர்வதோடு பிறருக்கும் உதவும் மனப்பான்மையும் வளரும் அவர்களை நல்லவழியில் மட்டுமே பணத்தை செலவு செய்யவைக்கும் பெரும்பாலும் நம்மில் பலர் நமது பிள்ளை கஷ்டப்படக்கூடாது என்று நினைக்கின்றோம் அங்குதான் அவர்களது கேடுகாலம் தொடங்க ஆரம்பிக்கின்றது உதாரணம் ஒரு குறிப்பிட்ட டிகிரிவரை படிக்க வைக்கின்றோம் எப்படியோ பணத்தைக் கொடுத்து நமது திறமையால் ஒரு நல்ல வேலையை வாங்கி கொடுத்து விடுகிறோம் அவர்களது தொடக்க சம்பளமே 40,000/ ரூபாய் என்று வைத்துக் கொள்வோம் அவனுக்கு என்ன தெரியும் அவன் எப்படி ? சிக்கனமாக செலவு செய்ய பழகுவான் அவர்களுக்கு வாழ்வின் சூட்சுமமே விளங்காமல் வாழத்தொடங்கி விடுவார்கள்.

ஒரு மனிதன் அடிமட்ட வாழ்க்கையைத் தொடங்கி வாயைக்கட்டி, வயிற்றைக்கட்டி சிறுகச் சிறுக முன்னேறி வாழ்வில் உயரத்தை தொடுகின்றார் தனது பிள்ளை கஷ்டப்படவே கூடாது என்று எல்லாமே பார்த்து பார்த்து செய்கின்றார் பிள்ளையோ பணத்தின் அருமை தெரியாமல் எல்லாவற்றையும் செலவு செய்கிறான் இவர் மனம் நொந்தே இறந்தும் விடுகின்றார் நாளை இவனுக்கு வாரிசு உருவாகி பிள்ளையைப் பெற்று தனது தந்தையின் நிலைக்கு கொண்டு வந்து விட்டு இவனது வாழ்க்கையையும் முடித்து விடுகின்றான் பிறகு பேரன் கஷ்டப்பட ஆரம்பிக்கின்றான் இப்படித்தான் சமூகத்தில் பலருடைய இல்லங்களிலும் சந்ததிகளின் வாழ்க்கை சுழன்று கொண்டு இருக்கிறது நான் லட்ச ரூபாயைக்கூட அவசியத்தோடு அலட்சியமாய் செலவு செய்திருக்கின்றேன் சமயங்களில் ஒரு ரூபாயை செலவு செய்ய மறுத்திருக்கின்றேன் காரணம் அவை அவசியமற்றவைகளாக இருக்கும் இதனால் பலரும் என்னை ஒரு மாதிரியாக பார்த்து இருக்கின்றார்கள், பேசி இருக்கின்றார்கள் இதனைப்பற்றி எமக்கு கவலையில்லை நான் உழைப்பின் தன்மையை அறிந்தவன் எனது வாழ்க்கையில் நான் முதல் சம்பளம் பெறத்தொடங்கியது வாரச்சம்பளம் ரூபாய் 2.50 ஆகவே எனக்கு பணத்தின் அருமை தெரியும் இப்பொழுதுதானே டீ குடித்தோம் மீண்டும் எதற்கு ? என்று தவிர்த்ததுண்டு இப்பொழுதுதானே தர்மம் செய்தோம் மீண்டும் எதற்கு ? என்று ஒருபோதும் நினைத்ததில்லை இதுவே எனது கொள்கை உழைப்பே உயர்வுக்கு உறுதுணை.

சிறுதுளி பெருவெள்ளம் உணவை மிச்சப்படுத்துவீர் குப்பையில் போடுவதை பிச்சை எடுப்போருக்காவது இடுவீர்

 காணொளி