மூஸாலி கோயில் (4)

முந்தைய பகுதிக்கு கீழே வரிசைப்படி சொடுக்குக...

(01) (02) (03)

குலவி பாடி முடிந்ததும் மேலும் சில சடங்குகள் நடந்தது திடீரென தலைவன் சொன்னான்...

ஃபயர் மிசாளு வருங்கா.... முஹி...

சொன்னதுதான் தாமதம் ஒருவன் வலையத்தில் தீ வைத்தான்.

அய்யய்யோ நம்மை சுட்டுத்திங்கப் போறாங்களோ... சிவமணிக்கு உயிரே நின்று விடும்போல் இருந்தது அலறக்கூட ஜீவன் இல்லாதது போல தொண்டை வறண்டு விட்டது தீயின் ஜூவாலைகள் சிறிதாக அனலை கக்கியது மேலும் கொட்டுச்சத்தமும் விண்ணைப் பிளக்கும் அளவுக்கு ஒலித்தது இவனது அலறலைக் கேட்க ஒரு நாதியும் இல்லாமல் எல்லோரும் ஆடிக்கொண்டு இருந்தார்கள் சிவமணியின் மனம் தவசியைப் பற்றியே நினைத்தது அவன் வருவானா ? இரவேசி மலையில் புதையல் இருக்கிறது அதை எடுத்து வந்தால் நாம் செல்வந்தனாகி விடலாம் என்று ஆசை காட்டினானே... உழைக்காமல் வாழ ஆசைப்பட்டதால்தானே எனக்கு இந்த கதி சைத்தான்களுக்கு இரையாகப் போகும் என்னை காப்பாற்று இறைவா ஆயிமாயிரம் வேண்டுதல்கள்.

திடீரென கொட்டுச்சத்தங்கள் நின்று விட்டன என்ன நடக்கப்போகுதோ தன்னைச்சுற்றி நறுமணப்புகை வந்து கொண்டு இருந்ததால் கண்ணுக்கு ஒன்றும் தென்படவில்லை சிறிது நாழிகையில் மெதுவாக காட்சிகள் முதலில் அவன் கண்ணில் பட்டது இதென்ன ? சிங்க முகத்தில் பலி பீடமோ ? அதற்கு பக்கவாட்டில் ஊன்றிய சிறிய கட்டையில் தலையை சாய்த்து வைத்து ஒன்று படுத்திருந்தது ஆடா... நாயா ? இப்பொழுது பலியாகப்போவது நானா ? இல்லை அதுவா... அதென்ன... மூன்று கால்கள் தன் வாழ்நாளில் பார்த்திடாத வகைகள் எல்லாம் காணும்படி ஆகிவிட்டதே... இந்தக் குழப்பங்களுக்கெல்லாம் பதில் ? சட்டென சிந்தனையைக் கலைத்தது தலைவனின் குரல்

மூஸாஹூ லூமாங்சீ.....

குரல் கேட்டதும் பக்கத்திலிருக்கும் கோட்டைக்கு எல்லோருடைய கண்களும் திரும்பியது வரிசையாக வாயில்கள் எதிலிருந்து எது வரப்போகிறதோ ? அதற்காகவே சிறப்பான கொட்டுச் சத்தங்கள் மீண்டும் ஒலித்தது இறைவா இந்த நொடியே எனக்கு மரணத்தை தந்து விடு என்னை ஏன் ? இப்படி சித்ரவதை செய்கிறாய் சிவமணிக்கு நொடிகள் யுகங்களாக போனது போலிருந்தது அந்தக்கோட்டையின் வாயிலில் இருந்து அந்த உருவம் வரும் சமயம் சட்டென வெள்ளை உடையணிந்த சீடர்கள் சிவமணியை சுற்றி எரிந்து கொண்டிருந்த தீயில் தண்ணீரை ஊற்றி அணைக்க மீண்டும் புகை மண்டலத்தின் ஊடே அந்த திசையை நோக்கினான் சரியாக தெரியவில்லை எனினும் அந்த உருவம் அவனை நோக்கியே வந்தது சுற்றியிருந்த கூட்டம் கோரஷாக கத்தியது..

.

ஸூராஹ்... மாஹா ஸீவாஞ்சூ...

ஸூராஹ்... மாஹா ஸீவாஞ்சூ...

ஸூராஹ்... மாஹா ஸீவாஞ்சூ...

சிவமணியின் மனம் முழுவதும் திக் திக் திக்

தொடரும்....