பேயிடம் பேசிய பேரம்

அபுதாபி நகரின் மையப்பகுதியில் இருக்கும் நான்கு கி.மீ. இந்த அண்டர்க் ரௌண்டில் நள்ளிரவு 01.00 மணிக்கு நான் எனது காரில் வரணும் காணொளியும் எடுத்துக் கொண்டு (ஆதாரமாம்) வந்து மறுமுனையில் எனக்காக காத்திருக்கும் அதாவது இவர்கள் எனது தலைக்கு மேலே வந்து கொண்டு இருப்பார்கள் நண்பர்களிடம் காண்பிக்க வேண்டும் இது பந்தயம்.

நான் உள்ளே பேயை கண்டு பயந்து விடுவேனாம் நாம பேயிடமே பேரம் பேசுற பரம்பரை. இது என்னால் முடியாதென சொன்னவர்கள் நான்கு பேர்கள் பந்தயத் தொகை நூறு திர்ஹாம்ஸ் எனச் பேசப்ப்பட்டது நான் காறித்துப்பி விட்டு நான்கு பேர் இருக்கீங்க தலைக்கு நூற்றி இருபத்து ஐந்து திர்ஹாம்ஸ் போடுங்க நான் தோற்றால் உங்களுக்கு ஐநூறு திர்ஹாம்ஸ் தர்றேன். நான்தான் தீர்மானித்து விட்டேனே நமது பணம் கண்டிப்பாக அந்தப்புறம் போவது சாத்தியமில்லையே மேலும் இதற்காக நாம் ½ இரவு முழித்து இருக்க வேண்டுமே அதற்கு கூலி வேண்டுமோனா... அவர்கள் அனைவருமே என்னைவிட உயர்ந்த நிலையில் இருக்கும் அறிவாளிகள்.

நான் பயந்து விடுவேன் என்று நினைத்து அவர்கள் பயப்படாமல் சம்மதிக்க நான் காரில் வழக்கம்போல கோடரியை எடுத்துப் போட்டுக் கொண்டு கிளம்பி மறுமுனைக்கு வந்தேன் கையிலே காசு வாயிலே தோசை ½ மணி நேரத்தில் வேலை முடிந்தது பணம் கொடுத்தவங்க வயித்தெரிச்சல் நமக்கு வேண்டாமே அவர்களையும் ஹோட்டலுக்கு அழைத்துப் போய் நல்லபடியாக பகுதி பணத்துக்கு சாப்பிட்டு ஏப்பம் விட்(டோம்)டேன் மீதிப்பணத்தை அடுத்த மாதம் பெட்ரோல் செலவுக்கு மட்டும் உபயோகப்படுத்தினேன் காரணம் அப்பொழுதுதானே காற்றில் கரைந்து போகும் மறுநாள் ஏதும் பந்தயம் இருக்கின்றதா ? என்று கேட்டேன் இல்லை சொல்லி விட்டார்கள் என்ன காரணமோ தெரியவில்லை. மற்றொருநாள் அந்த அறிவாளி நண்பர்களை சந்திக்கும் பொழுது கேட்டேன்.

எதற்காக நீங்கள் என்னால் அப்படி வரமுடியாது என்று முடிவு எடுத்தீர்கள் ? நம்மூர் என்றால் பயந்தவன் சட்டென திரும்பி விடுவான் இது ஒரு வழிப்பாதை போனவன் போனான்டினு இங்கே நுழைஞ்சவன் அங்கே வந்துதானே ஆகணும் மேலும் உள்ளேதான் பகல் மாதிரி அவ்வளவு லைட் போட்டு இருக்கானே... நீங்க பார்த்ததே இல்லையா... இந்த சாதாரண ஐடியாகூட இல்லாத நீங்கள் எப்படி ஐ.டி.படிச்சீங்க ?

இல்லை நீ பயந்து போய் அப்படியே நின்றுருவேனு நினைச்சோம்.

அதாவது நின்று போனால் போலீஸ் வந்து புடிச்சுகிட்டு போகும்னு இதானே ஐடியா ? அவன் வந்தாலும் வண்டி திடீர்னு நின்று போச்சுனு சொன்னால் அவன் உதவுவானே ? இதுகூட தெரியாமல் எப்படி லைசென்ஸ் எடுத்தீங்க ? நான் சிலநேரம் இங்கிலீஷ்ல சந்தேகம் கேட்டதுக்கு படிக்காதவன் என்பதற்காக நீங்க எல்லோருமே என்னை எத்தனை முறை கிண்டல் செய்து இருக்கீங்க ? உண்மையிலேயே சொல்றேன் நான் படிக்காததற்காக வருத்தப்படவில்லை உங்களாலே அந்தக்கவலை கொஞ்சம் இன்றைக்கு குறைந்த்து விட்டது சந்தோஷமான நன்றி.

பொதுவாக எனக்கு கார் ஓட்டுவது மிகவும் பிடித்தமான விடயம் மேலும் பலமுறை இரவு நேரத்தில் துபாய் போய்விட்டு வரும்பொழுது இதே வழியில் தனியாக வந்து இருக்கிறேன் பல நண்பர்களும் குடும்பத்துடன் எங்கு போக வேண்டுமானாலும் நான் கண்டிப்பாக அவர்களுக்கு வேண்டும் காரணம் கார் ஓட்டுவது எங்கும் வழி அறிந்தவன் என்பதால் நமக்கென்ன கரும்பு தின்னக்கூலியா ? சும்மா இருக்கும் பொழுது விடுமுறை நாட்களில் அவர்களது காரில் போகிறோம் வருகிறோம் அவர்கள் செலவு செய்கிறார்கள் உதவி செய்யும் மனப்பக்குவம் என்னை இப்படியே ஆக்கி விட்டது ஒருமுறை இனிய இந்தியாவில் இருக்கின்றேன் நண்பரிடமிருந்து போன்...

.

ஹலோ துபாய்ல மஹ்தூம் ப்ரிட்ஜ் பக்கத்துல நிற்கிறேன் சத்வாவுக்கு எப்படி போறது ?

ஏங்க இது கொஞ்சமாவது நியாயமா... துபாயிலே நின்னுக்கிட்டே இங்கே போன் செய்து வழி கேட்கிறீங்க ?

சட்டுனு சொல்லுங்க ஸிக்னல் விழப்போகுது

இப்படிப்பட்ட நண்பர்கள் எனக்கு நிறைய...

காணொளி