புர்ஜ் கலீஃபாவில்...

அபுதாபியில் இருக்கும் பொழுது ஒரு முறை இந்தியாவிலிருந்து வந்த நண்பரின் குடும்பத்தினரோடு துபாய் புர்ஜ் கலீஃபா வேர்ல்ட் டவருக்கு மேலே செல்வதற்கு போயிருந்த பொழுது எத்தனை முறைதான் போய் வருவது என்ற அலுப்பால் அவர்களை மேலே அனுப்பி விட்டு நான் மாலில் சுற்றிக்கொண்டு வந்தேன்

பிரமாண்டமான புக் ஸ்டாலை கண்டதும் சரி இன்றைக்கு வேண்டிய புக்குகளை அள்ளி விடலாம் என்று உள்ளே நுழைந்தேன் ஒரு நகரும் ட்ராலியை எடுத்துக் கொண்டேன் தொடக்க வரிசையில் நுழைந்தேன் எல்லாம் அரபு நூல்கள் இதை வாங்கி என்ன செய்வது ? சரியென்று அடுத்த பக்கம் போனேன் எல்லாம் ஆங்கில நாவல்கள் ஜோன் க்ரீன் எழுதிய பேப்பர் டௌன்ஸ் இருந்தது எடுத்து ட்ராலியில் போட்டேன் பிறகு ருபாஸி எழுதிய யங் சாமுராய் எடுத்துக் கொண்டேன் மற்றவை எனக்கு உடன் படவில்லை பிறகு அடுத்த பகுதியில் நுழைந்தால் எல்லாம் ஹிந்தி மலையாளம் நாவல்கள் சரியென்று...

காந்திஜியுடே டயரி, நவீன் சாவ்லா எழுதிய மதர் தெரேஸா, ஏ.பி.ஜே.அப்துல்கலாம் எழுதிய அக்னிச்சிறகுகள், மற்றும் யுவத்யம் கொதிக்குன்ன இந்தியா, டாக்டர். டி.எம். கோபிநாதபிள்ளை எழுதிய ஹிர்தய ஆரோக்கியம், அமீஷ் எழுதிய நாகன்மாருடெ ரகஸியம், எம். முகுந்தன் எழுதிய நிரித்தம் (NRITHAM),  வி.டி. நந்தகுமார் எழுதிய ரெண்டு பெண்குட்டிகள், உண்ணி ஆர். எழுதிய ஒரு பயங்கர காமுகன், ஆஹா நமக்கு மிகவும் பிடித்தமான எழுத்தாளர் காக்கநாடன் எழுதிய உஷ்ண மேகலா.

எடுத்துக் கொண்டேன் சரி தமிழ் நாவல்கள் எங்கே ? நாம் உள்ளே நுழைந்ததே எழுத்தாளர் தி. ஜானகிராமன் எழுதிய மோகமுள் நாவலுக்காகத்தானே இதைப்படித்து விட்டுத்தானே எழுத்தாளர் பட்டுக்கோட்டை பிரபாகர் பட்டுக்கோட்டை வீதிகளில் திரிந்ததாக சொல்லி இருந்தார் நாமும் வாங்கி படித்து விட்டு அபுதாபி சாலைகளில் நடந்து பார்ப்போமே என்று தேடினேன் தேடினேன் கடைசிவரை கிடைக்கவே இல்லை ஸ்டாலில் இருந்தவனிடம் கேட்டேன் தமிழ் நாவல்கள் எங்கே ? அது இல்லை என்றான் அப்பொழுதுதான் எனக்கு நினைவு வந்தது ஆங்கிலம் படித்தால் எனக்கு முதுகுவலி வரும் ஆகவே வேண்டாம் என்று எடுத்து வைத்தேன் பிறகுதான் ஞாபகம் வந்தது தமிழ் நாவலே கிடைக்காதபோது மலையாள நாவல் எதற்கு ? அந்த நேரம் செல் அழைத்தது தொடுதிரையை எடுத்து வடக்கு திசை நோக்கி தள்ளி விட்டு என்ன ? என்றேன் நாங்கள் டவரின் மேலிருந்து இறங்கப் போகின்றோம் நீங்கள் லிப்ட் அருகே வாருங்கள் என்றார்கள் டிராலியை ஓரமாக பார்க் செய்து விட்டு நடையைக் கட்டினேன் ஃபுர்ஜ் கலீஃபா லிப்டை நோக்கி...