கண்ணங்குடி, கண்புடுங்கி கண்ணப்பன்

நான் என்ன தவறிழைத்தேன்

சொல்லடி செல்லப் பெண்ணே

என்னை அழகில்லை என்று

சொல்லி விட்டாய் கண்ணே

உன்னை மறக்க நான் உலகை

மறக்க வேண்டும் பெண்ணே

என்னை துறக்க என்றுமே எனக்கு

உடன்பாடு இல்லை கண்ணே

உன் நினைவுகளே என்னை

கொன்று விடுமோ பெண்ணே

நான் இறந்தால் கண்ணை எடுத்து

விடச்சொல்வேன் கண்ணே

அந்தக் கண்ணை ஒரு ஆணுக்கே

பொருத்தச் சொல்லி பெண்ணே

அவனை தினம் உன்னை பார்த்து

ரசிக்கச் சொல்வேன் கண்ணே

மனித அன்பை உணந்து அறிந்திட

தெரியாத அழகிய பெண்ணே

அவனையாவது நீ புரிந்து கொள்ள

முயற்சி செய்வாய் கண்ணே

நானறிவேன் உனது பதி எனது

கண்ணை பொருத்தியவனே பெண்ணே

காரணம் அவன் உறுதியாக

செல்வந்தனாகத்தான் இருப்பான் கண்ணே

என் கண்ணோடு நீ நீடூழி காலம்

வாழ்ந்து நலம் பெறுவாய் பெண்ணே

அவன் உன்னை கண்ணோடு கண்ணாக

பார்த்து கொள்வான் கண்ணே

மறுபிறவியில் எனக்கு மீண்டும்

மானிடப்பிறவி இருந்தால் பெண்ணே

நிச்சயமாய் நான் அழுக்கில்லா

அழகப்பனாக பிறந்து வருவேன் கண்ணே

அப்பொழுதாவது என்னை அன்புடனே

ஏற்றுக்கொள்வாயா பெண்ணே

மீண்டும் என்னை யாசித்தால்

கண்ணை பிடுங்கி எறிவேன் கண்ணே

சிவாதாமஸ்அலி-

நீ மறுபிறவி எடுத்து வந்து என்ன ஆயிடப்போகுது ? உன்னைப்போல கூதரைகளைத்தான்டா ஐயா அப்துல் கலாம் மேலே தேடிக்கிட்டு இருக்காரு...