இறைவனை பார்த்தது யார் ?

சிவனை யாராவது பார்த்து இருக்கிறார்களா ? அவர் முறுக்கிய மீசையுடன் தமிழ் சினிமா, சீரியல் நாடகங்களில் வருகிறார் சரி. அதேநேரம் வடநாட்டு சினிமா சீரியல் நாடகங்களில் ஏன் மீசையில்லாமல் வருகிறார் ? வடநாட்டு தெய்வங்கள் எல்லா வகையிலும் அப்படியே வேறு படுகிறார்கள் தற்கால சராசரி மனிதர்கள் போலவே தலைமுடியை வெட்டாமல் அப்படியே வருகிறார்கள் சரி ஆனால் முகத்தை மட்டும் மீசையை ஒதுக்கி தாடியை மழித்து விட்டு வருகிறார்களே அப்படியானால் அவர்களுக்கும் ஷேவிங் செய்யும் பழக்கம் இருந்திருக்கிறதா ?

அதேபோல் கழுத்தில் எப்பொழுதும் நாகம் ஒன்று இருக்கிறது அவருக்கு ஏன் இந்த செக்யூரிட்டி ? சிவனுக்கு பசிக்காது உணவு தேவையில்லை சரி, நாகத்திற்கு ? அதனுடைய மற்ற காலைக்கடன்கள், இத்யாதி, இத்யாதிகள் இதெல்லாம் எப்போது ? அதேபோல் பார்வதியும் சராசரி பெண்களைப்போல் மாடலிங் காஸ்மெடிக் விதவிதமாய் போட்டு சேலை அணிந்து ரவிக்கை போட்டு வருகிறார் நன்றாகவே தெரிகிறது இதெல்லாம் கைவேலை இல்லை டெய்லரிங் வேலைதான் என்று. சமீபத்தில் விநாயகர் சீரியலில் பார்த்தேன் பார்வதிக்கு பதினெட்டு வயதுதான் இருக்கும் படுகவர்ச்சியாக இருந்தார் அவரது மகனாக நடிக்கும் விநாயகருக்கு இருபத்து மூன்று வயது இருக்கலாம் இது என்ன கணக்கு என்று இதுவரை விளங்கவில்லை..

இதைவிட நான் ஆச்சர்யப்பட்டது அவர் சுடிதார் அணிந்து இருந்ததே... மேலும் தமிழக பார்வதி பச்சை நிறத்தில் இருக்கின்றார். ஆனால் வடநாட்டு பார்வதி ஆரவல்லி திரைப்படத்தில் இரண்டாவது நாயகியாக வந்து நாயகனின் அப்பாவுக்கு செம்பில் தண்ணீர் கொடுப்பாரே குமுதவர்த்தினி அவரை மாதிரி நல்ல மாநிறமாக இருக்கின்றார். அப்புறம் தொலைக்காட்சியில் சமீபத்தில் பார்த்தேன் ஒருத்தி மிகவும் அழகாக இருந்தாள், அழகிய முறையில் மாடர்ன் உடையில் அதையும் ஆபாசமாக அணிந்து இருந்தாள் எனக்கும் சட்டென அவள்மீது காதல் பற்றிக்கொள்ளும் சூழல் திடீரென்று பார்த்தால் ? அவள் நாகமாக மாறி மீண்டும் பெண்ணாகி விட்டாள். பிறகு அக்கம் பக்கத்தில் விசாரித்த போதுதான் அறிந்தேன் அவள் பேயாம்...

உடனே இவள் அதுக்கு சரியாக வரமாட்டாள் என்று எனது எண்ணங்களை மாற்றிக் கொண்டேன் அப்படியானால் பேயாகியும் மேக்கப் செய்வார்களா ? விளக்கம் கேட்டால் கிருதுகாலம் புடிச்சவன்னு சொல்வாங்க நண்பர் திரு. பசி பரமசிவம் அவர்கள்கூட சண்டைக்கு வந்தாலும் வரலாம் நமக்கு எதுக்கு ஊர் வம்புஸ் ?

சிவாதாமஸ்அலி-

அதான் கேள்வியை கேட்டாச்சே ?