கோடரிவேந்தனும், செந்துரட்டியும் (8)

இப்பதிவின் தொடர்ச்சிகளை படிக்க கீழே சுட்டிகளை சொடுக்குக...

அகோசெ ஆகோசெ இகோசெ ஈகோசெ உகோசெ ஊகோசெ எகோசெ

இது எமது வாழ்வில் பூகம்பத்தை உண்டாக்கி விடுமோ ? இதை கண்ட கோடரி வேந்தன்...

செந்து அச்சம் தவிர்த்தல் நலம் வதனம் மகிழ்ச்சி கொள்க.

திருமண விழா இனிதே சிறப்புற்று மணமக்கள் இல்லம் வந்தடைந்தனர் செந்துரட்டி, மற்றும் குடும்பத்தாரின் வாக்கை மீறமுடியாத கோடரி வேந்தன் மறுதினமே யாத்திரை கொள்ளவதற்கு அனுமதிக்கப்பட்டது.

பள்ளியறை செல்ல தயாரான செந்துரட்டியை, தனது சினேகிதர் கோடரிவேந்தன் கொடுத்த ஓவியம் பற்றிய நினைவுகள் அலைக்கழித்தது. இதை இருவரும் தனிமையில் திறந்து காணச்சொல்வதின் அர்த்தமென்ன ? பொதுவெளியில் பரிசை திறந்து கொடுக்காததின் காரணமென்ன ? முதலில் தனியாக இதை திறந்து பார்த்த பிறகு நமது துணையிடம் காண்பிக்கலாமா ? சினேகிதரின் வாக்கை மீறுவது முறையா ? நாளை அறிந்தால் அவரது மனம் வேதனைப்படுமே... இருப்பினும் கோடரியார் தற்பொழுது மனம் திருந்தி வாழ்வதாக.. இயம்பியது மெய்தானே... ஒருவேளை இதில் ஏதாவது கோடரியார் கோக்குமாக்கு வேலையை காண்பிக்க நினைக்கின்றாரோ ? இவரை நம்பலாமா ? பலவாறு சிந்தனைக்குப் பிறகு...

வேறு வழியின்றி மனக்குழப்பத்தை தவிர்க்க கோடரி வேந்தன் பரிசு தந்த ஓவியத்தை எடுத்துக்கொண்டு மேல் மாடத்துக்கு சென்று அறையை தாழ்போட்டு விட்டு பிரித்து காண்கவும். இறைவா மனம் நிம்மதி கொண்டது மகிழ்ச்சியுடன் முதலில் நமது சினேகிதரின் திறமையை யாரிடம் உரைத்து பெருமை கொள்ளலாம் ? தந்தையாரிடம் அல்லது தாயாரிடம் அல்லது தாத்தா அல்லது அப்பத்தா அல்லது புதிய மணவாட்டி ? வேண்டாம் நாளை புலர்ச்சையில் குடும்ப உறவுகள் அனைவரையும் முத்தத்தில் அமர வைத்து காண வைப்போம் அதுவே நன்று.

மறுநாள் பொழுது புலர்ந்தது காலை உணவருந்திட அனைவரும் இல்லத்தின் முத்தத்தில் கூடியிருக்க மையத்தில் நின்ற செந்துரட்டி.

குடும்பத்தின் அனைவருக்கும் நமச்காரம் எமது உயிர் சினேகிதர் எமது விவாகத்தில் எங்களுக்கு அன்புப்பரிசு அருளியது தாங்கள் அனைவரும் அறிந்ததே இந்த ஓவியத்தை தீட்டியது இவரே இப்பொழுது தங்களது விழிகளுக்கு அன்பளிப்பு இதோ...

ஓ அருமை, அற்புதமாக இருக்கின்றது அனைவரும் கை தட்டி ஆர்ப்பரித்தனர்.

பிறகு மதியம் விருந்து உண்டு செந்துரட்டியின் தந்தையார் ஒரு கூட்டு வண்டி அமர்த்தி ஊமையனார் கோட்டை குருகுலத்தில் விட்டு வரும்படி பணித்தார் செந்துரட்டியின் தாயார் யாத்திரைக்கு வேண்டிய உணவும், அதிரசம், முருக்குகள் நிரம்பிய துணி முடிச்சை குருநாதருக்கும், மற்ற மாணாக்கர்களுக்கும் தனித்தனியாக எடுத்து வைக்க அனைவரிடமும் ஆசி பெற்று செந்துரட்டியும், கோடரி வேந்தனும் கட்டிப்பிடித்து கலங்கிய விழிகளுடன் பிரியாவிடை பெற, கூட்டு வண்டி குருகுலத்தை நோக்கி பயணித்தது....

செந்துரட்டியாருக்கு, கோடரிவேந்தரின் பரிசு

வாழ்க மணமக்கள் நாளும் நலமுடன்.

முற்றும்.

கோடரிவேந்தன் போலவே கெட்ட சிந்தனை உள்ள மனிதர்கள் உலகம் தோன்றிய காலம்தொட்டு வாழ்ந்து வந்துதான் இருக்கின்றனர். இருப்பினும் தவறுகளை உணர்ந்து பார்த்து நல்ல எண்ணங்களை வளர்த்துக் கொள்வதே ஆறறிவு மானிடருக்கு அழகு.

இப்பதிவு எழுதியதில் சரித்திர நிகழ்வுகளை பழமை தமிழ் நடையில் எழுதுவதில், நான் முழுமையான வெற்றி பெறவில்லை என்பதை உணர்ந்து கொண்டேன். இதில் 55% நண்பர்கள் புரிந்து கொண்டதில் மகிழ்ச்சி. மீதி 45% நண்பர்களுக்கு புரியும் விதத்தில் எழுதுவதில் தோல்வி கண்டுள்ளேன். விரைவில் அதன் காரணத்தை அறிந்து கொள்ள முயல்கிறேன். நான் நூறு வெற்றிகளை கண்டவன் அல்ல ஆயிரம் தோல்விகளை சந்தித்தவன் ஆகவே இதில் மனதளவில் பக்குவம் பெறும் வழிமுறைகள் அறிந்தவனும்கூட இப்பதிவு நான் எழுதியது 2016-ல் நான் எழுதிய கோடரிவேந்தன் என்ற பதிவில் நான்தான் மோகனரங்கம் என்றும், நான்தான் செந்துரட்டி என்றும் கருத்துரை தந்து தானாகவே வலையில் வந்து அமர்ந்தவர்கள் இரு பெரும் மலைகள் அந்த வார்த்தைகளை வைத்தே கதை பின்னி எழுதி வைத்து விட்டேன். கடந்த இரண்டு வருடங்களாக ஒவ்வொரு பகுதிகளையும் தமிழ் வார்த்தைகளால் செதுக்கி வைத்தேன். அதன் காரணமாகவே இப்பதிவை வெளியிட தாமதமானது மேலும் பதிவுலகில் பிரபலமானதும் வெளியிடலாம் என்ற அவநம்பிக்கையும் காரணமே...

அன்பின் ஜி குவைத் மன்னர் திரு. துரை செல்வராஜூ அவர்களுக்கு கடந்த பிறவியில் கோடரிவேந்தனாகிய நானும், செந்துரட்டியான தாங்களும் குருகுலத்தில் நிகழ்ந்த நிகழ்வுகளை பதிவாக்கினேன் செந்துரட்டியான தங்களைப்பற்றி எமது சிற்றறிவுக்கு எட்டியதை எழுதினேன் மேற்படி பதிவில் தங்களை குறைவாக ஏதும் மதிப்பிட்டு இருந்தால் ? ? ? இப்பதிவின் வாயிலாக மன்னிப்பு கேட்டுக் கொள்கிறேன்.

மேலும் இத்தொடரில் உழுவனூர் நாட்டாமையாக வருகை தந்த ஐயா திரு. ஜியெம்பி அவர்களுக்கும், ஆந்தைமடை, ஆருடர் ஆண்டியப்பனாக வருகை தந்த திரு. வெங்கட்ஜி அவர்களுக்கும், இவைகளை சகித்து படித்து கருத்து மழை பொழிந்து நம்பிக்கையூட்டிய அனைவருக்கும் எமது மனமார்ந்த நன்றிகள். என்றும் நட்புடன் - தேவகோட்டை கில்லர்ஜி

இந்தப்பதிவு உருவான காரணக் கதையை படிக்க இதோ

என்னை F m E சொடுக்க.

நன்றி இனியும் தொடர்வோம் வழக்கம் போல...