சுமார் 847 ½ அடி

பதிவின் முந்தைய தொடர்ச்சியை படிக்க கீழே சொடுக்குக...

ஜனநாயக கடமை

இதைப் பார்த்து விட்டு அங்கிட்டுப் போனதும் கைத்தடிகள் கூடவே போவார்களே அவர்களிடம் கேட்பார்கள்.

இவன் யாரு ?

நம்ம மீசைக்காரர் இருக்காருல அவரு மகன் இவன் ஒரு வீணாப் போனவங்க.... வெத்து வேட்டு.

நண்பர்களே... நான் பலமுறை என் இனிய இந்தியாவுக்கு விடுமுறையில் வரும் பொழுது தேர்தல் சமயமாக அமைந்ததுண்டு அபுதாபியில் சிலர் என்னிடம் கேட்டு வாங்கிக் கொண்டவர்கள் உண்டு. அவர்களின் கேள்வி...

என்ன தேர்தலுக்கு ஊருக்கு போறீங்களோ ?  

நான் சொன்ன பதில்...

வேண்டாமே இங்கு காரணம் எனது மதிப்பை தங்களிடம் கெடுத்துக் கொள்ள விரும்பவில்லை ஆனால் கேள்வி கேட்டவன் தனது வாழ்நாள் முழுவதும் யாரையும் மீண்டும் அந்தக் கேள்வி கேட்க மாட்டான் என்பது உறுதி பெரும்பாலும் நான் ஊருக்கு வருவது எனது அன்புச் செல்வங்களின் பள்ளி விடுமுறையே அந்த நேரத்தில்தானே தேர்தலும் வைப்பார்கள் இதற்கு நானா பொறுப்பு ?  

வேட்பாளர்களின் மனதைப்படிக்க அவர்களுடன் பழகித்தான் அறிந்து கொள்ளமுடியும் என்றால் அது மடமை மருத்துவம் படித்தவனும், சட்டத்துறையை படித்தவனும் பணத்தைக்கட்டி தலைமையின் காலடியில் தலையை வைத்து கோடி கோடியாக தேர்தல் செலவு செய்பவன் நாட்டுக்கு சேவை செய்ய அல்ல தனது வீட்டுத் தேவைகளை பூர்த்தி செய்து கொள்ளவே இதைப்புரிந்து கொள்வதற்குகூட நமக்கு சுயசிந்தனையின்றி கடமை என்று சொல்லி ஓட்டுப் போடுகின்றோம் ஏன் ஒருமுறை நிறுத்திப் பார்த்தால்தான் என்ன ? இப்பொழுது நான் முடிவு செய்து விட்டேன் நான் நோட்டு வாங்கும் குடிமகன் அல்ல நோட்டாவில் குத்தும் மகன்.

ஓட்டுப் பொடுவது ஜனநாயக கடமை என்று சொல்வோரே வாழ்வில் ஒரு முறையேனும் தாங்கள் தவறு செய்ததில்லையா ? நான் இதுவரை ஓட்டுப் போட்டதில்லை என்பதை பகிரங்கமாகவே அறிவிக்கின்றேன் இது தவறென்றால் இதை சட்டப்படி சந்திக்கத்தயார் ஒரு உயிரைக் காப்பாற்ற ஒரு பொய் சொல்லலாம் என்று சொன்ன காந்திஜியின் வாக்கை ஏற்றுக் கொள்பவன் இந்தக் கில்லர்ஜி ஆகவே நானும் இந்தத் தவறைச் செய்தேன் செய்வேன் காரணம் நான் நூறு சதவீதமும் உண்மையானவன் அல்ல !

எனது மாமா ஒருவர் வார்டு கவுன்சிலராக நின்றார் தேர்தல் வேலைகளை பலரும் செய்தார்கள் சொந்த பந்தங்களால் நானும் செய்யக் கூடிய நிலைக்கு தள்ளப்பட்டேன் எனக்கு மனம் உறுத்தியது காரணம் தேர்தல் வேலையால் அவர்கள் வீட்டில் சிலமுறை சாப்பிடும் சூழல் ஆனால் நான்தான் தேர்தல் வேலை செய்வதை விரும்புவதில்லையே அது ஏனோ தெரியவில்லை எனக்கு மட்டும் தேர்தல் வேலை செய்வது சாலையில் நடந்து போகும் கிழவியை சேலையைப் பிடித்து இழுத்து பொது மக்களிடம் உதை வாங்குவது போன்ற உணர்வை ஏற்படுத்துகிறது இதனால் ஓட்டு கேட்க கூட்டமாக செல்லும் போது நான் மட்டும் கடைசியாக சுமார் 847 ½ அடி விட்டு நடந்து வருவேன் பட்டும் படாமலும், தொட்டும் தொடாமலும் ஏதோ வேற்று கிரக மனிதன் போலவே தொப்பியை போட்டு மறைத்துக் கொள்வேன். தேர்தலும் வந்து நடந்து முடிந்தது மாமா அமோக வெற்றி மறுநாள் மாமா சொன்னார்.

பரவாயில்லை மாப்பிள்ளை எனக்காகவாவது ஓட்டெல்லாம் போட்டாயே..

நான் ஓட்டுப் போடலை.

ஏன் ?

எனக்காககூட எனது கொள்கையை விட்டுக் கொடுக்க மாட்டேன் பின்னே உங்களுக்காக.. எப்படி .?

முறைத்து விட்டு போய் விட்டார் நான் நினைத்தால் பொய் சொல்லி இருக்கலாமே எனக்கு பொய் தேவையில்லை காரணம் நான் நானாக வாழ்பவன்.

முற்றும்.