அடக்கி வாசி (தேன்)

ஒருமுறை அபுதாபியில் தேரோட்டி SORRY காரோட்டிக் கொண்டு போகும் பொழுது ஸிக்னலில் நின்றேன் எதேச்சையாக பக்கவாட்டில் திரும்பும்போது அடுத்த ட்ராக்கில் எனக்கு அருகில் ஒரு லேண்ட் க்ரோஷர் அதில் பின்புறத்தில் உட்கார்ந்திருந்த ஆண் ஒருவ(ன்)ர் என்னைப் பார்த்து சிரிப்பதுபோல் இருந்தது காரணம் எனது மீசைதான் என்பதை புரிந்து கொண்டேன், நம் இனிய இந்தியாவில் குறிப்பாக தமிழ்நாட்டில் பெரிய மீசையாக, விதவிதமாக வைத்திருப்பவர்கள் அதிகம் அது ஒரு விசயமே இல்லைதான் ஆனால் அரபு தேசங்களில் வைக்ககூடாது பெரும்பாலும் வைக்கவும் மாட்டார்கள் பின்புறத்தில் உட்கார்ந்திருந்தவன் முன் டிரைவிங் சீட்டில் ஒரு பெண் பக்கத்து சீட்டில் அவளது கணவனாகத்தான் இருக்க வேண்டும் அதொரு இந்தியக்காரர்கள் மும்பை வகையறா என்று தெரிந்து கொண்டேன் முன்புறத்தில் உள்ளவர்களிடம் எனது மீசையைபற்றி சொல்லியிருக்க வேண்டும் ஒரு இந்தியன் பக்கத்து காரைப்பார் என்று முன்புறத்தில் இருந்தவன் என்னைப் பார்த்தான், அவன் எனக்கு நேராக இருப்பதால் மறைக்கவே அவளும் என்னை எட்டிப்பார்த்தாள் சிரித்தாள், நான் மொத்தமாகவே அவர்களைப் பார்த்து வழக்கம் போலவே இயல்பான அழகுடன் புன்சிரிப்போடு இருந்தேன். பார்வைகள் நேருக்கு நேர் நிகழ்ச்சி போல ஒரு நிமிடத்துக்கும் மேல் நீடிக்க அனைவரும் சிரித்து பேசுகின்றார்கள் என்பது எனக்கு தெரிகிறது இருவரது கார் கண்ணாடிகளும் அடைத்து இருக்கிறது முக்கிய காரணம் அந்த இரு ஆடவர்களுக்கும் மீசை கிடையாது மும்பைகாரர்கள்தான் பெரும்பாலும் மீசை வைத்துக் கொள்வதில்லையே... நேருக்கு நேர் பார்வை நீடிக்க முன்புறத்து ஆண் கைகளை விரித்து என்ன ? என்பது போல் கேட்க, பதிலுக்கு நானும் அதேபோல் கேட்க, அவன் மீண்டும் கேட்க, நான் மீண்டும் கேட்க, அவன் கோபமாக கேட்க, எனக்கு கோபம் வருமா... வராதா ? பதிலுக்கு நானும் கோபத்துடன் கேட்க இரண்டு நிமிடம் ஓடியதால் ஸிக்னல் விழுந்து பின்புறத்தில் நிற்பவர்கள் ஹாரன் அடிக்கவே நினைவு வந்து காரை எடுக்கும் அளவுக்கு பனிப்போர்...

நடந்தது என்ன ? எனது மீசையை குறித்து பேசியிருக்கின்றார்கள் நமக்குத் தெரியாதா ? வருஷம் பூராம் எவ்வளவு நண்பர்களை சமாளித்து வருகிறோம் போலீஸ்காரர்கள் உள்பட, இதில் தவறில்லை பார்க்கட்டும் பேசட்டும் ஆனால் அவன் ஏன் முறைத்தான் ? அவளை நான் பார்க்கின்றேன் என்பதாலா ? அவர்களது கார் லெப்ட்டில் வளைய, விடுவேனா ? நமக்குத்தான் வேலை இல்லையே வம்புச்சண்டை வேண்டாம் வந்த சண்டையை விட்டால் ? நாம் கையாலாகாதவன் ஆகி விடுவோமே நம்பர் பிளேட்டை பார்த்தேன் துபாய் நம்மதான் உள்ளுர் அபுதாபியாச்சே

அதிராம்பட்டிணம் ஆளுக தேவகோட்டை வந்து சேட்டை செய்தால் விட்டு விடுவோமா ? அவர்கள் இங்கிலாந்துல இருந்தாலும் சரி, ஜேம்ஸ் ஊரணியில் நின்றாலும் சரி

பின்புறமே போய் இந்த நாட்டின் முறைப்படி லைட் அடித்து காண்பித்தேன் தொடர்ந்து அடிக்கவும் அடுத்து வந்த பார்க்கிங்கில் நிறுத்த, நானும் நிறுத்தி விட்டு இண்டிக்கேட்டரை போட்டு விட்டு கீழே இறங்கிப்போய் தொப்பியை சரியாக்கிக்கொண்டே...

காரில் இருந்தவன் ஒருகணம் என்னை போலீஸ் சிஐடி என நினைத்திருக்க வேண்டும் அவனது பார்வையிலேயே படித்தேன் காரணம் இந்த மாதிரியான வேலையெல்லாம் அவர்கள்தான் செய்வார்கள் இருப்பினும் இந்தியனுக்கு இருக்க வாய்ப்பில்லை என்பது அவனுக்கும் தெரியும்

ஏன் கோபப்பட்டே ?

நீ ஏன் இவளைப்பார்த்தே ?

நான் நினைத்தபடியே நேராக ‘’அந்த’’ விசயத்திற்கே வந்து விட்டான், முதலில் என்னைப்பார்த்து சிரித்து பேசிக்கொண்டு இருந்தது நீங்கள் மூன்று பேரும் பிறகுதான் நான் பார்த்தேன் அப்படினா இந்தப்பெண் ஏன் என்னை எட்டிப் பார்த்தது ? முதலில் அதைக்கேள்.

நீயேன் பார்த்துக்கிட்டே இருந்தே ?

நான் பட்டென சொன்னேன்

அப்படினா... போலீஸுக்கு கால் பண்ணுவோம் அவர்கள் வந்து முடிவு பண்ணட்டும்.

பொதுவாக இந்த நாட்டில் போலீஸ் ஸ்டேஷன் என்றாலே பயம் எனக்கும்தான், காரணம் அங்கு போனால் முதலில் கம்பெனியில் இருக்கும் பாஸ்போர்ட் அங்கு கை மாறிவிடும் பிறகு கோர்ட்டு, வழக்கு அப்படி இப்படியென்று நொந்து நூடூல்ஸ் ஆகிவிடுவான் நாட்டில் ஒரு பிரச்சனை வீட்டில் மரணம் என்றாலும்கூட போகமுடியாது வழக்கு முடியும்வரை

பின்புறத்தில் உள்ளவன் அவனை காருக்கு போகச்சொல்லி விட்டு...

சார் தேவையில்லாமல் ஏன் பிரச்சனை ? நாங்க அவசர வேலையாக போய்க்கிட்டு இருக்கோம் ப்ளீஸ்.

இங்கேபார் இப்போ ஒன்றும் பிரச்சனை கிடையாது எனது மீசையைப்பற்றி நீங்க பேசி சிரிச்சீங்க அது தப்பு கிடையாது ஆனா இந்தஆளு என்னை குற்றவாளி போல கேட்டதாலதான் இப்ப பிரச்சனையே

சாரி சார் விளையாட்டுத்தனமா தப்பு நடந்துருச்சு.

ஓகே நானும் சாரி கேட்டுக்கிறேன் உங்க நேரத்தை வீணாக்கியதற்கு ஓகே பை

என்று அத்துடன் அடக்கி வாசித்து முடித்துக் கொண்டேன். அவர்கள் காரை எடுத்துக்கொண்டு போகவும் நானும் அப்பாடா ¾ மணிநேரம் டைம் பாஸாகிடுச்சு என்று காரை எடுத்தேன்.

குறிப்பு – போலீஸ் ஸ்டேஷன் போவோம்னு சொன்னதுக்கு அவனும் சம்மதிச்சு கால் பண்ணியிருந்தால் ? அந்தப்பெண் ஒரு சின்னப்பொய் சொன்னால் போதும் இவன் என்னை.... இப்படி போலீஸ்காரர் வந்தால் நான் வேற கார் மாற வேண்டியது இருந்திருக்கும் நமக்கு மீசை வேற இப்படியிருக்கா சொல்லவா வேணும் என்னத்தச் சொல்ல ? இந்தப்பதிவு வந்துருக்காது அம்புட்டுதான்.

அடிக்குறிப்பு – இங்குள்ள போலீஸ் கார்களில் ஒரு நபரை பிடித்து உள்ளே உட்கார வைத்து விட்டால் உள்ளிருந்து திறக்க முடியாது வெளியில் இருந்தே போலீல்காரர்கள் திறப்பார்கள் காரணம் ஒருக்கால் கார் ஓடிக்கொண்டு இருக்கும் போது கைதி காரைத்திறந்து கொண்டு குதித்து விடலாம் என்பதால் இங்கு கைதிகளின் உயிருக்கு மிகவும் பாதுகாப்பு நம்மூர் போல் கைதி மரணம் என்ற செய்திகளுக்கு வேலையில்லை என்பது குறிப்பிடத்தக்கது.